დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„დავის განმხილველი ორგანოების რეგლამენტის დამტკიცების თაობაზე“ საქართველოს მთავრობის 2011 წლის 14 დეკემბრის №473 დადგენილებაში ცვლილების შეტანის შესახებ | |
---|---|
დოკუმენტის ნომერი | 48 |
დოკუმენტის მიმღები | საქართველოს მთავრობა |
მიღების თარიღი | 22/01/2020 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 24/01/2020 |
სარეგისტრაციო კოდი | 200230110.10.003.021756 |
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „დავის განმხილველი ორგანოების რეგლამენტის დამტკიცების თაობაზე“ საქართველოს მთავრობის 2011 წლის 14 დეკემბრის №473 დადგენილებაში (www.matsne.gov.ge, 16/12/2011, 200230110.10.003.016633) შეტანილ იქნეს ცვლილება და დადგენილებით დამტკიცებული „დავის განმხილველი ორგანოების რეგლამენტის“ 39-ე მუხლი ჩამოყალიბდეს შემდეგი რედაქციით:
„ მუხლი 39. გადაწყვეტილების გაგზავნა და ჩაბარება 1. დავის განმხილველი ორგანოს შუალედური და საბოლოო გადაწყვეტილება ეგზავნება მხარეებს. საჭიროების შემთხვევაში დასაშვებია გადაწყვეტილების გაგზავნა მესამე პირისათვის, საგადასახადო საიდუმლოების დაცვით. 2. მომჩივანს დავის განმხილველი ორგანოს გადაწყვეტილება ეგზავნება მატერიალური ან ელექტრონული ფორმით მისი მიღებიდან 5 სამუშაო დღის ვადაში, საქართველოს საგადასახადო კოდექსის 44-ე მუხლით დადგენილი წესით. 3. გადაწყვეტილების მატერიალური ფორმით გაგზავნისას, მომჩივანს ეგზავნება დავის განმხილველი ორგანოს გადაწყვეტილების დამოწმებული ასლი, ხოლო გადაწყვეტილების ელექტრონული ფორმით გაგზავნისას, მომჩივანს დავის განმხილველი ორგანოს გადაწყვეტილება ეგზავნება შემოსავლების სამსახურის ოფიციალური ვებგვერდის (www.rs.ge) გამოყენებით – ავტორიზებული მომხმარებლის გვერდზე. 4. საქართველოს საგადასახადო კოდექსის 44-ე მუხლით გათვალისწინებული პირობების არსებობის შემთხვევაში, შესაძლებელია დავის განმხილველი ორგანოს გადაწყვეტილების საჯაროდ გავრცელება შემოსავლების სამსახურის ოფიციალურ ვებგვერდზე მისი განთავსებით. დავის განმხილველი ორგანოს გადაწყვეტილების საჯაროდ გავრცელების შესახებ გადაწყვეტილებას იღებს დავის განმხილველი ორგანო. 5. დავის განმხილველი ორგანოს გადაწყვეტილება ჩაბარებულად მიიჩნევა საქართველოს საგადასახადო კოდექსის 44-ე მუხლით გათვალისწინებული დოკუმენტის გაგზავნის/წარდგენის ფორმის შესაბამისი გარემოების/მომენტის დადგომიდან.“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები