დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ვანის მუნიციპალიტეტის ტერიტორიაზე ადგილობრივი მოსაკრებლის შემოღების, გადახდის ინსტრუქციის, დაგვა-დასუფთავების და ნარჩენების განკარგვის წესის დამტკიცების შესახებ“ ვანის მუნიციპალიტეტის საკრებულოს 2015 წლის 10 ნოემბრის №49 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 25 |
| დოკუმენტის მიმღები | ვანის მუნიციპალიტეტი |
| მიღების თარიღი | 04/12/2019 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 09/12/2019 |
| სარეგისტრაციო კოდი | 210020010.35.121.016380 |
|
„ვანის მუნიციპალიტეტის ტერიტორიაზე ადგილობრივი მოსაკრებლის შემოღების, გადახდის ინსტრუქციის, დაგვა-დასუფთავების და ნარჩენების განკარგვის წესის დამტკიცების შესახებ“ ვანის მუნიციპალიტეტის საკრებულოს 2015 წლის 10 ნოემბრის №49 დადგენილებაში ცვლილების შეტანის თაობაზე
|
საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 პუნქტის, „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „ადგილობრივი მოსაკრებლის შესახებ“ საქართველოს კანონის მე-6 მუხლის შესაბამისად, ვანის მუნიციპალიტეტის საკრებულო ადგენს: |
| მუხლი 1 |
შეტანილ იქნეს ცვლილება „ვანის მუნიციპალიტეტის ტერიტორიაზე ადგილობრივი მოსაკრებლის შემოღების, გადახდის ინსტრუქციის, დაგვა-დასუფთავების და ნარჩენების განკარგვის წესის დამტკიცების შესახებ“ ვანის მუნიციპალიტეტის საკრებულოს 2015 წლის 10 ნოემბრის N49 დადგენილების (www.matsne.gov.ge, 17.11.2015 წელი, სახელმწიფო სარეგისტრაციო კოდი: 210020010.35.121.016193) მე-2 მუხლში და იგი ჩამოყალიბდეს შემდეგი რედაქციით:
„ მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვისათვის მოსაკრებლის განაკვეთის ოდენობა ფიზიკური და იურიდიული პირებისათვის მუნიციპალიტეტის მთელ ტერიტორიაზე განისაზღვროს ახალი ასაშენებელი ობიექტის პროექტით გათვალისწინებული განაშენიანების ინტენსივობის კოეფიციენტის (კ-2) საანგარიშო ფართობის მიხედვით: ა) ქალაქის ტერიტორიაზე: ა.ა) ინდივიდუალური საცხოვრებელი სახლის მშენებლობაზე 1 კვ. მეტრზე 0,5 ლარი; ა.ბ) სასოფლო-სამეურნეო დანიშნულების ობიექტებზე 1000 კვ. მეტრამდე 2 (ორი) ლარი ყოველ 1 კვ. მეტრზე, ხოლო 1000 კვ. მეტრს ზემოთ 1 (ერთი) ლარი ყოველ 1 კვ. მეტრზე; ა.გ) სხვა შენობა-ნაგებობებზე, მათ შორის კომერციულ და სამრეწველო საქმიანობის შენობა-ნაგებობებზე 1 კვ. მეტრზე 2 (ორი) ლარიж ბ) სოფლების ტერიტორიაზე: ბ.ა) ინდივიდუალური საცხოვრებელი სახლის მშენებლობაზე 1 კვ. მეტრზე 0,2 ლარი; ბ.ბ) სასოფლო-სამეურნეო დანიშნულების ობიექტებზე 1000 კვ. მეტრამდე 2 (ორი) ლარი ყოველ 1 კვ. მეტრზე, ხოლო 1000 კვ. მეტრს ზემოთ 1 (ერთი) ლარი ყოველ 1 კვ. მეტრზე; ბ.გ) სხვა შენობა-ნაგებობებზე, მათ შორის კომერციულ და სამრეწველო საქმიანობის შენობა-ნაგებობებზე 1 კვ. მეტრზე 1 (ერთი) ლარი; გ) ხაზობრივი ნაგებობის მშენებლობის შემთხვევაში, ახალ ასაშენებელი ობიექტის პროექტის გათვალისწინებული თითოეული გრძივი მეტრისათვის 1 (ერთი) ლარი. დ) ისეთი შენობა-ნაგებობის (გარდა ხაზობრივი ნაგებობისა) მშენებლობის შემთხვევაში, რომელსაც არ აქვს განაშენიანების ინტენსივობის (კ-2) საანგარიშო ფართობი, მოსაკრებლის ოდენობა განისაზღვროს მე-2 კლასის ობიექტებისათვის 50 (ორმოცდაათი) ლარის ოდენობით, მე-3 კლასის ობიექტებისათვის - 200 (ორასი) ლარის ოდენობით, ხოლო მე-4 კლასი ობიექტებისათვის - 400 (ოთხასი) ლარის ოდენობით. “ |
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები