„ხელვაჩაურის მუნიციპალიტეტში ადგილობრივი მოსაკრებლების შემოღებისა და მათი განაკვეთის განსაზღვრის შესახებ“ - ხელვაჩაურის მუნიციპალიტეტის საკრებულოს 2018 წლის 26 ივლისის №33 დადგენილებაში ცვლილების შეტანის შესახებ

ა) დადგენილების პირველი მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

 „ა) მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ადგილობრივი სანებართვო მოსაკრებელი და მისი ოდენობა განაშენიანების ინტენსივობის კოეფიციენტის (კ-2) საანგარიშო ფართობის თითოეული კვადრატული მეტრისათვის განისაზღვროს 1 ლარით;“;

ბ) დადგენილების პირველი მუხლის პირველი პუნქტის „გ“ ქვეპუნქტით დამტკიცებული „დანართი 1“- ის პრეამბულა ჩამოყალიბდეს შემდეგი რედაქციით:

„ინსტრუქცია შემუშავებულია „ადგილობრივი მოსაკრებლების შესახებ“ და „არქიტექტურული საქმიანობის შესახებ“ – საქართველოს კანონების შესაბამისად. იგი განსაზღვრავს ხელვაჩაურის მუნიციპალიტეტის ტერიტორიაზე მშენებლობის ნებართვის გაცემის (მიღების) და მოსაკრებლის გამოანგარიშებისა და გადახდის წესს“.“

გ) დადგენილების პირველი მუხლის პირველი პუნქტის „გ“ ქვეპუნქტით დამტკიცებული „დანართი 1“-ის მე-3 მუხლის პირველი პუნქტი ჩამოყალიბდეს შემდეგი რედაქციით:

„1. მშენებლობის მოსაკრებლის განაკვეთი კანონმდებლობის შესაბამისად განისაზღვრება განაშენიანების ინტენსივობის კოეფიციენტის (კ-2)  საანგარიშო ფართობის ერთ კვადრატულ მეტრზე, რომელიც ხელვაჩაურის მუნიციპალიტეტის ტერიტორიაზე შეადგენს ახლად აშენებული ობიექტის პროექტით გათვალისწინებული განაშენიანების ინტენსივობის (კ-2)  საანგარიშო ფართობის 1 კვ.მ-ზე 1 ლარის ოდენობით.“;

დ) დადგენილების პირველი მუხლის პირველი პუნქტი „გ“ ქვეპუნქტით დამტკიცებული „დანართი 1“- ის მე-4 მუხლის პირველი პუნქტი ჩამოყალიბდეს შემდეგი რედაქციით:

 „1. მოსაკრებელი გამოიანგარიშება ობიექტის პროექტით განსაზღვრული განაშენიანების ინტენსივობის კოეფიციენტის (კ-2)  საანგარიშო ფართობის (კვადრატულ მეტრებში) გადამრავლებით მოსაკრებლის განაკვეთზე.“.