დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის სერტიფიცირების წესის დამტკიცების შესახებ“ საქართველოს მთავრობის 2018 წლის 13 ივნისის №337 დადგენილებაში ცვლილების შეტანის თაობაზე | |
---|---|
დოკუმენტის ნომერი | 38 |
დოკუმენტის მიმღები | საქართველოს მთავრობა |
მიღების თარიღი | 17/01/2020 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 20/01/2020 |
ძალაში შესვლის თარიღი | 01/06/2024 |
სარეგისტრაციო კოდი | 340020000.10.003.021746 |
|
„სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის სერტიფიცირების წესის დამტკიცების შესახებ“ საქართველოს მთავრობის 2018 წლის 13 ივნისის №337 დადგენილებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის სერტიფიცირების წესის დამტკიცების შესახებ“ საქართველოს მთავრობის 2018 წლის 13 ივნისის №337 დადგენილებაში (www.matsne.gov.ge, 18/06/2018, 340020000.10.003.020652) შეტანილ იქნეს ცვლილება და დადგენილებით დამტკიცებული სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის სერტიფიცირების წესის:
1. მე-7 მუხლის მე-2 პუნქტის შემდეგ დაემატოს შემდეგი შინაარსის 21 პუნქტი: „21. სათესლე ნაკვეთის მდგომარეობა და მცენარეთა განვითარების ფაზები საშუალებას უნდა იძლეოდეს, სათანადოდ ჩატარდეს საველე ინსპექტირება.“. 2. მე-8 მუხლის პირველი პუნქტის შემდეგ დაემატოს შემდეგი შინაარსის 11 და 12 პუნქტები: „11. ბაზარზე განთავსებული თესლი, შემთხვევითი შერჩევის პრინციპით, ნიმუშის აღებით უნდა იქნეს შემოწმებული, რათა დადგინდეს, აკმაყოფილებს თუ არა ის საქართველოს კანონმდებლობით დადგენილ მოთხოვნებს. 12. საკონტროლო გამოცდისას, საჭიროების შემთხვევაში – ლაბორატორიაში, უნდა შემოწმდეს თესლის პარტიებიდან აღებული თესლის ნიმუში ჯიშობრივ იდენტურობასა და ჯიშობრივ სიწმინდეზე.“. 3. მე-8 მუხლის მე-2 პუნქტის შემდეგ დაემატოს შემდეგი შინაარსის 21 პუნქტი: „21. სერტიფიცირებისთვის განკუთვნილი კულტურების თესლის შემოწმებისა და საკონტროლო გამოცდისთვის ნიმუშები აღებული უნდა იყოს თესლის ერთგვაროვანი პარტიებიდან. თესლის პარტიის მაქსიმალური წონა და თესლის ნიმუშის მინიმალური წონა უნდა შეესაბამებოდეს საქართველოს კანონმდებლობით დადგენილ მოთხოვნებს.“. |
მუხლი 2 |
დადგენილება ამოქმედდეს 2024 წლის პირველი ივნისიდან. |
|
დოკუმენტის კომენტარები