„ხულოს მუნიციპალიტეტის 2020 წლის ბიუჯეტის დამტკიცების შესახებ“ ხულოს მუნიციპალიტეტის საკრებულოს 2019 წლის 25 დეკემბრის N20 დადგენილებაში ცვლილებების შეტანის შესახებ

1. დადგენილების მეორე მუხლი ჩამოყალიბდეს შემდეგი რედაქციით:

„მუხლი 2. ამ დადგენილების ამოქმედებისთანავე ძალადაკარგულად გამოცხადდეს „ხულოს მუნიციპალიტეტის 2019 წლის ბიუჯეტის დამტკიცების შესახებ“ ხულოს მუნიციპალიტეტის საკრებულოს 2018  წლის 19  დეკემბრის  №92 დადგენილება.“.

2. დადგენილებით დამტკიცებული დანართი ჩამოყალიბდეს თანდართული რედაქციით.

 განისაზღვროს მუნიციპალიტეტის ბიუჯეტის არაფინანსური აქტივების ზრდა 3 189 193 ლარის ოდენობით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 0 ათასი ლარის ოდენობით:

2.  განისაზღვროს  მუნიციპალიტეტის ბიუჯეტის ფინანსური აქტივების კლება 69 626 ლარის ოდენობით.

დასუფთავება და გარემოს დაცვა;

განათლება;

კულტურა, რელიგია, ახალგაზრდობა და სპორტი;

ჯანმრთელობის დაცვა და სოციალური უზრუნველყოფა.

წარმომადგენლობითი და აღმასრულებელი ორგანოების დაფინანსება (პროგრამული კოდი 01 00)

პროგრამის მიზანი: წარმომადგენლობითი და აღმასრულებელი ორგანოების გამართული და ეფექტური მუშაობა.

პროგრამის აღწერა:

აღნიშნული ხარჯები უზრუნველყობს სისტემის გამართულ მუშაობას მუნიციპალიტეტის საკრებულოსა და მუნიციპალიტეტის მერიაში. ასევე, ფინანსდება მუნიციპალიტეტის ბიუჯეტის სარეზერვო ფონდი, კადრების მომზადება-გადამზადებასთან დაკავშირებული ხარჯები და წვევამდელთა ტრანსპორტირება.

სარეზერვო ფონდი (პროგრამული კოდი 01 02 01)

პროგრამის მიზანი:

ხულოს მუნიციპალიტეტის ბიუჯეტში გაუთვალისწინებელი გადასახდელების დაფინანსება.

პროგრამის აღწერა:

ხულოს მუნიციპალიტეტის ბიუჯეტიდან საჭიროების შემთხვევაში გაუთვალისწინებელი (სტიქიური მოვლენებისა და ფორსმაჟორული სიტუაციების), გადაუდებელი გადასახდელების დაფინანსება.

წინა წლებში წარმოქმნილი დავალიანებების დაფარვისა და სასამართლო გადაწყვეტილებების აღსრულების ფონდი (პროგრამული კოდი 01 02 03)

პროგრამის მიზანი:

მუნიციპალიტეტის მიერ აღებული ვალდებულებების დადგენილ ვადებში დაფარვა.

პროგრამის აღწერა:

ხელშეკრულების პირობების შესაბამისად მერიის მიერ დაკავებული გასულ წლებში შესრულებული სამუშაოების ღირებულების დარჩენილი ასანაზღაურებელი თანხის დაფარვა.

პრიორიტეტი:

1. ინფრასტრუქტურის მშენებლობა, რეაბილიტაცია და ექსპლუატაცია (პროგრამული კოდი 02 00)

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება. აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინრასტრუქტურის მოწესრიგება, გარე განათების, გამწვანების, სანიტარიული დასუფთავების, წყალმომარაგებისა და კანალიზაციის მშენებლობა-რეაბილიტაცია, განხორციელდება კეთილმოწყობითი ღონისძიებები, ასევე არსებული ინფრასტრუქტურის მოვლა-შენახვა და მის ექსპლოატაციასთან დაკავშირებული ხარჯების დაფინანსება.

1.1 საგზაო და სხვა სახის სატრანსპორტო ინფრასტრუქტურის განვითარება (პროგრამული კოდი 02 01)

პროგრამის მიზანი:

 საგზაო ინფრასტრუქტურის მდგომარეობის გაუმჯობესება და სრულყოფა. გზის გამტარუნარიანობისა და საგზაო უსაფრთხოების გაზრდა, მგზავრობის დროის შემცირება.

პროგრამის აღწერა:

პროგრამის ფარგლებში განხორციელდება საგზაო ინფრასტრუქტურის გზების, სახიდე გადასასვლელების რეაბილიტაცია, მოიალაღეთა უფასო ტრანსპორტირება და ხულო-თაგოს ბაგირგზის ფუნქციონირებასთან დაკავშირებული ხარჯები.

პროგრამის ფარგლებში განხორციელდება შემდეგი ქვეპროგრამები:

მთებზე მოიალაღეთა ტრანსპორტირება (პროგრამული კოდი 02 01 01)

ქვეპროგრამის მიზანი:

მუნიციპალიტეტში ფერმერული მეურნეობების (მეცხოველეობის) განვითარების ხელშეწყობა; ალპური რესურსების გამოყენება მეცხოველეობის პროდუქტების წარმოებაში.

ქვეპროგრამის აღწერა:

მოსახლეობის ხელშეწყობის მიზნით მუნიციპალიტეტის მერია უზუნველყობს მგზავრთა უფასო ტრანსპორტით მომსახურებას სამთო იალაღებზე იმ პერიოდში, როცა ა(ა)იპ – ხულოს ავტოსერვისი, არ ახორციელებს აღნიშნულ მომსახურებას (ა(ა)იპ ხულოს ავტოსერვისი ადრე გაზაფხულზე და გვიან შემოდგომაზე არ ახორციელებს მგზავრთა მომსახურებას სამთო იალაღებზე). მომსახურება ხორციელდება კურორტ ბეშუმის, მთა ზორტიყელის, მთა ლეკნარის, მთა სარიჩაირის, მთა თეთრობის, მთა ლოდიძირის, მთა ჯანჯღნარის, ვაშლოვანის მთის, დიდაჭარის მთის, ხიხაძირის მთის, მიმართულებით. ქვეპროგრამა ითვალისწინებს შედგენილი გრაფიკის მიხედვით კვირაში 5-6 მარშრუტს.

მუნიციპალიტეტის სხვადასხვა სოფელში პრობლემური მონაკვეთების მოსაწყობად მზა ბეტონის შეძენა (პროგრამული კოდი 02 01 04);

ქვეპროგრამის მიზანი:

ცალკეულ უბნებში გზების და ქუჩების რეაბილიტაცია, ბეტონის საფარის დაგება.

ქვეპროგრამის აღწერა:

მუნიციპალიტეტში მრავლად არის შიდა სასოფლო გზებზე ისეთი მონაკვეთები, სადაც ავტომანქანით მისვლა ჭირს და მოსახლეობას ხშირად უხდება ფეხით გადაადგილება და ტვირთის ხელით გადაზიდვა. პრობლემის ნაწილობრივ მოსაგვარებლად იქ, სადაც უფრო მეტად პრობლემატური მონაკვეთებია, დაგეგმილია ბეტონის საფარის მოწყობა, რომელიც მოიცავს მუნიციპალიტეტში არსებულ თითქმის ყველა სოფელს. დაგეგმილია დაახლოებით 4700 კუბური მეტრის სასაქონლო ბეტონის შეტანა სხვადასხვა სოფელში, რომლითაც მოეწყობა 14100 გრძივი მეტრი გზა.

ბეღლეთი-ბოძაურის დამაკავშირებელი საფეხმავლო ხიდის მოწყობა (პროგრამული კოდი 02 01 05);

ქვეპროგრამის მიზანი:

მოსახლეობისათვის მარტივი გადაადგილების საშუალების შექმნა.

ქვეპროგრამის აღწერა:

სოფელ ბეღლეთისა და ბოძაურის დამაკავშირებელი ხიდი, რომლითაც სარგებლობდა მოსახლეობის დაახლოებით 90 ოჯახზე მეტი, წლების განმავლობაში ამორტიზებულია და ვერ ხერხდება ხიდით სარგებლობა, რის გამოც მოსახლეობას უხდება შემოვლითი გზის გამოყენება, რაც შორია და დაკავშირებულია მეტ ხარჯებთან. აღნიშნული ხიდის მშენებლობით ორი სოფლის მოსახლეობას აღუდგება ახლო დამაკავშირებელი საფეხმავლო სახიდე გადასასვლელი.

ძმაგულაში საფეხმავლო ხიდის მოწყობა (პროგრამული კოდი 02 01 06)

ქვეპროგრამის მიზანი:

მოსახლეობისათვის მარტივი გადაადგილების საშუალების შექმნა.

ქვეპროგრამის აღწერა:

სოფელში მცხოვრები 3 ოჯახი წლების განმავლობაში სარგებლობს მდინარეზე გადასასვლელი საფეხმავლო ხიდით, რომელიც თითქმის მთლიანად ამორტიზებულია და ქმნის საფრთხეს მოსახლეობის გადაადგილების დროს. იქ არსებულ ოჯახებს არა აქვთ სხვა ალტერნატიული მისასვლელი გზა, რის გამოც მათ გავლა და ტვირთის გადაზიდვა უხდებათ აღნიშნული ამორტიზებული ხიდით. არსებულიდან გამომომდინარე, საჭირო გახდა ახალი საფეხმავლო ხიდის მოწყობა, რითაც 3 ოჯახს აღუდგება უსაფრთხო სახიდე გადასასვლელი.

სოფელ ძირკვაძეებში სოფლის კლუბის მიმდებარედ სახიდე გადასასვლელების მოწყობა (პროგრამული კოდი 02 01 07)

ქვეპროგრამის მიზანი:

მოსახლეობისათვის მარტივი გადაადგილების საშუალების შექმნა.

