ხულოს მუნიციპალიტეტის საკრებულოს ზოგიერთ დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

ხულოს მუნიციპალიტეტის საკრებულოს ზოგიერთ დადგენილებაში ცვლილების შეტანის თაობაზე
დოკუმენტის ნომერი	3
დოკუმენტის მიმღები	ხულოს მუნიციპალიტეტი
მიღების თარიღი	30/01/2020
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 03/02/2020
სარეგისტრაციო კოდი	010250050.35.136.016335

PDF გადმოწერა

ხულოს მუნიციპალიტეტის საკრებულოს ზოგიერთ დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და საქართველოს ზოგადი ადმინისტრაციული კოდექსის“ 63-ე მუხლის საფუძველზე ხულოს მუნიციპალიტეტის საკრებულო ადგენს:

მუხლი 1. ,,ხულოს მუნიციპალური გენდერული თანასწორობის საბჭოს შექმნის შესახებ“ ხულოს მუნიციპალიტეტის საკრებულოს 2018 წლის 24 ოქტომბრის №88 დადგენილებაში (სსმ, ვებგვერდი, გამოქვეყნების თარიღი: 31/10/2018, სარეგისტრაციო კოდი: 010250050.35.136.016308) შევიდეს ცვლილება და დადგენილებით დამტკიცებული დანართის მე-4 მუხლის მე-12 პუნქტი ჩამოყალიბდეს შემდეგი რედაქციით:

,,12. სხდომაზე დასწრების და მონაწილეობის უფლება აქვს მუნიციპალიტეტში მოქმედ ყველა დაინტერესებულ ორგანიზაციას ან მოქალაქეთა გაერთიანებებს, ან ფიზიკურ პირს. ამ მიზნით ორგანიზაციამ/მოქალაქეთა გაერთიანებამ/ფიზიკურმა პირმა სხდომის დაწყებამდე ორი დღით ადრე მაინც უნდა მიმართოს წერილობით საბჭოს თავმჯდომარეს და გამოყოს ერთი წარმომადგენელი საბჭოს სხდომის მუშაობაში მონაწილეობის მისაღებად.“.

მუხლი 2. ,,ხულოს მუნიციპალიტეტში სკოლამდელი აღზრდისა და განათლების მომსახურების და სასკოლო მზაობის პროგრამის მიწოდების მონიტორინგის, შეფასების და ანგარიშგების სისტემის დამტკიცების შესახებ“ ხულოს მუნიციპალიტეტის საკრებულოს 2018 წლის 26 ივნისის №76 დადგენილებაში (სსმ, ვებგვერდი, გამოქვეყნების თარიღი: 01/08/2018, სარეგისტრაციო კოდი: 010250020.35.136.016296) შევიდეს შემდეგი ცვლილება:

1. დადგენილებით დამტკიცებული დანართ №1-ის მე-2 მუხლის მე-2 პუნქტის ,,ს“ ქვეპუნქტი ჩამოყალიბდეს შემდეგი რედაქციით

,,ს) მონიტორინგის გუნდი – სტრუქტურული ერთულის მიერ შექმნილი გუნდი, რომელიც ახორციელებს დაწესებულების მონიტორინგს ავტორიზაციის პირობების შესრულების შემოწმების მიზნით და ახდენს სათანადო და დროულ ანგარიშგებას."

2. დადგენილებით დამტკიცებული დანართი №1-ის მე-6 მუხლის 1 პუნქტი ჩამოყალიბდეს შემდეგი რედაქციით:

„1. სტრუქტურული ერთეული ქმნის მონიტორინგის გუნდს, რომელიც ავტორიზაციის პირობების შესრულების შემოწმების მიზნით ახორციელებს დაწესებულების მონიტორინგს და შესაბამის ანგარიშგებას.“.

მუხლი 3

დადგენილება ამოქმედდეს გამოქვეყნებისთანავე.

ხულოს მუნიციპალიტეტის საკრებულოს თავმჯდომარე ჯუმბერ დიმიტრაძე