„ბოლნისის მუნიციპალიტეტის მერიის ეკონომიკის სამსახურის დებულების დამტკიცების შესახებ“ ბოლნისის მუნიციპალიტეტის საკრებულოს 2017 წლის 20 ნოემბრის №63 დადგენილებაში ცვლილების შეტანის თაობაზე

„მუხლი 5. ეკონომიკის განვითარებისა და სტატისტიკის განყოფილება

ეკონომიკის განვითარებისა დაგეგმვისა და სტატისტიკის განყოფილება დადგენილი წესით უზრუნველყოფს:

ა) ეკონომიკური განვითარების მუნიციპალური პროგრამის მომზადების ორგანიზებას;

ბ) ეკონომიკური განვითარების დასაგეგმად საჭირო სტატისტიკური ინფორმაციის შეგროვებასა და დამუშავებას;

გ) ინვესტიციების მოზიდვის მიზნით საინვესტიციო წინადადებების მომზადებას;

დ) მუნიციპალიტეტის მონაწილეობით საინვესტიციო წინადადებების შესადგენად საჭირო დოკუმენტაციის მომზადებას;

ე) ტურიზმის დარგის ხელშეწყობის მიზნით, შესაბამის უწყებებთან თანამშრომლობას და სხვადასხვა ღონისძიებების ორგანიზებას;

ვ) ეკონომიკური განვითარებისა და სტატისტიკის საკითხებზე, საკრებულოს სხდომაზე დასამტკიცებლად წარსადგენი დოკუმენტაციის მომზადებას;

ზ) ბოლნისის მუნიციპალიტეტის საკუთრებაში არსებული ობიექტების ელენერგიის, წყლის, კანალიზაციისა და ბუნებრივი აირის არსებულ გამანაწილებელ ქსელებზე მიერთების მიზნით, სერვისის მიმწოდებელ კომპანიებთან კომუნიკაციას, ახალი მომხმარებლის ქსელზე მიერთებისთვის საჭირო დოკუმენტაციის მომზადებას და განაცხადების წარდგენას;

თ) ბოლნისის მუნიციპალიტეტის საკუთრებაში არსებული წყალსაქაჩი ტუმბოების (მწყობრიდან გამოსვლის შემთხვევაში) შესყიდვისთვის ბაზრის კვლევაში მონაწილეობის მიღებას, მწყობრიდან გამოსული ტუმბოების დემონტაჟისა და ახალი ტუმბოების სამონტაჟო სამუშაოების ზედამხედველობას;

ი) ბოლნისის მუნიციპალიტეტის დაქვემდებარებაში მყოფი დაწესებულებებისთვის ინვენტარის შესყიდვის პროცედურებში მონაწილეობას მიღებას, კერძოდ, ბაზრის კვლევაში მონაწილეობას, შესყიდული ინვენტარის მიღება-ჩაბარების პროცესის კოორდინაციას;

კ) ბოლნისის მუნიციპალიტეტის საკუთრებაში არსებული ობიექტების  და დაწესებულებების   (გარე განათების, წყალსაქაჩი ტუმბოების, სკვერების/შადრევნების და ა.შ.) კომუნალური ხარჯების დაფინანსებისთვის, შესაბამისი დოკუმენტების მომზადებას;

ლ) ბოლნისის მუნიციპალიტეტის დაქვემდებარებაში მყოფი დაწესებულებების მიერ წარმოდგენილი დაფინანსების მოთხოვნის წერილების საფუძველზე, მოხსენებითი ბარათებისა და მასთან დაკავშირებული დოკუმენტების მომზადებას.“.