ქვეპროგრამის აღწერა:

ქვეპროგრამით განხორციელდება სოფელ ძირკვაძეებში კლუბის მიმდებარედ ჩამონადენი მდინარის კალაპოტში მოქცეევა. აღნიშნული ტერიტორია წვიმისა და თოვლის დნობის დროს ვერ ატარებს უხვი ნალექის რაოდენობას, რის გამოც ზიანდება, როგორც საავტომობილო გზა, ასევე იქ მცხოვრები მოსახლეობის საკარმიდამო ნაკვეთები. აღნიშნული სამუშაოს შესრულების შედეგად 30-მდე ოჯახს გაუუმჯობესდება არსებულ გზაზე გადაადგილების საშუალება და იქვე მდებარე საკარმიდამო ნაკვეთები დაცული იქნება დაზიანებისაგან.

მილსადენები და სხვა სახის სატრანსპორტო საშუალებები ა(ა)იპ „ხულო-თაგოს ბაგირგზა“ (პროგრამული კოდი 02 01 09)

ქვეპროგრამის მიზანი:

მოსახლეობისათვის ხელმისაწვდომი და მოსახერხებელი საბაგირო გზის შექმნა.

ქვეპროგრამის აღწერა:

ხულოს მუნიციპალიტეტი გამოირჩევა თავისი რთული რელიეფური მდებარეობით, მათ შორის განსაკუთრებულად დიდ სირთულეს წარმოადგენს სოფელ თაგოს მოსახლეობისათვის დაბა ხულოსთან დამაკავშირებელი გზით სარგებლობა, რამაც შექმნა „ხულო-თაგოს“ სატვირთო-სამგზავრო ბაგირგზის არსებობის აუცილებლობა. აღნიშნული ტრანსპორტი სასიცოცხლოდ მნიშვნელოვანია სოფელ თაგოს მოსახლეობისათვის. ეს არის სოფლის მოსახლეობისათვის ყველაზე უფრო მარტივი და ძირითადი დამაკავშირებელი ტრანსპორტი მუნიციპალიტეტთან. ასევე ბაგირგზით სარგებლობს მუნიციპალიტეტის მოსახლეობა, აგრეთვე დიდ მოწონებას და ინტერესს იწვევს ტურისტულ ჯგუფებშიც. ბაგირგიზის ექსპლოატაციას და ობიექტის გამართულ მუშაობას უზრუნველყობს ა(ა)იპ „ხულო-თაგოს“ ბაგირგზა. ბაგირგზის მცირე შემოსავლების გამო მის ფუნქციონირებას ფინანსურად უზრუნველყოფს მუნიციპალიტეტი.

სამგზავრო ბაგირგზა „ხულო-თაგოს“ საწევი ბაგირის შეცვლისა და თანხმლები სარემონტო სამუშაოები (პროგრამული კოდი 02 01 10)

ქვეპროგრამის მიზანი:

მოსახლეობისათვის ხელმისაწვდომი და მოსახერხებელი საბაგირო გზის შექმნა.

ქვეპროგრამის აღწერა:

„ხულო-თაგოს“ ბაგირგზა ძირითადი სატრანსპორტო საშუალებაა სოფელ თაგოს მოსახლეობისათვის მუნიციპალიტეტთან დასაკავშირებლად. ბაგირგზის რამდენიმეწლიანი მუშაობის შედეგად დაზიანებულია საწევი ბაგირის მსხვილი და წვრილი მავთულები, რომლის ექსპლოატაციაც არ შეიძლება და სახიფათოა უსაფრთხოდ გადაადგილებისათვის. არსებულმა მდგომარეობამ შექმნა ბაგირის შეცვლის და თანმხლები სამუშაოების ჩატარების აუცილებლობა, რის გამოც დაიგეგმა აღნიშნული სამუშაოების განხორციელების აუცილებლობა.

1.2 კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 02 02)

პროგრამის მიზანი:

მუნიციპალიტეტში მდგრადი კომუნალური ინფრასტრუქტურის შექმნა და განვითარება.

პროგრამის აღწერა:

პროგრამის ფარგლებში განხორციელდება გარე განათებისა და ელექტროგადამცემი ქსელების მოწყობა, მუნიციპალური სერვისის ხარჯების დაფინანსება, უზრუნველყოფილი იქნება მუნიციპალიტეტის დასუფთავება, მიუსაფარი ცხოველებისგან მოსახლეობის დაცვა, წყლისა და კანალიზაციის სისტემების მოვლა-რეაბილიტაცია, საპროექტო–საკადასტრო სამუშაოები, სხვადასხვა ინფრასტრუქტურული ობიექტების მიმდინარე შეკეთების სამუშაოები.

პროგრამის ფარგლებში განხორციელდება შემდეგი ქვეპროგრამები:

გარე განათებისა და ელექტროგადამცემი ქსელების მოწყობა, რეაბილიტაცია და ექსპლოატაცია (პროგრამული კოდი 02 02 01)

ქვეპროგრამის მიზანი:

მუნიციპალიტეტში გარე განათებისა და ელექტროგადამცემი ქსელის გამართული მუშაობა.

ქვეპროგრამის აღწერა:

აღნიშნული ქვეპროგრამით ხორციელდება მუნიციპალიტეტის სოფლებში არსებული გარე განათების ქსელის მიერ მოხმარებული ელექტროენერგიის ხარჯის უზრუნველყოფა, რომელიც შედგება 5900 წერტილისაგან სულ 84 დასახლებულ პუნქტში. ასევე განხორციელდება იმ დარჩენილი მუნიციპალური ობიექტების გამრიცხველიანება, რომლებიც ჯერ კიდევ არ არის ელექტროენერგიით უზრუნველყოფილი.

ასევე აღნიშნული ქვეპროგრამით განხორციელდება სოფელ ფუშრუკაულისა და კვატიის მოსახლეობისათვის საზაფხულო იალაღებზე ელექტროგაყვანილობის ქსელის მოწყობა. აქ ზაფხულის სეზონს ატარებს მოიალაღეთა 60 ოჯახზე მეტი, რომლებსაც დღემდე არ აქვთ ელექტრო ენერგია. ქვეპროგრამის აუცილებლობა გამოწვეულია მოსახლეობისათვის უფრო მარტივი და სრულყოფილი ცხოვრების პირობების შექმნის მიზნით. აღნიშნული ელექტროგადამცემი ქსელის მოწყობა ხელს შეუწყობს უფრო მეტი მოსახლის დაბრუნებას მთაში და ფერმერული მეურნეობის (მესაქონლეობის) განვითარებას, რაც ვფიქრობთ აისახება მოსახლეობის კეთილდღეობაზე.

ა(ა)იპ – ხულოს მუნიციპალური სერვისი (პროგრამული კოდი 02 02 02)

ქვეპროგრამის მიზანი:

მუნიციპალური სერვისების გამართული ფუნქციონირება, დაბის ქუჩების დაგვა-დასუფთავება, გარე-განათების მოვლა-პატრონობა, საზოგადოებრივი საპირფარეშოების მოვლა პატრონობა, გზის გაწმენდა ჩამოშლილი მეწყერის მასისაგან, გზის გაწმენდა თოვლის საფარისგან.

ქვეპროგრამის აღწერა:

ქვეპროგრამის ფარგლებში დაფინანსება გაეწევა ა(ა)იპ „ხულოს მუნიციპალური სერვისის“, რომელიც ახორციელებს დაბის ქუჩების ყოველდღიურ დაგვა-დასუფთავებას, სულ 37000 კვ/მ-ზე მეტ ფართობზე. ხორციელდება მუნიციპალიტეტის ადმინისტრაციული ერთეულებიდან საყოფაცხოვრებო ნარჩენების გამოტანა სულ 12 ადმინისტრაციული ერთეული, 84 სოფელი, მათ შორის: რიყეთი, დანისპარაული, შუასოფელი, დიდი რიყეთი, ბოძაური, დიოკნისი, ტაბახმელა, ჯვარიქეთი, მანიაკეთი, ბეღლეთი, კორტოხი, პაქსაძეები, გელაძეები, ღურტა, იაკობაძეები, ღორჯომელაძეები, ღორჯომი, გორგაძეები, მინთაძეები, ადაძეები, მეკეიძეები, ვანაძეები, ვაშაყმაძეები, მეხალაშვილები, ტუნაძეები, ქურდული, ახალი უბანი, სტეფანაშვილები, წინწკალაშვილები, მერჩხეთი, ჭახაური, ლაბაიძეები, აგარა, საციხური, ნამონასტრევი, გელაურა, პანტნარი, დიდაჭარა, ირემაძეები, ბოღაური, გობაძეები, დეკანაშვილები, ზედა დეკანაშვილები, ქედლები, თხილაძირი, განახლება, ელელიძეები, ძირკვაძეები, დიაკონიძეები, გოდგაძეები, უჩხო, გუდასახო, დუაძეები, ოქრუაშვილები, კურცხალი, ქვემო ვაშლოვანი, ზემო ვაშლოვანი, შურმული, სხანდარა, ჩაო, თაგო, ყინჩაური, ჭერი, ძმაგულა, გურძაული, ფაჩხა, წაბლანა, წაბლიანი, კვატია, ფუშრუკაული, რაქვთა, ვერნები, ოშანახევი, მახალაკური, ხიხაძირი, ახალშენი, სკვანა, კალოთა, ნადაბური, ზედა თხილვანა, ქვედა თხილვანა, ბაკო, მთისუბანი.

დღე-ღამის განმავლობაში მოსახლეობის კომფორტული და უსაფრთხო გადაადგლებისათვის აუცილებელ პირობას წარმოადგენს ქუჩების განათება, რის უზრუნველსაყოფად ქვეპროგრამის ფარგლებში დაფინანსდება ა(ა)იპ „ხულოს მუნიციპალური სერვისი“, რომელიც უზრუნველყობს გარე განათების არსებული ქსელის მოვლა-შენახვას. სულ 13 ადმინისტრაციულ ერთეულში, სადაც მთლიანობაში განთავსებულია 6200 გარე განათების ბოძი.

