„ნარჩენებისა და ქიმიური ნივთიერებების მართვის დეპარტამენტის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2018 წლის 30 ივლისის N2-621 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ :

1. მე-2 მუხლის:

ა) „პ“ ქვეპუნქტი ამოღებულ იქნეს;

ბ) „ტ“ ქვეპუნქტის შემდეგ დაემატოს შემდეგი შინაარსის „ტ¹-ტ⁶“ ქვეპუნქტები:

„ტ¹) მწარმოებლის გაფართოებული ვალდებულების (მგვ) სისტემის დანერგვისა და განხორციელების ხელშეწყობა;

ტ²) მწარმოებლის გაფართოებულ ვალდებულებასთან (მგვ) დაკავშირებული მწარმოებლების ელექტრონული რეესტრის წარმოება;

ტ³) მწარმოებლის გაფართოებული ვალდებულების (მგვ) ორგანიზაციების ავტორიზაციის განხორციელების უზრუნველყოფა;

ტ⁴) მწარმოებლის გაფართოებული ვალდებულების (მგვ) განხორციელების ანგარიშების მომზადება;

ტ⁵) მწარმოებლის გაფართოებულ ვალდებულებასთან (მგვ) დაკავშირებით ცნობიერების ამაღლების ღონისძიებების კოორდინირება;

ტ⁶) მწარმოებლის გაფართოებული ვალდებულების (მგვ) ეფექტიანად განხორციელების მიზნით, მუნიციპალიტეტების და კომპანიების შესაძლებლობების გაძლიერების ხელშეწყობა“.

2. მე-4 მუხლს დაემატოს შემდეგი შინაარსის „გ“ ქვეპუნქტი:

„გ) მწარმოებლის გაფართოებული ვალდებულებების (მგვ) სამმართველო“.

3. მე-5 მუხლის პირველი პუნქტის „ტ“ ქვეპუნქტი ჩამოყალიბდეს შემდეგი რედაქციით:

„ტ) სახიფათო ნარჩენების მართვის თანამედროვე სისტემების დანერგვის ხელშეწყობა;“.

4. მე-5 მუხლის მე-2 პუნქტის „ლ“ ქვეპუნქტი ამოღებულ იქნეს.

5. მე-5 მუხლს დაემატოს შემდეგი შინაარსის მე-3 პუნქტი:

„3. მწარმოებლის გაფართოებული ვალდებულებების (მგვ) სამმართველოს კომპეტენციაა:

ა) მწარმოებლის გაფართოებული ვალდებულების (მგვ) პოლიტიკის შემუშავება და განხორციელება;

ბ) მწარმოებლის გაფართოებულ ვალდებულებასთნ (მგვ) დაკავშირებული ეროვნული კანონმდებლობის ევროკავშირის შესაბამის სამართლებრივ აქტებთან ჰარმონიზაცია;

გ) მწარმოებლის გაფართოებული ვალდებულების (მგვ) ორგანიზაციების ავტორიზაცია (შემოსული განაცხადების განხილვა, შეფასება, შენიშვნების და წინადადებების მომზადება, დასკვნების და შესაბამისი გადაწყვეტილებების პროექტების მომზადება);

დ) მწარმოებლის გაფართოებული ვალდებულების (მგვ) ორგანიზაციებიდან მიღებული წინა კალენდარულ წელს განხორციელებული ღონისძიებების შესახებ ანგარიშების განხილვა, შესაბამისი კომენტარების მომზადება;

ე) მწარმოებლის გაფართოებული ვალდებულების (მგვ) ორგანიზაციების მომავალი კალენდარული წლის სამოქმედო გეგმის განხილვა და შეთანხმება;

ვ) მწარმოებლის გაფართოებულ ვალდებულებასთან (მგვ) დაკავშირებული, სამინისტროს წლიური ანგარიშის მომზადება (სპეციფიკური ნარჩენების ნაკადების მიხედვით);

ზ) მწარმოებლის გაფართოებულ ვალდებულებასთან (მგვ) დაკავშირებული საინფორმაციო და ცნობიერების ამაღლების ღონისძიებების კოორდინირება;

თ) მწარმოებლის გაფართოებული ვალდებულების (მგვ) ორგანიზაციების შესაძლებლობების გაძლიერების პროექტების შემუშავება და განხორციელება;

ი) მწარმოებლის გაფართოებულ ვალდებულებასთან (მგვ) დაკავშირებით, მუნიციპალიტეტებთან თანამშრომლობა და მათი შესაძლებლობების გაძლიერების ხელშეწყობა;

კ) მწარმოებლის გაფართოებული ვალდებულების (მგვ) ორგანიზაციების შექმნის ხელშეწყობა და მწარმოებლების ინფორმირება;

ლ) მწარმოებლის გაფართოებული ვალდებულების (მგვ) რეესტრის წარმოება;

მ) მწარმოებლის გაფართოებულ ვალდებულებას (მგვ) დაქვემდებარებული პროდუქციისა და მისგან წარმოქმნილი ნარჩენების აღრიცხვისა და მონაცემთა ბაზის წარმოება  და მართვა (ნარჩენების ნაკადების მიხედვით);

ნ) ნარჩენების აღდგენისა და რეციკლირების კომპანიების შესაძლებლობების გაძლიერების ხელშეწყობა;

ო) სამინისტროს წარმომადგენლობის განხორციელება ფიზიკურ და იურიდიულ პირებთან ურთიერთობებში;

პ) კანონმდებლობით გათვალისწინებული სხვა უფლებამოსილებების განხორციელება“.