„საჯარო სამართლის იურიდიული პირის – აწარმოე საქართველოში დებულების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2017 წლის 29 მაისის N1-1/217 ბრძანებაში ცვლილების შეტანის შესახებ

„ზ) სტრატეგიული განვითარებისა და კომუნიკაციის დეპარტამენტი.“.

2. დებულების მე-4 მუხლის მე-2 პუნქტიდან ამოღებულ იქნას  „თ“ ქვეპუნქტი.

3. დებულების მე-4 მუხლს დაემატოს შემდეგი შინაარსის 3¹ პუნქტი:

„3. სტრატეგიული განვითარებისა და კომუნიკაციის დეპარტამენტში შემავალი სამსახურებია: საზოგადოებასთან ურთიერთობისა და მარკეტინგის სამსახური და მომსახურების ცენტრი (სამსახური).“.

4. დებულების მე-5 მუხლის 5³ პუნქტი ჩამოყალიბდეს შემდეგი რედაქციით:

„5³. სტრატეგიული განვითარებისა და კომუნიკაციის დეპარტამენტის ამოცანები და ფუნქციებია:

ა) სააგენტოს მეწარმეობის, ექსპორტისა და ინვესტიციების მიმართულებებს შორის ურთიერთკავშირების ჩამოყალიბება და მათ შორის ურთიერთქმედების ხელშეწყობა;

ბ) სააგენტოს სტრატეგიული განვითარების დოკუმენტების და სამოქმედო გეგმების შემუშავებაში ჩართულობა;

გ) სააგენტოს ფარგლებში არსებული პროგრამების, პროექტების და აქტივობების განხორციელების და გაუმჯობესების/დახვეწის  პროცესში ჩართულობა;

დ) სააგენტოს მიმართულებების შესაბამისად ახალი პროგრამების შემუშავების, დანერგვის და განხორციელების პროცესის ხელშეწყობა;

ე) თემატურ ასოციაციებთან, ორგანიზაციებთან და გაერთიანებებთან კომუნიკაციის დამყარება და თანამშრომლობის მექანიზმის ჩამოყალიბება;

ვ) მედიასაშუალებებისა და სამაუწყებლო არხებისათვის სააგენტოს სახელით ინფორმაციის წარდგენა;

ზ) სააგენტოს ბენეფიციარებთან კომუნიკაციის დამყარება/შენარჩუნება და სააგენტოს კომპეტენციის ფარგლებში მათი განვითარების ხელშეწყობა;

თ) სააგენტოს ბენეფიციარებს შორის ურთიერთთანამშრომლობის ჩამოყალიბების ხელშეწყობა;

ი) სხვადასხვა სექტორულ კლასტერებსა და კომპანიებს შორის თანამშრომლობის მექანიზმების განვითარების ხელშეწყობა;

კ) ადგილობრივ კომპანიებსა და უცხოელ ინვესტორებს შორის თანამშრომლობის დამყარების ხელშეწყობა;

ლ) უცხოელ ინვესტორებთან კომუნიკაციისა და თანამშრომლობის პროცესში ჩართულობა;

მ) დაინტერესებული პირებისთვის სახელმწიფოს ხელშემწყობი პროგრამების შესახებ ადგილზე და დისტანციური არხების საშუალებით (სატელეფონო ცენტრი და სხვ.) კონსულტაციის გაწევა.“.

5. დებულების მე-5 მუხლიდან ამოღებულ იქნეს 5⁴ პუნქტი.