“საჯარო ინფორმაციის პროაქტიული გამოქვეყნების წესისა და საჯარო ინფორმაციის ელექტრონული ფორმით მოთხოვნის სტანდარტის დამტკიცების შესახებ” გორის მუნიციპალიტეტის საკრებულოს 2018 წლის 13 აპრილის N29 დადგენილებაში ცვლილების შეტანის შესახებ

1. მე-3 მუხლის მე-4 პუნქტი ჩამოყალიბდეს შემდეგი რედაქციით:

„4. ინფორმაცია ელექტრონულ რესურსზე უნდა განთავსდეს იმგვარად, რომ შესაძლებელი იყოს განთავსებული ინფორმაციის ჩამო­ტ­ვირთვა, ბეჭდვა და კოპირება ინფორმაციის დაკარგვის ან/და დაზია­ნე­ბის გარეშე. ინფორმაციის თავისებურებებიდან გამომდინარე, ინფორმაცია ვებგვერდზე, განთავსდება PDF, Word ან/და Excel ფორმატში.“;

2. მე-3 მუხლს დაემატოს შემდეგი შინაარსის მე-5 და მე-6 პუნქტები:

„5. მუნიციპალიტეტის ბიუჯეტის პროგრამების/ქვეპროგრამების შესახებ ინფორმაცია (პროგრამები, სამართლებრივი აქტები, შესრულების ანგარიშები, განაცხადის/აპლიკაციის ფორმა), ვებგვერდის შესაბამის ნაწილში/განყოფილებაში განთავსების გარდა, ასევე უნდა განთავსდეს ერთ ნაწილში/განყოფილებაში, კონსოლიდირებულად.

6. ამ წესის მე-4 მუხლის „ქ“ ქვეპუნქტით გათვალისწინებული ინფორმაცია მისი თავისებურებისა და დანიშნულების გათვალისწინებით ვებგვერდზე განთავსდება Word ან/და Excel ფორმატში.“;

3. მე-4 მუხლის „ე“ ქვეპუნქტი ჩამოყალიბდეს შემდეგი რედაქციით:

„საანგარიშო წლის მუნიციპალიტეტის ბიუჯეტის შესრულების კვარტალური მიმოხილვა (ანგარიში) და წლიური ანგარიშები, საკრებულოსთვის მისი წარდგენიდან 10 დღის ვადაში;“;

4. მე-4 მუხლს დაემატოს შემდეგი შინაარსის „ე¹“ ქვეპუნქტი:

„ე¹) მუნიციპალიტეტის ბიუჯეტის პროგრამების/ქვეპროგრამების შესრულების ანგარიშები, მათი შედგენიდან ან/და წარდგენიდან 10 დღის ვადაში;“;

5. მე-4 მუხლს დაემატოს შემდეგი შინაარსის „ვ¹“ ქვეპუნქტი:

„ვ¹) მუნიციპალიტეტის ბიუჯეტის პროგრამების/ქვეპროგრამების პროექტები, მათი შედგენიდან ან/და წარდგენიდან 10 დღის ვადაში;“;

6. მე-4 მუხლს დაემატოს შემდეგი შინაარსის „ს¹“ ქვეპუნქტი:

„ს¹) მუნიციპალიტეტის ბიუჯეტის პროგრამები/ქვეპროგრამები და მათ განხორციელებასთან დაკავშირებული ადმინისტრაციულ-სამართლებრივი აქტები (მათ შორის ცვლილებები), მათი ძალაში შესვლიდან 10 დღის ვადაში (განახლებადია ცვლილების შემთხვევაში). უნდა გამოქვეყნდეს როგორც ადმინისტრაციულ-სამართლებრივი აქტის ცვლილება, ასევე ადმინისტრაციულ-სამართლებრივი აქტის კონსოლიდირებული ვერსია;“;

7. მე-4 მუხლს დაემატოს შემდეგი შინაარსის „ქ“ ქვეპუნქტი:

„ქ) მუნიციპალიტეტის ბიუჯეტის პროგრამებში/ქვეპროგრამებში მონაწილეობის მისაღებად წარსადგენი საპროექტო განაცხადის/განაცხადის/აპლიკაციის ფორმები, მათი დამტკიცებიდან 10 დღის ვადაში (განახლებადია ცვლილების შემთხვევაში);“.