ასევე განახორციელებს დაბასა და ადმინისტრაციული ერთეულებში არსებული საზოგადოებრივი სარგებლობის საპირფარეშოების (სულ 19 ერთეული) პერიოდულ დასუფთავებას და მოვლა-პატრონობას. ხორციელდება ზამთრის პერიოდში გზების, ქუჩების და სკვერების გაწმენდა თოვლის საფარისაგან.

ა(ა)იპ „ხულოს წყალკანალი“ (პროგრამული კოდი 02 02 03)

ქვეპროგრამის მიზანი:

წყალმომარაგების მომსახურების გაუმჯობესება. წყლისა და საკანალიზაციო სისტემების ფუნქციონერება და გამართული მუშაობის უზრუნველყოფა.

ქვეპროგრამის აღწერა:

მუნიციპალიტეტის ერთ-ერთ მთავარ მიმართულებას წარმოადგენს მოსახლეობისათვის ხარისხიანი სასმელი წყლით უზრუნველყოფა. ქვეპროგრამის ფარგლებში დაფინანსება გაეწევა ა(ა)იპ „ხულოს წყალკანალის“, რომელიც უზრუნველყოფს დაბისა და სოფლების წყალსადენების სათავე-ნაგებობების და მაგისტრალური ქსელის მოვლა-შენახვას, ქლორირებასა და ფილტრაციას. მუნიციპალიტეტში სულ ფუნქციონირებს 28 წყალსადენი. ასევე ახორციელებს დაბის ტერიტორიაზე არსებული საკანალიზაციო სისტემის მოვლა-შენახვას.

წყალსადენების მშენებლობა-რეაბილიტაცია (პროგრამული კოდი 02 02 04)

ქვეპროგრამის მიზანი:

მოსახლეობისათვის წყალმომარაგების მომსახურების გაუმჯობესება. წყლის სიტემების ფუნქციონერება და გამართული მუშაობის უზრუნველყოფა.

ქვეპროგრამის აღწერა:

დღეის მდგომარეობით მუნიციპალიტეტში არსებობს სოფლები, სადაც ჭირს მოსახლეობის სასმელი წყლით სრულად მომარაგება, რისთვისაც აუცილებელია აღნიშნული პრობლემის დროულად მოგვარება. ქვეპროგრამის ფარგლებში განხორციელდება რიყეთში სასმელი წყლის სისტემის მოწყობა, წაბლიანში სასმელი წყლის სისტემის რეაბილიტაცია, სოფელ განახლებასა და სოფელ ჩაოში სასმელი წყლის სისტემის რეაბილიტაცია, ეკლანის წყალის გამანაწილებელი რეზერვუარის მოწყობა. აღნიშნული ღონისძიებების განხორციელების შემდეგ აქ არსებული მოსახლეობა და მუნიციპალური ობიექტები მომარაგდება უწყვეტი სასმელი წყლით.

საპროექტო, საკადასტრო აზომვები, საექსპერტო მომსახურება და ესკიზური ნახაზები (პროგრამული კოდი 02 02 05)

ქვეპროგრამის მიზანი:

ინფრასტრუქტურული პროექტების საპროექტო-სახარჯთაღრიცხვო დოკუმენტაციის მომზადება, ესკიზური ნახაზების მომზადება და ქონების აღრიცხვასთან დაკავშირებული საჭირო პროცედურების ჩატარება.

ქვეპროგრამის აღწერა:

ქვეპროგრამის ფარგლებში დაგეგმილია საჯარო რეესტრში მუნიციპალიტეტის საკუთრებაში დასარეგისტრირებელი შენობა-ნაგებობების და მიწის ნაკვეთების საკადასტრო აზომვითი სამუშაოების განხორციელება, ასევე მიმდინარე და შემდგომი წლების პრიორიტეტული ღონისძიებების საპროექტო დოკუმენტაციის მომზადება და ესკიზური ნახაზების შედგენა.

სანიაღვრე და საკანალიზაციო სისტემის მოწყობა-რეაბილიტაცია (პროგრამული კოდი 02 02 06)

ქვეპროგრამის მიზანი:

გამართული სანიაღვრე სისტემა, რომელიც უზრუნველყობს საგზაო ინფრასტრუქტურის დაცვას და მოვარდნილი ჭარბი წყლების გატარებას.

ქვეპროგრამის აღწერა:

ქვეპროგრამის ფარგლებში დაგეგმილია სანიაღვრე არხებისა და წყალგამტარების მოწყობა მუნიციპალიტეტის სხვადასხვა სოფლებში შიდა გზების იმ მონაკვეთებზე, სადაც წვიმისა და თოვლის დნობის შედეგად ხშირად ზიანდება გზის სავალი ნაწილი, რაც შემდგომ აფერხებს მოსახლეობის, როგორც ავტომანქანით, ასევე ფეხით გადაადგილების შესაძლებლობას. აღნიშნული ქვეპროგრამის განხორციელების შემდეგ გზის სავალი ნაწილი დაცული იქნება დაზიანებისაგან და მოსახლეობას მიეცემა შეუფერხებელი გადაადგილების საშუალება. სულ განხორციელდება მუნიციპალიტეტის სხვადასხვა სოფლებში 650 გრძივი მეტრი სანიაღვრე არხის მშენებლობა.

ინფრასტრუქტურის ობიექტების მოვლა-ენახვა (პროგრამული კოდი 02 02 07)

ქვეპროგრამის მიზანი:

მუნიციპალიტეტში არსებული ინფრასტრუქტურული ობიექტების მოვლა-შენახვა და მიმდინარე რემონტი.

ქვეპროგრამის აღწერა:

დაგეგმილი სამუშაოებით გათვალისწინებულია სიძველის გამო, ზამთრის შედეგად ან/და სხვა მიზეზებით სხვადასხვა ინფრასტრუქტურულ ობიექტებზე და მის მიმდებარე ტერიტორიებზე წარმოქმნილი დაზიანებების აღმოფხვრა. სამუშაოები ითვალისწინებს ინფრასტრუქტურული ობიექტების აღდგენა-შეკეთებას. სულ განხორციელდება 10-მდე სხვადასხვა სახის ინფრასტრუქტურული ობიექტების აღდგენა-შეკეთება.

1.3 კეთილმოწყობის ღონისძიებები (პროგრამული კოდი 02 03)

პროგრამის მიზანი:

მუნიციპალიტეტისათვის მნიშვნელოვანი და აუცილებელი კეთილმოწყობის ღონისძიებების სრულყოფილად და ეფექტურად განხორციელება.

პროგრამის აღწერა:

პროგრამის ფარგლებში განხორციელდება მუნიციპალიტეტის ტერიტორიაზე არსებული სკვერების, ქუჩებისა და ფასადების მოწყობა, ასევე მუნიციპალური ობიექტების მშენებლობა-რეაბილიტაცია.

პროგრამის ფარგლებში განხორციელდება შემდეგი ქვეპროგრამები:

მუნიციპალიტეტში სკვერების, ქუჩებისა და ფასადების მოწყობა (პროგრამული კოდი 02 03 01)

ქვეპროგრამის მიზანი:

მუნიციპალიტეტში არსებული პრობლემატური უბნების (სკვერები, ქუჩები ფასადები) გამაგრება-რეაბილიტაცია.

ქვეპროგრამის აღწერა:

ქვეპროგრამის ფარგლებში განხორციელდება ფერდსამაგრი სამუშაოები იმ უბნებში სადაც ყველაზე უფრო მეტად იქმნება მეწყრული პროცესების საშიშროება. სულ განხორციელდება დაახლოებით 24 ლოკაციაზე ფერდსამაგრი სამუშაო, რომლებზეც წარმოდგენილია გეოლოგიური დასკნები.

ასევე დაგეგმილია დაბა ხულოში დავით მამულაძის ქუჩაზე საყრდენი კედლისა და საფეხმავლო ბილიკის მოწყობის სამუშაოები. ეს ქუჩა არის მთავარი გამტარი, როგორც დაბის ტერიტორიაზე ასევე მიმდებარე სოფლებში მიმავალი ავტომანქანებისათვის და სხვა ალტერნატივა თითქმის არა აქვს, ხოლო აქ არსებული ინფრასტრუქტურული მდგომარეობა ვერ იძლება უსაფრთხო გადაადგილების საშუალებას. აღნიშნული სამუშაოს განხორციელება ხელს შეუწყობს, როგორც ტრანსპორტით, ასევე ქვეითად მოსიარულეთა უსაფრთხო გადაადგილებას და მიმდებარე ტერიტორიის გამაგრებას.

მუნიციპალური შენობა-ნაგებობის მშენებლობა-რეაბილიტაცია (პროგრამული კოდი 02 03 02)

ქვეპროგრამის მიზანი:

ახალი და არსებული მუნიციპალური შენობა-ნაგებობების მშენებლობა, რეკონსტრუქცია-რემონტი.

ქვეპროგრამის აღწერა:

ქვეპროგრამის ფარგლებში განხორციელდება მუნიციპალური ობიექტების მშენებლობა იმ სოფლებში, სადაც დღემდე არ არის მსგავსი ტიპის შენობები. აღნიშნული შენობების მშენებლობით სოფლის მოსახლეობას მიეცემა კულტურული თუ სხვა აქტივობებისათვის განსახორციელებელი თავშეყრის კომფორტული გარემო. დაგეგმილია სოფელ პაქსაძეების ადმინისტრაციული სახლის მშენებლობა, სოფელ გელაძეების ადმინისტრაციული სახლის მშენებლობა, დიდაჭარაში ადმინისტრაციული შენობის მშენებლობა, მუნიციპალური დარბაზის რეკონსტრუქცია-რემონტი (ორწლიანი პროექტი 2019-2020წ), ბეშუმის შესასვლელში საგუშაგოს მშენებლობა, სოფელ წაბლანაში 1989 წლის 19 აპრილს სტიქიური უბედურების დროს დაღუპულთა ხსოვნის მემორიალის მოწყობა, სოფელ ვაშლოვანში მეორე მსოფლიო ომში დაღუპულთა და სოფელ ღურტაში სტიქიის შედეგად დაღუპულთა მემორიალების რეაბილიტაცია.

