დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოს ფინანსთა სამინისტროს საგამოძიებო სამსახურში სტაჟიორის უფლებამოსილებების, შერჩევის და სამსახურის გავლის პირობების შესახებ დებულების დამტკიცების თაობაზე“ საქართველოს ფინანსთა მინისტრის 2012 წლის 24 აგვისტოს №358 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 9 |
| დოკუმენტის მიმღები | საქართველოს ფინანსთა მინისტრი |
| მიღების თარიღი | 09/01/2020 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 10/01/2020 |
| სარეგისტრაციო კოდი | 010320040.22.033.017281 |
|
„საქართველოს ფინანსთა სამინისტროს საგამოძიებო სამსახურში სტაჟიორის უფლებამოსილებების, შერჩევის და სამსახურის გავლის პირობების შესახებ დებულების დამტკიცების თაობაზე“ საქართველოს ფინანსთა მინისტრის 2012 წლის 24 აგვისტოს №358 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვბრძანებ: |
მუხლი 1.
„საქართველოს ფინანსთა სამინისტროს საგამოძიებო სამსახურში სტაჟიორის უფლებამოსილებების, შერჩევის და სამსახურის გავლის პირობების შესახებ დებულების დამტკიცების თაობაზე“ საქართველოს ფინანსთა მინისტრის 2012 წლის 24 აგვისტოს №358 ბრძანებით (ვებგვერდი, 30/08/2012, სარეგისტრაციო კოდი 010320040.22.033.016447) დამტკიცებულ დებულებაში შეტანილ იქნეს შემდეგი ცვლილება:
|
1.
მე-9 მუხლის: |
ა)
პირველი პუნქტი ჩამოყალიბდეს შემდეგი რედაქციით:
„1. კანდიდატმა კონკურსში მონაწილეობის სურვილის შემთხვევაში, სამსახურის ადმინისტრაციას განაცხადთან ერთად უნდა წარუდგინოს: ა) მოქალაქის პირადობის დამადასტურებელი მოწმობის ასლი; ბ) ავტობიოგრაფია; გ) დიპლომის და ნიშნების ფურცლის ასლი (დამამთავრებელი კურსის სტუდენტის შემთხვევაში – ცნობა უმაღლესი სასწავლებლიდან, დამამათავრებელ კურსზე ყოფნის შესახებ); დ) ამონაწერი შრომის წიგნაკიდან (ასეთის არსებობის შემთხვევაში); ე) ორი ფოტოსურათი (3X4); ვ) ცნობა ჯანმრთელობის მდგომარეობის შესახებ; ზ) ცნობა სამედიცინო-ნარკოლოგიური შემოწმების შესახებ; თ) ცნობა ნასამართლობის შესახებ; ი) სამოტივაციო წერილი.“; |
ბ)
მე-2 პუნქტი ამოღებულ იქნეს. |
2.
21-ე მუხლის პირველი და მე-2 პუნქტები ჩამოყალიბდეს შემდეგი რედაქციით:
„1. სამსახურის ადმინისტრაცია სტაჟირების დაწყებიდან 3 თვის ვადაში, აგრეთვე, საჭიროების შემთხვევაში, სამსახურის უფროსის მიერ ინდივიდუალური ადმინისტრაციულ-სამართლებრივი აქტით (ბრძანებით) განსაზღვრული პერიოდულობით ისმენს და განიხილავს როგორც სტაჟიორის ანგარიშს მის მიერ გაწეული მუშაობის შესახებ, ასევე სტაჟიორის უშუალო ხელმძღვანელისა და შესაბამისი სტრუქტურული ქვედანაყოფის ხელმძღვანელის წერილობით მოსაზრებას სტაჟირების მიმდინარეობისა და სტაჟიორის ანგარიშის შესახებ. 2. სტაჟირების ვადის გასვლის შემდეგ (განსაკუთრებულ შემთხვევებში, შესაბამისი სტრუქტურული ქვედანაყოფის ხელმძღვანელის წერილობითი რეკომენდაციის საფუძველზე, სამსახურის უფროსის ინდივიდუალური ადმინისტრაციულ-სამართლებრივი აქტით (ბრძანებით), სტაჟირების ვადის გასვლამდე) სტაჟიორთან გასაუბრებას და შეფასებას ახორციელებენ სამსახურის უფროსის ინდივიდუალური ადმინისტრაციულ-სამართლებრივი აქტით (ბრძანებით) უფლებამოსილი თანამდებობის პირები, რომლებიც გასაუბრების შედეგებს წარუდგენენ სამსახურის უფროსს.“. |
3.
26-ე მუხლის მე-3 პუნქტი ჩამოყალიბდეს შემდეგი რედაქციით:
„3. სტაჟირების ვადის გასვლისას სტაჟირების შედეგების შესახებ წერილობითი ინფორმაცია მიეწოდება სამსახურის ადმინისტრაციას, ამ დებულების 21-ე მუხლის პირველი პუნქტით დადგენილი წესით.“. |
4.
28-ე მუხლის მე-2 პუნქტს დაემატოს შემდეგი შინაარსის „ე1“ ქვეპუნქტი:
„ე1) სტაჟირების მიმდინარეობისას სტაჟირების შედეგების უარყოფითი შეფასება.“. |
| მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები