დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა“ (კოდი 01 02 07) განხორციელების წესი დამტკიცების შესახებ ქალაქ რუსთავის მუნიციპალიტეტის საკრებულოს 2018 წლის 24 დეკემბრის №84 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 165 |
| დოკუმენტის მიმღები | ქალაქ რუსთავის მუნიციპალიტეტი |
| მიღების თარიღი | 20/12/2019 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 24/12/2019 |
| ძალაში შესვლის თარიღი | 01/01/2020 |
| ძალის დაკარგვის თარიღი | 01/01/2021 |
| სარეგისტრაციო კოდი | 010250050.35.160.016601 |
|
„ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა“ (კოდი 01 02 07) განხორციელების წესი დამტკიცების შესახებ ქალაქ რუსთავის მუნიციპალიტეტის საკრებულოს 2018 წლის 24 დეკემბრის №84 დადგენილებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის შესაბამისად, ქალაქ რუსთავის მუნიციპალიტეტის საკრებულო ადგენს: |
| მუხლი 1 |
შევიდეს ცვლილება „ქალაქ რუსთავის მუნიციპალიტეტის ბიუჯეტის ქვეპროგრამის „გენდერული თანასწორობის ხელშეწყობა“ (კოდი 01 02 07) განხორციელების წესი დამტკიცების შესახებ ქალაქ რუსთავის მუნიციპალიტეტის საკრებულოს 2018 წლის 24 დეკემბრის №84 დადგენილების (www.matsne.gov.ge, 08/05/2019, 020000000.05.001.019479) პირველი მუხლით დამტკიცებული დანართი №1-ში შევიდეს შემდეგი სახის ცვლილებები:
1. წესის 1-ლი მუხლის მე-3 პუნქტი ჩამოყალიბდეს შემდეგი რედაქციით: „3. ქვეპროგრამის განმახორციელებელია ქალაქ რუსთავის მუნიციპალიტეტის მერიის აპარატი გენდერული თანასწორობის საბჭოსთან კოორდინირებით (შემდგომში – ქვეპროგრამის განმახორციელებელი).“. 2. წესის მე-2 მუხლის სახელწოდება ჩამოყალიბდეს შემდეგი რედაქციით: „მუხლი 2. ქვეპროგრამის აღწერა და მიზანი“. 3. წესის მე-3 მუხლი ჩამოყალიბდეს შემდეგი რედაქციით: „მუხლი 3. დაფინანსების მიმღები სუბიექტები ამ წესის შესაბამისად დაფინანსების მიმღები სუბიექტები არიან მუნიციპალიტეტის ტერიტორიაზე მცხოვრები და რეგისტრირებული ქალები 18 წლის ასაკიდან ან /და საქართველოში რეგისტრირებული იურიდიული პირები, რომლებიც ახორციელებენ ან სურთ განახორციელონ სამეწარმეო /არასამეწარმეო (არაკომერციული) საქმიანობა საზოგადოებაში ქალთა აქტიური ჩართულობის ხელშესაწყობად.“. 4. წესის მე-4 მუხლის მე-2 პუნქტი ჩამოყალიბდეს შემდეგი რედაქციით: „2. საპროექტო განცხადების წარმდგენის მიერ განსაზღვრულ ვადაში ხარვეზის გამოუსწორებლობის შემთხვევაში საპროექტო განაცხადი არ განიხილება.“. 5. წესის მე-5 მუხლის სახელწოდება ჩამოყალიბდეს შემდეგი რედაქციით: „მუხლი 5. საპროექტო განაცხადის განხილვა და დაფინანსება“. 6. წესის მე-6 მუხლის სახელწოდება ჩამოყალიბდეს შემდეგი რედაქციით: „მუხლი 6. დაფინანსების გაცემა ქალაქ რუსთავის მუნიციპალიტეტის მერიის საფინანსო-საბიუჯეტო სამსახური ქალაქ რუსთავის მუნიციპალიტეტის ბიუჯეტით გათვალისწინებული ქვეპროგრამის „გენდერული თანასწორობის ხელშეწყობა “ (კოდი 01 02 07) გამოყოფილი ასიგნებების ფარგლებში უზრუნველყოფს შესაბამისი პროექტის დაფინანსებას ქვეპროგრამის განმახორციელებლის მოთხოვნის საფუძველზე.“. 7. მე-7 მუხლის 1-ლი პუნქტი ჩამოყალიბდეს შემდეგი რედაქციით: „1. ქვეპროგრამის განმახორციელებელსა და საპროექტო განცხადების წარმომდგენ პირს შორის პროექტის განხორციელებასთან დაკავშირებული საკითხები წესრიგდება მათ შორის გაფორმებული ხელშეკრულებით.“. 8. წესს დაემატოს 71. მუხლი და ჩამოყალიბდეს შემდეგი რედაქციით: „მუხლი 71. ქვეპროგრამის მოსალოდნელი შედეგები 1. ქალების ეკონომიკურ გაძლიერებაზე ორიენტირებული დაფინანსებული ინიციატივების გაზრდილი მაჩვენებელი. 2. გაძლიერებული სამეწარმეო უნარები ეკონომიკური საქმიანობის დაწყების შესახებ, გაზრდილი ცნობიერება ქალების თანასწორუფლებიანობისა და საზოგადოებაში ინტეგრაციის ხელშეწყობასთან დაკავშირებულ საკითხებზე.“. |
| მუხლი 2 |
დადგენილება ამოქმედდეს 2020 წლის პირველი იანვრიდან. |
|
დოკუმენტის კომენტარები