„საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონში ცვლილების შეტანის თაობაზე

მუხლი 1. „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონში (საქართველოს საკანონმდებლო მაცნე, №2, 04.01.2007, მუხ. 33) შეტანილ იქნეს შემდეგი ცვლილება:

1. მე-3 მუხლს დაემატოს შემდეგი შინაარსის „ფ¹“ ქვეპუნქტი:

„ფ¹) უფლების ჩამორთმევის შესახებ ცნობა − სააგენტოს მიერ გაცემული დოკუმენტი, რომელშიც საქართველოს შინაგან საქმეთა სამინისტროს საინფორმაციო-ანალიტიკურ დეპარტამენტში რეგისტრირებული/აღრიცხული მონაცემების საფუძველზე აისახება ინფორმაცია „ნარკოტიკული დანაშაულის წინააღმდეგ ბრძოლის შესახებ“ საქართველოს კანონის ან/და „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონის საფუძველზე უფლების ჩამორთმევის შესახებ;“.

2. მე-4 მუხლის პირველ პუნქტს დაემატოს შემდეგი შინაარსის „ჯ¹“ ქვეპუნქტი:

„ჯ¹) უფლების ჩამორთმევის შესახებ ცნობის გაცემა;“.

3. მე-7 მუხლს დაემატოს შემდეგი შინაარსის „კ³“ ქვეპუნქტი:

„კ³) უფლების ჩამორთმევის შესახებ ცნობის გაცემა – 5 სამუშაო დღე;“.

4. მე-11 მუხლს დაემატოს შემდეგი შინაარსის 1² პუნქტი:

„1². უფლების ჩამორთმევის შესახებ ცნობის გაცემის თაობაზე განაცხადის შეტანიდან:

ა) 3 სამუშაო დღის განმავლობაში გაცემისათვის დაჩქარებული მომსახურების საფასურის განაკვეთია 15 ლარი;

ბ)   1   სამუშაო   დღის   განმავლობაში   გაცემისათვის   დაჩქარებული   მომსახურების საფასურის განაკვეთია 25 ლარი.“.

5. 11¹ მუხლის პირველ პუნქტს დაემატოს შემდეგი შინაარსის „თ²“ ქვეპუნქტი:

„თ²) უფლების ჩამორთმევის შესახებ ცნობის გაცემა;“.

მუხლი 2. ეს კანონი ამოქმედდეს 2020 წლის 1 მაისიდან.