პრიორიტეტი:

2.დასუფთავება და გარემოს დაცვა (პროგრამული კოდი 03 00)

მუნიციპალიტეტის ეკოლოგიური მდგომარეობის შენარჩუნება და გაუმჯობესება თანხვედრაში უნდა იყოს ქვეყნის ძირითადი მონაცემებისა და მიმართულებების 2020-2023 წლის დოკუმენტში მოცემულ სტრატეგიასთან. ჩვენი მიზანია მუნიციპალიტეტში ყველა გადაწყვეტილებების მიღება ხდებოდეს ეკონომიკური მიზანშეწონილობასთან ერთად ეკოლოგიური ეფექტიანობის გათვალისწინებით. ამ მიზნის მისაღწევად საჭიროა ყურადღება მიექცეს ისეთი პროგრამების განხორციელებას როგორიცაა გარემოს დასუფთავება, ნარჩენების შეგროვება და გატანა, მიუსაფარი ცხოველებისაგან მოსახლეობის დაცვა და სხვა.

სანიტარიული დასუფთავება (პროგრამული კოდი 03 01)

ქვეპროგრამის მიზანი:

მუნიციპალიტეტში ეკოლოგიური მდგომარეობის გაუმჯობესება და შენარჩუნება.

ქვეპროგრამის აღწერა:

მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო და ეკოლოგიურად სუფთა სანიტარიული მდგომარეობის უზრუნველყოფა. შესაბამისად, პროგრამის ფარგლებში განხორციელდება მუნიციპალიტეტის ადმინისტრაციული ერთეულის სოფლებიდან საყოფაცხოვრებო ნარჩენების გამოტანა, შეგროვება, ასევე დაბა ხულოს ტერიტორიაზე არსებული საყოფაცხოვრებო ნარჩენების შეგროვება და ერთად გატანა ქალაქ ბათუმში ლეგალურ ნაგავლაყრელზე.

საყოფაცხოვრებო ნარჩენების მართვა (პროგრამული კოდი 03 01 01)

ქვეპროგრამის მიზანი:

არსებული სანიტარიულ-ჰიგიენური მდგომარეობის გაუმჯობესება და დაცვა.

ქვეპროგრამის აღწერა:

ქვეპროგრამის ფარგლებში გათვალისწინებულია მუნიციპალიტეტის გათავისუფლება არსებული საყოფაცხოვრებო ნარჩენებისაგან. ტენდერში გამარჯვებული კომპანია დაბა ხულოს ტერიტორიაზე არსებულ საყოფაცხოვრებო ნარჩენებს, ადმინისტრაციულ ერთეულებიდან გამოტანილ საყოფაცხოვრებო ნარჩენებს და კურორტ ბეშუმში არსებულ საყოფაცხოვრებო ნარჩენებს გადაიტანს ქალაქ ბათუმში ლეგარულ ნაგავსაყრელზე. თვეში შესრულდება საშუალოდ 10-15 რეისი საჭიროებიდან გამომდინარე, ხოლო წლის განმავლობაში 155 რეისამდე.

მიუსაფარი ცხოველების გაუვნებლობა (პროგრამული კოდი 03 01 03)

ქვეპროგრამის მიზანი:

მიუსაფარი და მაწანწალა ცხოველების გაუვნებლობა.

ქვეპროგრამის აღწერა:

მუნიციპალიტეტის ტერიტორიაზე მიუსაფარი და მაწანწალა ცხოველების რაოდენობა ბოლო წლებში მატულობს, რაც საშიში დაავადებების გავრცელების საფრთხეს ქმნის. ქვეპროგრამის ფარგლებში განხორციელდება მიუსაფარი ცხოველების შეგროვება და გადაყვანა ქალაქ ბათუმში უპატრონო და მაწანწალა ცხოველთა თავშესაფარში, რათა ჩაუტარდეთ შესაბამისი ვაქცინაცია, რითაც უზრუნველყოფილი იქნება შესაძლო საფრთხეების თავიდან აცილება. წლის განმავლობაში განხორციელდება დაახლოებით 220 ერთეულამდე უპატრონო მაწანწალა ცხოველის გადაყვანა.

პრიორიტეტი:

3.განათლება (პროგრამული კოდი 04 00)

მომავალი თაობების აღზრდის მიმართულებით, დაწყებითი და ზოგადი განათლების გარდა, მნიშვნელოვანი როლი ენიჭება სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და, შესაბამისად, მუნიციპალიტეტის ერთ-ერთ პრიორიტეტს წარმოადგენს, რომლის ფარგლებშიც განხორციელდება საბავშვო ბაღების მშენებლობა-რეაბილიტაცია და არსებული ბაღების ფუნქციონირებისათვის საჭირო ხარჯების დაფინანსება.

3.1 სკოლამდელი დაწესებულების ფუნქციონირება (პროგრამული კოდი 04 01)

პროგრამის მიზანი:

სკოლამდელი ასაკი ბავშვების სკოლისთვის მზაობა.

პროგრამის აღწერა:

ძლიერი და მდგრადი სკოლამდელი აღზრდისა და განათლების სისტემის უზრუნველყოფა ხულოს მუნიციპალიტეტის ერთ-ერთ მნიშვნელოვან პრიორიტეტს წარმოადგენს. სკოლამდელი განათლება ბავშვის აკადემიური და სოციალური განვითარების უმნიშვნელოვანესი საფეხურია. სკოლისათვის და შემდგომი ცხოვრებისათვის მზაობის ხელშეწყობა მრავალმხრივი პროცესია და სკოლამდელი განათლება ასაკობრივი თავისებურებების გათვალისწინებით ბავშვის სრულფასოვნად ჩამოყალიბების მყარ საფუძველს წარმოადგენს. სააღმზრდელო პროცესის ხარისხიანად მიწოდება მატერიალურ-ტექნიკური ბაზის მუდმივ განახლებას მოითხოვს, რისთვისაც მუნიციპალიტეტი საბავშვო ბაღების გაერთიანებას უზრუნველყობს შესაბამისი ფინანსური რესურსით. არსებული სიტუაციის ანალიზიდან და მოსახლეობის საჭიროებებიდან გამომდინარე ხულოს მუნიციპალიტეტისათვის მნიშნელოვანია სახელმწიფო სტანდარტების შესაბამისი, საყოველთაოდ და თანაბრად ხელმისაწვდომი სკოლამდელი აღზრდისა და განათლების მომსახურების მიწოდების უზრუნველყოფა მოსახლეობისთვის.

პროგრამის ფარგლებში განხორციელდება შემდეგი ქვეპროგრამები:

ა(ა)იპ – ხულოს მუნიციპალიტეტის საბავშვო ბაღების გაერთიანება (პროგრამული კოდი 04 01 01)

ქვეპროგრამის მიზანი:

სახელმწიფო სტანდარტების შესაბამისი სკოლამდელი აღზრდისა და განათლების მომსახურების მიწოდების უზრუნველყოფა.

ქვეპროგრამის აღწერა:

მუნიციპალიტეტში ფუნქციონირებს ა(ა)იპ – ხულოს მუნიციპალიტეტის საბავშვო ბაღების გაერთიანება, რომელიც აერთიანებს ერთ ბაგა-ბაღს და 22 საბავშვო ბაღს, სადაც განათლებას იღებს 790-ზე მეტი სკოლამდელი აღსაზრდელი ბავშვი. საბავშვო ბაღებში სწავლა უფასოა. მუნიციპალიტეტი სრულად აფინანსებს ბაღების ფუნქციონირებასთან დაკავშირებულ ყველა ხარჯს, უზრუნველყობს სხვადასხვა ინვენტარით და ტექნიკით, რათა ბავშვებს მიეცეთ ნორმალური და სრულყოფილი განვითარების საშუალება.

საბავშვო ბაღების შენობებისა და ეზოების კეთილმოწყობა, მშენებლობა და რეაბილიტაცია (პროგრამული კოდი 04 02)

ქვეპროგრამის მიზანი:

მუნიციპალური სკოლანდელი აღზრდის დაწესებულების ინფრასტრუქტურის მშენებლობა, რეაბილიტაცია.

ქვეპროგრამის აღწერა:

ქვეპროგრამა ითვალისწინებს სოფელ დიოკნისში ახალი საბავშვო ბაღის მშენებლობას. აღნიშნული საბავშვო ბაღი ემსახურება სოფელ დიოკნისის, მანიაკეთის, ტაბახმელის და ჯვარიქეთის სოფლებში მცხოვრებ სკოლამდელ აღსაზრდელებს. არსებული საბავშვო ბაღის შენობის ფართი პატარაა და ვერ უზრუნველყოფს ბავშვთა კონტინგენტის სრულად მიღებას. ზემოთ აღნიშნულიდან გამომდინარე შეიქმნა ახალი საბავშვო ბაღის მშენებლობის აუცილებლობა, რომელიც სრულად უზრუნველყოფს არსებული პრობლემის მოგვარებას.

ასევე დაგეგმილია სოფელ კვატიის საბავშვო ბაღის ეზოს კეთილმოწყობა, სადაც განთავსდება საბავშვო გასართობი ატრაქციონები.

პრიორიტეტი:

4. კულტურა, რელიგია, ახალგაზრდული და სპორტული ღონისძიებები (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალელურად აუცილებელია ხელი შეეწყოს კულტურული და სპორტული ტრადიციების დაცვას და ღირსეულ გაგრძელებას. ამასთანავე ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად მუნიციპალიტეტი განაგრძობს კულტურული ობიექტების ფინანსურ მხარდაჭერას, კულტურული და სპორტული ინფრასტრუქტურის მოწესრიგებას, წარმატებულ ხელოვანთა და სპორტსმენთა ხელშეწყობას, წახალისებას და შესაბამისი პირობების შექმნას, რათა მათ მოახერხონ საკუთარი შესაძლებლობების გამოვლენა.

