„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე

„4. ამ მუხლის მე-2 პუნქტის მიზნებისათვის თამბაქოს ნაწარმის მწარმოებლად არ განიხილება პირი, რომელიც ამ მუხლით დადგენილი წესით შეძენილ საქონელთან მიმართებით ახორციელებს მხოლოდ პირველად დამუშავებას, დაჭრას, პირველად საფუთავებში დაფასოებას.“.

„8¹. თამბაქოს ნაწარმის მწარმოებელ პირთა ელექტრონული რეესტრიდან პირის ამოღების საფუძველია:

ა) თამბაქოს ნაწარმის მწარმოებლის განცხადება;

ბ) ამ მუხლის მე-4 პუნქტით გათვალისწინებული შემთხვევა.“.

„9. თამბაქოს ნაწარმის წარმოებად არ განიხილება:

ა) იმპორტირებულ საქონელთან მიმართებით იმპორტიორის მიერ ამ მუხლის პირველი პუნქტით გათვალისწინებული საქონლის მხოლოდ პირველადი დამუშავება, დაჭრა, პირველად საფუთავებში დაფასოება;

ბ) საგარეო-ეკონომიკური საქმიანობის ეროვნული სასაქონლო ნომენკლატურის 2401 კოდში მითითებული ადგილობრივად მოყვანილ საქონელთან მიმართებით, ამ მუხლით გათვალისწინებული მწარმოებლისთვის მიწოდების მიზნით აღნიშნული საქონლის საქართველოში მოყვანა, პირველადი დამუშავება, დაჭრა.“.