„გორის მუნიციპალიტეტის 2020 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ გორის მუნიციპალიტეტის საკრებულოს 2019 წლის 13 დეკემბრის №51 დადგენილებაში ცვლილების შეტანის თაობაზე

 ა) დადგენილებით დამტკიცებული წესის მე-5 მუხლის  მე-2 პუნქტი ჩამოყალიბდეს შემდეგი რედაქციით: 

„2. ცერებრალური დამბლით, დაუნის სინდრომით, გლუტენის დაავადება (ცელიაკია ICD K90.0), ფენილკეტონურიით,  ჰიდროცეფალიით და ოჯახური  ხმელთაშუაზღვის  ცხელებით დაავადებული ადამიანების სოციალური დახმარება განისაზღვროს ერთჯერადად 500 (ხუთასი) ლარის ოდენობით“;

 ბ) დადგენილებით დამტკიცებული წესის მე-6 მუხლის  სათაური ჩამოყალიბდეს შემდეგი რედაქციით: 

„მუხლი 6. დიალიზზე მყოფი ადამიანების ერთჯერადი სოციალური და სამედიცინო დახმარება“;

გ) დადგენილებით დამტკიცებული წესის მე-6 მუხლის მე-2 პუნქტი ამოღებულ იქნეს;

დ) დადგენილებით დამტკიცებული წესის მე-8 მუხლის  პირველ პუნქტს დაემატოს შემდეგი შინაარსის  „ვ“ და „ზ“ ქვეპუნქტები: 

„ვ) გორის მუნიციპალიტეტის ტერიტორიაზე  დროებითი საცხოვრისით უზრუნველყოფილ პირთა გარდაცვალების სარიტუალო მომსახურება“;

„ზ) გორის მუნიციპალიტეტში უკიდურესად  მძიმე  მდგომარეობაში მყოფი, მიუსაფარი, უსახლკაროდ დარჩენილი  მოსახლეობის, რომლებიც მერიის მიერ  უზრუნველყოფილნი არიან ქირით გარდაცვალების სარიტუალო მომსახურება.

  ე) დადგენილებით დამტკიცებული წესის მე-8 მუხლის  მე-2 პუნქტის  დაემატოს შემდეგი შინაარსის „ი“  და „კ“ ქვეპუნქტები: 

„ი) „ცნობა მუნიციპალიტეტის მერიიდან პირის დროებითი საცხოვრისით უზრუნველყოფის შესახებ;

კ) „საჯარო რეესტრის ან/და ნოტარიუსის მიერ დამოწმებული ქირავნობის ხელშეკრულება, დადებული ბენეფიციარსა და გამქირავებელს შორის“.