4.1 სპორტის სფეროს განვითარება (პროგრამული კოდი 05 01)

პროგრამის მიზანი:

ცხოვრების ჯანსაღი წესის დამკვიდერება, მისი პოპულარიზაცია და სპორტული მიღწევების გაუმჯობესება.

პროგრამის აღწერა:

ხულოს მუნიციპალიტეტი გამორჩეულია სპორტის სფეროში მიღწეული წარმატებებითა და შედეგებით, რაზეც ნათლად მეტყველებს ხულოს მუნიციპალიტეტის ახალგაზრდობის მიერ მიღწეული არა ერთი გამარჯვება სპორტის სხვადასხვა სფეროში. მიუხედავად ამისა ამ კუთხით აუცილებელია დამატებითი ღონისძიებების გატარება, რაც კიდევ უფრო ხელს შეუწყობს მიღწეული შედეგების გაუმჯობესებას. ასევე შესაძლებელს გახდის ბავშვთა და მოზარდთა მაქსიმალური რაოდენობის ჩაბმას სისტემატიურ სპორტულ-გამაჯანსაღებელ აქტივობებში, ცხოვრების ჯანსაღი წესის პროპაგანდის და მის დამკვიდრებას მოზარდ თაობაში.

პროგრამის ფარგლებში განხორციელდება შემდეგი ქვეპროგრამები:

ა(ა)იპ ხულოს კომპლექსური სასპორტო სკოლა (პროგრამული კოდი 05 01 01);

ქვეპროგრამის მიზანი:

სასპორტო სკოლის ინფრასტუქტურის გამართული ფუნქციონრების უზრუნველყოფა და სკოლასთან არსებული სპორტული სექციების განვითარების ხელშეწყობა.

ქვეპროგრამის აღწერა:

ქვეპროგრამის ფარგლებში განხორციელდება სასპორტო სკოლის მიმდინარე ხარჯებისა და სხვადასხვა სპორტული ინვენტარით აღჭურვა, რათა მათ მიეცეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება. სასპორტო სკოლაში მოქმედებს 8 სექცია (ჭიდაობა, ძალოსნობა, კალათბურთი, ჩოგბურთი, სამთო-სათხილამურო, ჭადრაკი, ფრენბურთი, ფიზიკური მომზადება), სადაც სწავლება უფასოა და 380-მდე ბავშვია ჩართული სპორტის სხვადასხვა სახეობაში.

ა(ა)იპ – ხულოს საფეხბურთო კლუბი „ხიხანი“(პროგრამული კოდი 05 01 02)

ქვეპროგრამის მიზანი:

ბავშვთა ფეხბურთის განვითარების ხელშეწყობა და პოპულარიზაცია.

ქვეპროგრამის აღწერა:

ქვეპროგრამა ითვალისწინებს ბავშვთა ფეხბურთის პოპულარიზაციასა და წარმოჩენას, ფეხბურთის განვითარების ხელშეწყობას, ნიჭიერი და პერსპექტიული ახალგაზრდა სპორტსმენების გამოვლენასა და მომზადებას, რათა მათ შეეძლოთ თავისი შესაძლებლობების შემდგომი განვითარება.

სპორტული ღონისძიებების მხარდაჭერა (პროგრამული კოდი 05 01 03)

ქვეპროგრამის მიზანი:

სპორტის ცალკეული სახეობების პოპულარიზაცია და სპორტულ ღონისძიებებში მონაწილეობით ადგილობრივი სპორტსმენების ოსტატობის დონის ამაღლება.

ქვეპროგრამის აღწერა:

ქვეპროგრამა ითვალისწინებს სპორტული და მასობრივი გამაჯანსაღებელი მუშაობის გაუმჯობესებას, ახალგაზრდა თაობაში ჯანსაღი ცხოვრების წესის დამკვიდრებას, სპორტის სხვადასხვა სახეობების შემდგომ განვითარებას და პოპულარიზაციას. მუნიციპალიტეტის სპორტსმენები მონაწილეობენ საქართველოს მასშტაბით დაგეგმილ სპორტულ ღონისძიებებში, ტურნირებში. ხულოს მუნიციპალიტეტის ახალგაზრდებს განსაკუთრებული წარმატებები აქვთ ჭიდაობის სხვადასხვა სახეობაში, (არიან ევროპისა და მსოფლიოს ჩემპიონები, ოლიმპიური პრიზიორი და საქართველოს ჩემპიონები სპორტის სხვადასხვა სახეობებში), ვითარდება სათხილამურო სპორტი და ძალოსნობის სხვადასხვა სახეობა. წარმატებული სპორტსმენების წახალისება ხდება სიგელებით, მედლებით, თასებით და ფულადი ჯილდოთი.

სპორტული ინფრასტრუქტურის რეაბილიტაცია, მშენებლობა (პროგრამული კოდი 05 01 04)

ქვეპროგრამის მიზანი:

მუნიციპალიტეტში სასპორტო ინფრასტრუქტურის განახლება და შექმნა.

ქვეპროგრამის აღწერა:

ქვეპროგრამის ფარგლებში გათვალისწინებულია სოფელ ელელიძეებში სპორტული მოედნის რეაბილიტაცია. აღნიშნული მოედნის ინფრასტრუქტურა მოშლილია, რის გამოც სოფლის ახალგაზრდობა ვერ ახერხებს თავისუფალ დროს დაკავდეს სპორტული აქტივობებით. არსებული სიტუაციიდან გამომდინარე საჭირო გახდა სპორტული მოედნის სრული რეაბილიტაციის ჩატარება, რათა მოზარდ-ახლგაზრდობას მიეცეს ჯანსაღი ცხოვრების წესის დამკვიდრების საშუალება.

4.2. კულტურის სფეროს განვითარება (პროგრამული კოდი 05 02)

პროგრამის მიზანი:

ხულოს კულტურული ცხოვრების გამრავალფეროვნება, კულტურული აქტივობების განვითარების ხელშეწყობა, ხელოვანთა შემოქმედებითი ზრდის ხელშეწყობა, ეროვნული ღონისძიებების პოპულარიზაცია, კულტურული მემკვიდრეობის ძეგლთა შენარჩუნება, დაცვა, პოპულარიზაცია და ცნობადობის ამაღლება.

პროგრამის აღწერა:

პროგრამა ითვალისწინებს ჩვენი ქვეყნისა და კუთხის ტრადიციული დღესასწაულების მხარდაჭერას და პოპულარიზაციას, კულტურული ღონისძიებებისა და ფესტივალების ორგანიზებას. სახელმწიფოებრივი მნიშვნელობის დღეების პოპულარიზაციას და თავისუფლებისათვის მებრძოლ გმირთა პატივის მიგებას. შემოქმედებითი უნარების აღმოჩენასა და წახალისებას. ახალგაზრდების ინტელექტუალური აზროვნების გამოვლენას, კულტურულ-შემოქმედებით საქმიანობაში ახალგაზრდების ჩართულობას, საზოგადოებრივი ცნობიერების ამაღლებას და ინფორმირებას გენდერული თანასწორობის საკითხებში, შშმ პირების ინტეგრირებას საზოგადოებასთან. პროგრამა ასევე უზრუნველყოფს მოსწავლე-ახალგაზრდების მუსიკალურ-ვოკალურ-ქორეოგრაფიულ განათლებას როგორც ფოლკლორის, ასევე კლასიკური და თანამედროვე მიმართულებით.

პროგრამის ფარგლებში განხორციელდება შემდეგი ქვეპროგრამები:

ა(ა)იპ ხულოს სახელოვნებო სკოლა (პროგრამული კოდი 05 02 01)

ქვეპროგრამის მიზანი:

მისცეს მოსწავლეებს სახელოვნებო განათლება, მოამზადოს მოსწავლეები სწავლის გასაგრძელებლად შემდგომ საფეხურზე სახელოვნებო განათლების მიღების მიზნით, ხელოვნების სხვადასხვა დარგებთან ზიარების თანაბარი პირობების შექმნით ხელი შეუწოს პიროვნების ინდივიდუალურ-შემოქმედებითი მიდრეკილების განვითარებას, კულტურული მემკვიდრეობის შესწავლას და ამ გზით მის შენარჩუნებას, გარე სამყაროს მხატვრული აღქმის უნარის ჩამოყალიბებას. განსაკუთრებული ნიჭით დაჯილდოებული მოსწავლეების წარმოჩენა/გამოვლენა.

ქვეპროგრამის აღწერა:

ა(ა)იპ – ხულოს სახელოვნებო სკოლაში საგანმანათლებლო პროგრამების ფარგლებში ბავშვები მიიღებიან 6 წლის ასაკიდან. სკოლაში არის ორი განყოფილება-სამუსიკო და სამხატვრო. მოსწავლეებს აქვთ შესაძლებლობა ინდივიდუალურად შეისწავლონ შერჩევითი საგანი – სალამური, დოლი, ფანდური, ბასფანდური, პიანინო, გიტარა და კლასიკური ფანდური. სწავლება 6 წლიანია. სკოლას ჰყავს ფოლკლორული ანსამბლი – „ციცინათელა“ და ანიმაციური ფილმების სტუდია. ასევე ხორციელდება სხვადასხვა კულტურული აქტივობების ორგანიზება, ქვეყნის ღირსშესანიშნავი თარიღების დღისადმი მიძღვნილ ღონისძიებებში მონაწილეობა. ადგილობრივი მოსახლეობისა თუ სტუმრებისათვის მრავალფეროვანი სანახაობის (კლასიკური მუსიკა, ფოლკლორი) შეთავაზება. მნიშვნელოვანია ა(ა)იპ – ხულოს სახელოვნებო სკოლაში საშემსრულებლო კოლექტივების ხელშეწყობა-წახალისება (კომფორტული სამუშაო გარემოს შექმნა, გასტროლებში მონაწილეობა და სხვა მოტივაცია). სკოლაში სწავლობს 84 მოსწავლემდე.

