„პირების მიმართ, ფასიანი ქაღალდების კანონმდებლობის დარღვევისთვის, ფულადი ჯარიმის ოდენობის განსაზღვრის, დაკისრების და აღსრულების წესის დამტკიცების შესახებ“ საქართველოს ეროვნული ბანკის პრეზიდენტის 2012 წლის 14 თებერვლის N35/04 ბრძანებაში ცვლილების შეტანის თაობაზე

„პირების მიმართ, ფასიანი ქაღალდების კანონმდებლობის დარღვევისთვის, ფულადი ჯარიმის ოდენობის განსაზღვრის, დაკისრების და აღსრულების წესის დამტკიცების შესახებ“ საქართველოს ეროვნული ბანკის პრეზიდენტის 2012 წლის 14 თებერვლის N35/04 ბრძანებაში ცვლილების შეტანის თაობაზე
დოკუმენტის ნომერი 61/04
დოკუმენტის მიმღები საქართველოს ეროვნული ბანკის პრეზიდენტი
მიღების თარიღი 31/03/2020
დოკუმენტის ტიპი საქართველოს ეროვნული ბანკის პრეზიდენტის ბრძანება
გამოქვეყნების წყარო, თარიღი ვებგვერდი, 31/03/2020
სარეგისტრაციო კოდი 220010020.18.011.016447
61/04
31/03/2020
ვებგვერდი, 31/03/2020
220010020.18.011.016447
„პირების მიმართ, ფასიანი ქაღალდების კანონმდებლობის დარღვევისთვის, ფულადი ჯარიმის ოდენობის განსაზღვრის, დაკისრების და აღსრულების წესის დამტკიცების შესახებ“ საქართველოს ეროვნული ბანკის პრეზიდენტის 2012 წლის 14 თებერვლის N35/04 ბრძანებაში ცვლილების შეტანის თაობაზე
საქართველოს ეროვნული ბანკის პრეზიდენტი
 

საქართველოს ეროვნული ბანკის პრეზიდენტის

ბრძანება  №61/04

2020 წლის 31 მარტი

ქ. თბილისი

 

„პირების მიმართ, ფასიანი ქაღალდების კანონმდებლობის დარღვევისთვის, ფულადი ჯარიმის ოდენობის განსაზღვრის, დაკისრების და აღსრულების წესის დამტკიცების შესახებ“ საქართველოს ეროვნული ბანკის პრეზიდენტის 2012 წლის 14 თებერვლის  35/04 ბრძანებაში ცვლილების შეტანის თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტის და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ:

 


მუხლი 1
„პირების მიმართ, ფასიანი ქაღალდების კანონმდებლობის დარღვევისთვის, ფულადი ჯარიმის ოდენობის განსაზღვრის, დაკისრების და აღსრულების წესის დამტკიცების შესახებ“ საქართველოს ეროვნული ბანკის პრეზიდენტის 2012 წლის 14 თებერვლის №35/04 ბრძანებით (www.matsne.gov.ge, 17/02/2012, სარეგისტრაციო კოდი: 220010020.18.011.016067) დამტკიცებულ წესში შეტანილ იქნეს შემდეგი ცვლილება:

1. პირველი მუხლის მე-3 პუნქტი ჩამოყალიბდეს შემდეგი რედაქციით:

„3. ეროვნული ბანკი უფლებამოსილია ფასიანი ქაღალდების ბაზრის მონაწილეების და/ან მათი მმართველი ორგანოს წევრის მიმართ გამოიყენოს ამ წესით დადგენილი ფულადი ჯარიმები, თუ ფასიანი ქაღალდების ბაზრის მონაწილემ და/ან მისი მმართველი ორგანოს რომელიმე წევრმა დაარღვია ფასიანი ქაღალდების შესახებ საქართველოს კანონმდებლობა, ეროვნული ბანკის ინსტრუქცია, დებულება, წესი, მოთხოვნები და/ან წერილობითი მითითებები, „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მოთხოვნები. “.

2. მე-3 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. ანგარიშვალდებული საწარმოს მიერ „ფასიანი  ქაღალდების  ბაზრის  შესახებ“ საქართველოს კანონის მე-11 მუხლით გათვალისწინებული წლიური ანგარიშის კანონმდებლობით დადგენილ  ვადაში  ან/და  დადგენილი  წესით/ფორმით წარუდგენლობა ან „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით გათვალისწინებული ანგარიშგებების ამავე კანონით დადგენილ ვადაში ან/და დადგენილი წესით/ფორმით წარუდგენლობა გამოიწვევს საწარმოს დაჯარიმებას, „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონით განსაზღვრული ზომითი კატეგორიისა და საზოგადოებრივი დაინტერესების პირის (შემდგომში – სდპ) სტატუსის შესაბამისად:

ა) მეოთხე კატეგორიის საწარმოსი – 500 ლარის (ხუთასი) ოდენობით;

ბ) მესამე კატეგორიის საწარმოსი – 1 000 (ათასი) ლარის ოდენობით;

გ) მეორე კატეგორიის საწარმოსი – 5 000 (ხუთი ათასი) ლარის ოდენობით;

დ) პირველი კატეგორიის საწარმოსი და  სდპ-ისა –10 000 (ათი ათასი) ლარის ოდენობით;

ე) საწარმოსი (მიუხედავად ზომითი კატეგორიისა), რომელსაც ეროვნული ბანკის მიერ დამტკიცებული ემისიის პროსპექტის საფუძველზე  განთავსებული აქვს საჯარო ფასიანი ქაღალდები – 10 000 (ათი ათასი) ლარის ოდენობით (მხოლოდ „ფასიანი  ქაღალდების  ბაზრის  შესახებ“ საქართველოს კანონის მე-11 მუხლით გათვალისწინებული წლიური ანგარიშის კანონმდებლობით დადგენილ  ვადაში  ან/და  დადგენილი  წესით/ფორმით წარუდგენლობის შემთხვევაში)“;

ბ) მე-3 პუნქტის შემდეგ დაემატოს შემდეგი შინაარსის 31 და 32 პუნქტები:

„31. ამ მუხლის მესამე პუნქტით განსაზღვრულ მოთხოვნათა განმეორებით შეუსრულებლობის შემთხვევაში, ეროვნული ბანკი უფლებამოსილია საწარმოს მიმართ გამოიყენოს დაკისრებული ჯარიმის ორმაგი ოდენობა.

32. ანგარიშვალდებული საწარმოს მიერ „ფასიანი  ქაღალდების  ბაზრის  შესახებ“ საქართველოს კანონის მე-11 მუხლით გათვალისწინებული ნახევარ-წლიური და მიმდინარე ანგარიშის კანონმდებლობით დადგენილ ვადაში ან/და დადგენილი წესით/ფორმით წარუდგენლობა, გამოიწვევს ანგარიშვალდებული საწარმოს დაჯარიმებას 1 000 (ათასი) ლარის ოდენობით.“;

გ) მე-4 და მე-5 პუნქტები ამოღებულ იქნეს;

დ) მე-10 პუნქტი ამოღებულ იქნეს.

 

მუხლი 2
ეს ბრძანება ამოქმედდეს გამოქვეყნებისთანავე.

ეროვნული ბანკის პრეზიდენტიკობა გვენეტაძე