„ბაღდათის მუნიციპალიტეტის სოციალური და ჯანმრთელობის დაცვის სამსახურის 2020 წლის პროგრამა და სოციალური დახმარების გაცემის წესის დამტკიცების შესახებ“ ბაღდათის მუნიციპალიტეტის საკრებულოს 2019 წლის 27 დეკემბრის №25 დადგენილებაში ცვლილების შეტანის თაობაზე

1. მე-3 მუხლის „საქართველოს ტერიტორიული მთლიანობისათვის დაღუპულ მებრძოლთა ოჯახის წევრებზე (მშობელს, მეუღლეს ან შვილს) ერთჯერადი დახმარება. პროგრამული კოდი 060203“ 3.1 პუნქტი ჩამოყალიბდეს შემდეგი რედაქციით:

„3.1 საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებებში გარდაცვლილ მებრძოლთა ოჯახები (მშობელი, მეუღლე ან შვილი) – ერთჯერადად 250 ლარის ოდენობით.“.

2. მე-7 მუხლის „თანადგომის საჭიროების მქონე ოჯახთა მხარდაჭერა“ 7.1 პუნქტის 7.1.3 ქვეპუნქტი ჩამოყალიბდეს შემდეგი რედაქციით:

„7.1.3. დახმარება გაიცემა წელიწადში ერთჯერადად, არაუმეტეს 300 ლარისა;“.

3. მე-19 მუხლის „შინ მოვლა“ 19.1 პუნქტი ჩამოყალიბდეს შემდეგი რედაქციით:

„19.1. პროგრამით ისარგებლებენ ბაღდათის მუნიციპალიტეტში მცხოვრები ხანდაზმულები, შეზღუდული შესაძლებლობის და ჯანმრთელობის პრობლემის მქონე პირები, რომლებიც აკმაყოფილებენ შემდეგ კრიტერიუმებს: 

ა) მარტოხელა ან მზრუნველობამოკლებული ხანდაზმული, რომელიც არის საწოლს ან სახლს მიჯაჭვული და მისი ოჯახის სარეიტინგო ქულა არ აღემატება 100000-ს;

ბ) შეზღუდული შესაძლებლობის მქონე სრულწლოვანი პირი, რომელიც არის საწოლს ან სახლს მიჯაჭვული და მისი ოჯახის სარეიტინგო ქულა არ აღემატება 100000-ს;“.

გ) ქრონიკული ან დროებითი ჯანმრთელობის პრობლემის მქონე პირი, რომელიც არის საწოლს ან სახლს მიჯაჭვული და მისი ოჯახის სარეიტინგო ქულა არ აღემატება 100000-ს.“.