ა(ა)იპ – ხულოს კულტურის ცენტრი (პროგრამული კოდი 05 02 02)

ქვეპროგრამის მიზანი:

კულტურული ღონისძიებების ორგანიზება, მუსიკალური და ქორეოგრაფიული ანსამბლების, სტრუქტურული ერთეულების სასოფლო კლუბებისა და კულტურის ცენტრების განვითარების ხელშეწყობა, ბიბლიოთეკების შეუფერხებელი ფუნქციონირება, კულტურულ-საგანმანათლებლო ღონისძიებები და მოსწავლე-ახალგაზრდობის სასწავლო შემოქმედებითი პროცესის ორგანიზება, მონაწილეობა მუნიციპალურ, რეგიონულ და ტურისტულ ღონისძიებებში.

ქვეპროგრამის აღწერა:

ქვეპროგრამის ფარგლებში ხულოს კულტურის ცენტრთან არსებული მუსიკალური და ქორეოგრაფიული ანსამბლების მეშვეობით ხორციელდება სხვადასხვა კულტურული აქტივობების ორგანიზება, ღირსშესანიშნავი თარიღების აღნიშვნა. ასევე ხორციელდება ადგილობრივი მოსახლეობის, სტუმრებისა და ტურისტებისათვის მრავალფეროვანი სანახაობის შეთავაზება კულტურის ცენტრთან არსებული ქორეოგრაფიული და ფორკლორული ანსამბლების მეშვეობით. განსაკუთრებით დიდი მოწონებით სარებლობს ფორკლორული ანსამბლები „ბერმუხა“, „ხულო“, „ხიხანი“, „ვერნები“, „სხალთა“, „ვაშლოვანი“, „ღორჯომი“, ბავშთა ქორეოგრაფიული ანსამბლი „არგინეთი“, „საციხური“, მუსიკალური ჯგუფი „გოდერძი“, ვაჟთა მუსიკალური ბენდი „დიოკნისი“ და სხვა. მნიშვნელოვანია კულტურის ცენტრში გაერთიანებული საშემსრულებლო კოლექტივების ხელშეწყობა-წახალისება, როგორიცაა კომფორტული სამუშაო გარემოს შექმნა, კოსტიუმირება, გასტროლების დაგეგმვა და სხვა მოტივაცია. სახელოვნებო დარგის ახალგაზრდებთან მჭიდრო შემოქმედებითი კონტაქტები. ღვაწლმოსილ მოქალაქეთა (კულტურის მუშაკების, პედაგოგების) განვლილი გზის განზოგადება და დაფასება (იუბილეები, შეხვედრები, ხსოვნისადმი მიძღვნილი ღონისძიებები და ა.შ.). ქართული კულტურის პოპულარიზაცია და ხულოს, როგორც ამ კულტურის ტრადიციის მატარებელი მაღალმთიანი მუნიციპალიტეტის გაცნობა ქვეყნის მაშტაბით და ქვეყნის გარეთ სხვადასხვა სახის ღონისძიებების უზრუნველყოფით. საბიბლიოთეკო განყოფილებისათვის ფონდების შევსება და მოქალაქეთა მომსახურება საბიბლიოთეკო ფონდებით. მუნიციპალიტეტში ფუნქციონირებს 11 სასოფლო, 1 საჯარო და 1 საბავშვო ბიბლიოთეკა. ხულოს კულტურის ცენტრი უზრუნველყოფს მივიწყებული ხალხური რეწვის ტრადიციების შენარჩუნებას მოსწავლე-ახალგაზრდობაში და მისი პოპულარიზაციის მიზნით მონაწილეობას იღებს სახალხო დღესასწაულებსა და ადგილობრივ კულტურულ ღონისძიებებში, ასევე ტურიზმის ხელშემწყობ საერთაშორისო ღონისძიებებში.

სსიპ – ხულოს პროფესიული სახელმწიფო დრამატული თეატრი (პროგრამული კოდი 05 02 03)

ქვეპროგრამის მიზანი:

ხულოს მუნიციპალიტეტში თეატრალური ცხოვრების დონის ამაღლება და წარმოჩენა.

ქვეპროგრამის აღწერა:

ხულოს პროფესიულ სახელმწიფო დრამატულ თეატრს არსებობის დიდი ხნის ისტორია აქვს, თუმცა მისი საკუთარი შემოსავლები იმდენად მცირეა, რომ შეუძლებელია მისი დამოუკიდებლად ფუნქციონირება, ამიტომ მუნიციპალიტეტის მერია ახორციელებს მის ფინანსურ მხარდაჭერას გრანტის სახით, რათა გააგრძელოს თავისი შემოქმედებითი საქმიანობა, როგორც მუნიციპალიტეტში ასევე ქვეყნის მასშტაბით და მის საზღვრებს გარეთ. თეატრი ახორციელებს წლის განმავლობაში სხვადასხვა სახის სპექტაკლების წარმოდგენას, რაც ხელს უწყობს მუნიციპალიტეტის კულტურული ცხოვრების დონის გაჯანსაღებასა და წარმოჩენას.

კულტურულ ღონისძიებათა მხარდაჭერა (პროგრამული კოდი 05 02 04)

ქვეპროგრამის მიზანი:

ტრადიციული დღესასწაულის მხარდაჭერა და პოპულარიზაცია, კულტურული ცხოვრების გამრავალფეროვნება, კულტურული ღონისძიებებისა და ფესტივალების ორგანიზება.

ქვეპროგრამის აღწერა:

ქვეპროგრამა ითვალისწინებს ღირსშესანიშნავი თარიღების აღნიშვნას, ნიჭიერი ახალგაზრდობის გამოვლენას, წარმატებული ახალგაზრების წახალისებას საჩუქრებით და საინტერესო პროექტების ხელშეწყობას. მუნიციპალიტეტისათვის ტრადიციული ღონისძიებების მათ შორის შუამთობის, ტბელობის, დიდაჭარობის ორგანიზება-ჩატარებას, რომლის დროსაც იმართება კონცერტები, სპორტული და სხვა შეჯიბრებები. ტარდება სტუდენტებთან და წარჩინებულ მოსწავლეებთან, დამსახურებულ პედაგოგებთან შეხვედრები. თვითშემოქმედი კოლექტივები და კულტურის ცენტრთან არსებული სხვადასხვა ანსამბლები მონაწილეობას ღებულობენ სხვადასხვა კონკურსებში და ფესტივალებში, როგორც რესპუბლიკურ ასევე საერთაშორისო დონეზე.

ახალგაზრდობის სამოქალაქო საქმიანობაში ჩართულობა და ხელშეწყობა (პროგრამული კოდი 05 02 06)

ქვეპროგრამის მიზანი:

მუნიციპალიტეტში არსებული ახალგაზრდების სამოქალაქო საქმიანობაში ჩართულობა და ხელშეწყობა.

ქვეპროგრამის აღწერა:

ქვეპროგრამა ითვალისწინებს მუნიციპალიტეტის ტერიტორიაზე მცხოვრებ მოზარდებთან მუშაობას, რომლის მიზანია ახალგაზრდებში შემეცნებითი და ინტელექტუალური დონის ამაღლება. აგრეთვე ახალგაზრდების საზოგადოებრივ საქმიანობაში ჩართვა და სხვადასხვა ღონისძიებების ორგანიზება.

ა(ა)იპ – კურორტი ბეშუმი (პროგრამული კოდი 05 02 07)

ქვეპროგრამის მიზანი:

კურორტ ბეშუმში არსებული ინფრასტრუქტურის მოვლა-შენახვა და მისი გაჯანსაღება.

ქვეპროგრამის აღწერა:

ქვეპროგრამა ითვალისწინებს კურორტ ბეშუმში არსებული ინფრასტრუქტურის მოვლა-შენახვას, კურორტის ტერიტორიის დასუფთავებას, წყლისა და კანალიზაციის სისტემების მომსახურებას, ზამთრის პერიოდში არსებული ინფრასტრუქტურის დაცვას და შენობა-ნაგებობების უსაფრთხოების უზრუნველყოფას.

ტურიზმის განვითარების ხელშეწყობა (პროგრამული კოდი 05 02 08)

ქვეპროგრამის მიზანი:
მუნიციპალიტეტის ტერიტორიაზე ტურისტულად საინტერესო ადგილების შესწავლა, შემდგომში მათი პოპულარიზაცია და ტურისტების მოზიდვა სხვადასხვა ღონისძიებებისა და აქტივობების მეშვეობით.

ქვეპროგრამის აღწერა:

ქვეპროგრამა ითვალისწინებს ხულოს მუნიციპალიტეტში ისტორიული და კულტურული ძეგლების ტურისტებისათვის და სხვა სამიზნე ჯგუფებისათვის გაცნობის ხელმისაწვდომობას, ადგილობრივი ტრადიციების, ტრადიციული დღესასწაულების, ზემო აჭარული კერძებისა და ხალხური რეწვის ნიმუშების პოპულარიზაციას, ტურისტულ სააგენტოებთან მჭიდრო თანამშრომლობას ტურისტების მოზიდვის მიზნით და ტურისტული ინფრასტრუქტურის განვითარებას. ქვეპროგრამა მოიცავს ლაშქრობებს, ექსკურსიებს, საერთაშორისო ფესტივალებში მონაწილეობის ორგანიზებას, სარეკლამო ბუკლეტების/ფლაერების დამზადებას. პროგრამის ფარგლებში ხულოს მუნიციპალიტეტის ოფიციალურ საინფორმაციო პორტალზე განთავსდება ინფორმაცია და ფოტომასალა მუნიციპალიტეტის ტერიტორიაზე არსებული ტურისტული ობიექტების შესახებ. პროგრამის ძირითადი სამიზნე ჯგუფები იქნებიან ტურისტები, სოციალურად დაუცველი და წარჩინებული მოსწავლეები, სტუდენტები, ტურისტული სააგენტოები, გიდები და სხვა.

