ასპინძის მუნიციპალიტეტის სოფელი მირაშხანის ქალაქთმშენებლობითი დოკუმენტაციის განაშენიანების გეგმის დამტკიცების თაობაზე

„ადგილობრივი თვითმმართველობის კოდექსი“ საქართველოს ორგანული კანონის მე-16 მუხლის მე-2 პუნქტის „ე“ ქვეპუნქტისა და 61-ე მუხლის პირველი პუნქტის, ,,საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ საქართველოს კანონის 35-ე მუხლისა და 141-ე მუხლის მე-11 ნაწილის, „ნორმატიული აქტების შესახებ“ საქართველოს ორგანული კანონის მე-20 მუხლის და 25-ე მუხლის პირველი პუნქტის „ბ“ ქვეპუნქტის საფუძველზე, ასევე „სივრცის დაგეგმარებისა და ქალაქთმშენებლობითი გეგმების შემუშავების წესის შესახებ“ საქართველოს მთავრობის 2019 წლის 3 ივნისის №260 და „ტერიტორიების გამოყენების და განაშენიანების რეგულირების ძირითადი დებულებების შესახებ“ საქართველოს მთავრობის 2019 წლის 3 ივნისის №261 დადგენილებების შესაბამისად,   ასპინძის მუნიციპალიტეტის საკრებულო ადგენს:

ასპინძის მუნიციპალიტეტის საკრებულოს 2015 წლის 29 დეკემბრის N67 12 განკარგულებით  დამტკიცებული მიწათსარგებლობის გენერალური გეგმის „საქართველოს სივრცის დაგეგმარების, არქიტექტურული და სამშენებლო საქმიანობის კოდექსი“ საქართველოს კანონის  მოთხოვნებთან შესაბამისობაში მოყვანის მიზნით დამტკიცდეს სოფელი მირაშხანის  განაშენიანების გეგმა (ტექსტური ნაწილი-დანართი №1, გრაფიკული ნაწილი - დანართი №2).

ძალადაკარგულად გამოცხადდეს ასპინძის მუნიციპალიტეტის საკრებულოს 2015 წლის 29 დეკემბრის №6712 განკარგულება ,,სოფ. მირაშხანის მიწათსარგებლობის  გენერალური გეგმისა და კონკრეტული უფლებრივი ზონირების რუკის დამტკიცების შესახებ“ და ,,სოფ. მირაშხანის ტერიტორიების გამოყენებისა და განაშენიანების რეგულირების წესების დამტკიცების შესახებ“ ასპინძის  მუნიციპალიტეტის საკრებულოს 2015 წლის  29 დეკემბრის  №55 დადგენილება (www.matsne.gov.ge, 08/01/2016, ს/კოდი: 010250050.35.140.016203).

დადგენილება ამოქმედდეს გამოქვეყნებისთანავე.