გენდერული თანასწორობის ხელშოწყობა (პროგრამული კოდი 05 02 09)

ქვეპროგრამის მიზანი:
გენდერული თანასწორობის შესახებ ცნობიერების ამაღლება.

ქვეპროგრამის აღწერა:

ქვეპროგრამით განხორციელდება ქალთა მეტი ჩართულობა ადგილობრივი თვითმმართველობის პროცესში. დაგეგმილია ტრენინგებისა და სემინარების ჩატარება გენდერული თანასწორობის საკითხებთან დაკავშირებით, ასევე განხორციელდება მუნიციპალიტეტის სოფლებში გასვლითი შეხვედრების ჩატარება.

პრიორიტეტი:

5. ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის დაცვას სხვადასხვა დაავადებებისაგან. ასევე მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფას.

5.1 ჯანმრთელობის დაცვა (პროგრამული კოდი 06 01)

პროგრამის მიზანი:

მოსახლეობის ჯანმრთელობის მდგომარეობის გაუმჯობესება და ჯანმრთელობის დაცვის სერვისებზე ხელმისაწვდომობის გაზრდა.

პროგრამის აღწერა:

პროგრამა ითვალისწინებს მოსახლეობის ჯანმრთელობის დაცვასა და პირველადი სამედიცინო დახმარების გაწევას ამბულატორიულად, ჯანმრთელობის გაუმჯობესებისა და განმტკიცებას.

პროგრამის ფარგლებში განხორციელდება შემდეგი ქვეპროგრამები:

ა(ა)იპ – ხულოს სოციალური სერვისების ცენტრი (პროგრამული კოდი 06 01 01)

ქვეპროგრამის მიზანი:
ამბულატორიული მომსახურების გაუმჯობესება.

ქვეპროგრამის აღწერა:

ქვეპროგრამა ითვალისწინებს ხულოს მუნიციპალიტეტის ტერიტორიაზე არსებული თემის სამედიცინო პუნქტების და ამბულატორიების მომსახურების გაუმჯობესებას (სულ 57 თსპ), რისთვისაც ა(ა)იპ ხულოს სოციალური სერვისების ცენტრი უზრუნველყობს ექიმებსა და ექთნებს მედიკამენტებით და სხვა მიმდინარე ხარჯებით (მძღოლის ხელფასი, საწვავი, ავტომანქანის რემონტი, ავტომანქანის დაზღვევა, ოფისის ხარჯები და სხვა), რათა უზრუნველყოს მოსახლეობის შეუფერხებელი პირველადი სამედიცინო მომსახურება. 

მძიმე ფსიქიკური აშლილობის მქონე პირებზე მობილური გუნდების მომსახურების პროგრამა (პროგრამული კოდი 06 01 05)

ქვეპროგრამის მიზანი:
ხულოს მუნიციპალიტეტში მცხოვრებ მძიმე ფსიქიკური აშლილობის მქონე პირებისათვის ადგილზე სამედიცინო მომსახურების გაწევა.

ქვეპროგრამის აღწერა:

ქვეპროგრამის ფარგლებში გათვალისწინებულია ხულოს მუნიციპალიტეტში ერთი მობილური გუნდის დაფინანსება თვის განმავლობაში 50 პაციენტის ადგილზე მომსახურებით. გუნდის მუშაობა განისაზღვრება ბინაზე ვიზიტითა და მედიკამენტოზური მკურნალობით.

5.2. სოციალური უზრუნველყოფა (პროგრამული კოდი 06 02)

პროგრამის მიზანი:

საზოგადოების ცალკეული კატეგორიების სოციალური პირობების გაუმჯობესება.

პროგრამის აღწერა:

საზოგადოების ყველა წევრს, არ შეუძლია ამა თუ იმ მიზეზის გამო უზრუნველყოს მისი და მისი ოჯახის ცხოვრების ნორმალური დონე, ამიტომ აუცილებელია შრომისუუნარო მოსახლეობზე, სოციალურად დაუცველ ფენებზე დახმარება. განსაკუთრებით მზრუნველობის საგანს წარმოადგენენ შშმ პირები და ომის ვეტერანები, მრავალშვილიანი ოჯახები, დიალიზის სახელმწიფო პროგრამაში ჩართული პირები, რეაბილიტაციას დაქვემდებარებული ბავშვები, ონკოლოგიურ და ხანგრძლივ მკურნალობას დაქვემდებარებული სოციალურად შეჭირვებული ოჯახები, ავარიული სახლების მქონე ოჯახები და სხვა.

პროგრამის ფარგლებში განხორციელდება შემდეგი ქვეპროგრამები:

სოციალურად დაუცველი ფენისათვის ყოველდღიური ერთჯერადი უფასო კვებით უზრუნველყოფა (პროგრამული კოდი 06 02 01)

ქვეპროგრამის მიზანი:
ხულოს მუნიციპალიტეტში მცხოვრები სოციალურად დაუცველი მოსახლეობის ყოველდღიური ერთჯერადი უფასო კვებით უზრუნველყოფა.

ქვეპროგრამის აღწერა:

ხულოს მუნიციპალიტეტში სოციალურად დაუცველთათვის განკუთვნილია სასადილო დაბა ხულოში, რომელიც ემსახურება აღნიშნული კონტინგენტის 43 ბენეფიციარს უფასო ერთჯერადი ცხელი საკვებით. კვებით უზრუნველყოფა განხორციელდება ერთჯერადად ყოველდღიურად არსებული მენიუს შესაბამისად. შერჩევა მოხდება 0-დან 57 000-მდე სარეიტინგო ქულის მქონე ოჯახებს შორის, უპირატესობა მიენიჭება დაბალი ქულის მქონე მარტოხელა და შშმ პირებს 2019 წლის განმავლობაში შემოსული განცხადებების მიხედვით. დამატებით მოქალაქეების მომართვიანობის შემთხვევაში განცხადებას განიხილავს შესაბამისი სამსახური და შესაძლებლობის ფარგლებში განხორციელებული ცვლილების შესაბამისად ჩაერთვებიან პროგრამაში.

ომისა და სამხედრო ძალების ვეტერანების, მათთან გათანაბრებული პირების ომში დაღუპულთა ოჯახის წევრების და მარჩენალდაკარგულთა სოციალურ-ეკონომიკური პირობების გაუჯობესების შეღავათებით უზრუნველყოფა (პროგრამული კოდი 06 02 02)

ქვეპროგრამის მიზანი:
ვეტერანთა უკვდავყოფა და მათზე ფინანსური და მატერიალური დახმარების გაწევა.

ქვეპროგრამის აღწერა:

ქვეპროგრამის ფარგლებში განხორციელდება სამშობლოს წინაშე ღვაწლმოსილი ადამიანების, ომისა და სამხედრო ძალების ვეტერანების, მათთან გათანაბრებულ პირების, ომში დაღუპულთა ოჯახის წევრების და მარჩენალდაკარგულთა ოჯახებზე სხვადასხვა სახის ღონისძიებების უზრუნველყოფას. (15 თებერვალი, 8 მარტი, 9 მაისი, 8 აგვისტო, 17 ოქტომბერი და სხვა).

უკიდურესად გაჭირვებულ ოჯახებში გარდაცვლილ პირთა დაკრძალვისათვის ერთჯერადი მატერიალური დახმარება (პროგრამული კოდი 06 02 03)

ქვეპროგრამის მიზანი:
ხულოს მუნიციპალიტეტში მცხოვრები 0-დან 100 000 სარეიტინგო ქულის მქონე ოჯახებისათვის ოჯახის წევრის გარდაცვალების შემთხვევაში ერთჯერადი მატერიალური დახმარების გაწევა.

ქვეპროგრამის აღწერა:

ქვეპროგრამით ხორციელდება სიღარიბის ზღვარს ქვემოთ მყოფი (100000 ქულაზე ნაკლები) ოჯახების მატერიალური დახმარება, რომელიც ითვალისწინებს სოციალურად დაუცველი ოჯახის წევრის გარდაცვალების შემთხვევაში ერთჯერადი მატერიალური დახმარების გაწევას, საშუალოდ 83 ოჯახზე 300 ლარის ოდენობით.

მრავალშვილიან ბავშვთა ოჯახებზე (18 წლამდე) ერთჯერადი მატერიალური დახმარება (პროგრამული კოდი 06 02 05)

ქვეპროგრამის მიზანი:

ხულოს მუნიციპალიტეტში მცხოვრები მრავალშვილიან ოჯახებზე (18 წლამდე ასაკის ბავშვები) ერთჯერადი მატერიალური დახმარების გაწევა.

ქვეპროგრამის აღწერა:

დემოგრაფიული პრობლემების ფონზე დღის წესრიგში დადგა მრავალშვილიანი ოჯახების მატერიალური დახმარება. სწორედ ამიტომ, მე-4, მე-5 და მომდევნო შვილის შეძენასთან დაკავშირებით დახმარებას მიიღებენ მშობლები (დედა ან მამა).

მუნიციპალიტეტში ავარიული სახლების მქონე, კრიზისულ მდგომარეობაში მყოფი უკიდურესად გაჭირვებული ოჯახებისათვის საცხოვრებელი სახლის მშენებლობის ხელშეწყობა (პროგრამული კოდი 06 02 06)

ქვეპროგრამის მიზანი:

ავარიული სახლების მქონე უკიდურესად გაჭირვებული ოჯახების საცხოვრებელი პირობების გაუმჯობესება.

ქვეპროგრამის აღწერა:

ავარიული სახლების მქონე უკიდურესად გაჭირვებული ოჯახების საცხოვრებელი პირობების გაუმჯობესება საჭიროებს განსაკუთრებულ ყურადღებასა და მზრუნველობას. გარკვეულ შემთხვევებში საცხოვრებელი სახლები სიძველისა და უსახსრობის გამო ავარიულ მდგომარეობაშია და აღდგენას არ ექვემდებარება, რისი საშუალებაც უმეტესწილად ოჯახებს არ გააჩნიათ. აქედან გამომდინარე, ხულოს მუნიციპალიტეტის მერიის მიერ შემუშავებული იქნა სოციალურად შეჭირვებულ პირთა ოჯახებზე განსაკუთრებულ შემთხვევებში ერთჯერადი მატერიალური დახმარების პროგრამა. ბენეფიციართა შერჩევისას უპირატესობა ენიჭება ოჯახში შეზღუდული შესაძლებლობის მქონე პირის არსებობას, ასევე, მრავალშვილიან (მცირეწლოვანები) ოჯახებს. ქვეპროგრამით განხორციელდება 16 საცხოვრებელი სახლის შეძენა.

დიალიზის სახელმწიფო პროგრამაში ჩართულ პირთა ყოველთვიური მატერიალური დახმარება (პროგრამული კოდი 06 02 08);

ქვეპროგრამის მიზანი:

ხულოს მუნიციპალიტეტის ტერიტორიაზე მცხოვრები დიალიზის სახელმწიფო პროგრამაში ჩართული პაციენტების ტრანსპორტირება ან დროებით თავშესაფრით უზრუნველყოფა.

ქვეპროგრამის აღწერა:

ქვეპროგრამა ითვალისწინებს დიალიზის სახელმწიფო პროგრამით მოსარგებლე ბენეფიციარის ქალაქ ბათუმის კლინიკებში დიალიზის სეანსების ჩასატარებლად ტრანსპორტირების ან დროებითი საცხოვრებელი ხარჯების კომპენსაციის გაწევას (პაციენტები ყოველთვიურად იტარებენ 12-13 დიალიზის სეანს). ვინაიდან გარკვეულ შემთხვევაში აღნიშნული კატეგორიის ბენეფიციარები არიან მძიმე მდგომარეობაში და ვერ ახერხებენ მუნიციპალიტეტიდან ქალაქ ბათუმში ყოველი სეანსის დროს მგზავრობას, ამიტომ მათ უხდებათ ადგილზე (ქ. ბათუმი) ცხოვრება და მათთვისაც ისევე განხორციელდება ქვეპროგრამის ფარგლებში დახმარება, როგორც იმ პირებისთვის რომლებიც ახერხებელ მუნიციპალიტეტიდან მგზავრობას. აღნიშნულ სახელმწიფო პროგრამაში ჩართულია 19 ბენეფიციარი. დაფინანსება მოხდება ფორმა №100-ის შესაბამისად (თანმხლებ პირთან ერთად 300 ლარი, მხოლოდ ბენეფიციარის შემთხვევაში 200 ლარი). ქვეპროგრამა შედგენილი იქნა დიალიზის სახელმწიფო პროგრამაში ჩართული ბენეფიციარების მომართვის საფუძველზე.

ონკოლოგიურ და ხანგრძლივ მკურნალობას დაქვემდებარებული დაავადებების და მძიმე ტრავმული დაზიანებების მქონე სოციალურად შეჭირვებულ პირთა ოჯახებზე ერთჯერადი მატერიალური დახმარება (პროგრამული კოდი 06 02 09)

ქვეპროგრამის მიზანი:

ონკოლოგიურ და ხანგრძლივ მკურნალობას დაქვემდებარებული დაავადებების და მძიმე ტრამვული დაზიანებების მქონე სოციალურად შეჭირვებულ პირთა ოჯახებზე ერთჯერადი ფინანსური დახმარების გაწევა.

ქვეპროგრამის აღწერა:

ონკოლოგიურ და ხანგრძლივ მკურნალობას დაქვემდებარებული დაავადებები საჭიროებს განსაკუთრებულ ყურადღებასა და გამოკვლევების დროულ ჩატარებას. ასევე, მძიმე ტრამვული დაზიანებების შედეგად გარკვეულ შემთხვევებში საჭირო ხდება პაციენტის დროული გადაყვანა სამედიცინო დაწესებულებებში, რისი საშუალებაც უმეტესწილად ოჯახებს არ გააჩნიათ. აქედან გამომდინარე, ხულოს მუნიციპალიტეტის მერიის მიერ შემუშავებული იქნა სოციალურად შეჭირვებულ პირთა ოჯახებზე განსაკუთრებულ შემთხვევებში ერთჯერადი მატერიალური დახმარების პროგრამა.

მუნიციპალიტეტში მცხოვრები მოსახლეობის საცხოვრებელი სახლების სახურავებისათვის თუნუქის ფურცლების შეძენა (პროგრამული კოდი 06 02 10)

ქვეპროგრამის მიზანი:

ხულოს მუნიციპალიტეტში მოსახლეობის საცხოვრებელი სახლის სახურავით უზრუნველყოფა.

ქვეპროგრამის აღწერა:

ხულოს მუნუციპალიტეტის მერიაში რეგისტრირებულია ათეულობით განცხადება, რომლითაც ითხოვენ სიძველის გამო საცხოვრებელი სახლების ძველი სახურავების შეცვლას ახლით. აღნიშნული მოქალაქეების უმრავლესობა იმყოფება სიღარიბის ზღვარს ქვემოთ (0-დან 100000-მდე ქულა) და არ გააჩნიათ საშუალება, რომ საკუთარი სახსრებით მოახდინონ საცხოვრებელი სახლების სახურავების შეკეთება. გამომდინარე აქედან საჭიროა აღნიშნული ქვეპროგრამის განხორციელება, რათა ეტაპობრივად მოხდეს მოსახლეობის ეკონომიკური მდგომარეობის გამოსწორება. აღნიშნული ქვეპროგრამის განხორციელება ხელს შეუწყობს მოსახლეობის სოციალური მდგომარეობისა და საცხოვრებელი პირობების გაუმჯობესებას. თუნუქის ფურცლების გაცემისას უპირატესობა მიენიჭება სიღარიბის ზღვარს ქვემოთ მყოფ მრავალშვილიან ოჯახებს.

ბავშვთა რეაბილიტაციის პროგრამაში ჩართულ ბენეფიციართა მატერიალური დახმარება (პროგრამული კოდი 06 02 11)

ქვეპროგრამის მიზანი:

ხულოს მუნიციპალიტეტის ტერიტორიაზე მცხოვრები სამედიცინო და სოციალური რებილიტაციის პროგრამაში ჩართულ ბავშვთა რეაბილიტაციის კურსებზე მგზავრობის ხელშეწყობა.

ქვეპროგრამის აღწერა:

ქვეპროგრამა ითვალისწინებს ხულოს მუნიციპალიტეტის ტერიტორიაზე მცხოვრები ცერებრალური დამბლით, ცენტრალური და პერიფერიული ნერვული სისტემის, კუნთთა და ძვალსახსროვანი სისტემის დაავადებების მქონე ბავშვთა და სხვა რეაბილიტაციის სახელმწიფო პროგრამაში ჩართულ ბენეფიციართა კურსებზე მიმოსვლის ტრანსპორტის ხარჯების ანაზღაურებას ხულოდან ქ. ბათუმამდე თანმხლებ პირებთან ერთად. დახმარება განისაზღვრება დღიური 20 ლარის ოდენობით.

ქვეპროგრამა ითვალისწინებს ხულოს მუნიციპალიტეტის ტერიტორიაზე მცხოვრებ 2 ადრეული განვითარების (წელიწადში 12 კურსი 96 დღე) სახელმწიფო პროგრამაში ჩართულ ბავშვებთან შესაბამისი პროგრამის სპეციალისტის (ადრეული განვითარების სპეციალისტის) მიერ ბუნებრივ გარემოში (სახლში, საბავშვო ბაღში და ა.შ.) გაწეული მომსახურებისთვის ტრანსპორტირებას. ერთი ვიზიტის ტრანსპორტირების თანხა უნდა განისაზღვროს არაუმეტეს 25 ლარისა.

ადრეული განვითარების სპეციალისტის ბუნებრივ გარემოში მომსახურების გაწევა ითვალისწინებს ბუნებრივ გარემოში ბავშვის განვითარების ხელშეწყობას და მისი აქტივობების ხარისხის გაზრდას, ასევე ოჯახის წევრების ინფორმირებას ბავშვის განვითარების ხელშეწყობისათვის საჭირო ცოდნით და პრაქტიკული უნარ–ჩვევებით.

მოვლის საჭიროების მქონე შშმ პირებისა (ეტლით მოსარგებლე) და ხანგრძლივ მკურნალობას დაქვემდებარებული (საწოლს მიჯაჭვული) ბენეფიციარებისათვის ყოველთვიური ფინანსური დახმარება (პროგრამული კოდი 06 02 12)

ქვეპროგრამის მიზანი:

0-დან-200000-მდე ქულის მქონე მოვლის საჭიროების პირთა მატერიალური მხარდაჭერა.

ქვეპროგრამის აღწერა:

სხვადასხვა სახის რეკომენდაციების შესაბამისად შემუშავებული იქნა მოვლის საჭიროების მქონე პირთა მატერიალური დახმარებით უზრუნველყოფის ქვეპროგრამა. ქვეპროგრამის ფარგლებში განხორციელდება პირადი ჰიგიენის მოწესრიგების მიზნით სამედიცინო მოვლის საგნების შესასყიდად ყოველთვიური ფინანსური დახმარება შემდეგ ბენეფიციარებს: მოვლის საჭიროების მქონე შშმ პირებს, ქრონიკულად დაავადებულ ხანგრძლივი მოვლის საჭიროების მქონე პირებს და საწოლს მიჯაჭვულ ავადმყოფებს.

მუნიციპალიტეტის ბიუჯეტის ასიგნებები

განისაზღვროს ხულოს მუნიციპალიტეტის 2020 წლის ბიუჯეტის ასიგნებები 11 366 126 ლარის ოდენობი