„აჭარის ავტონომიური რესპუბლიკის სოფლის მეურნეობის სამინისტროს შტატით განსაზღვრული თანამდებობებისათვის საკვალიფიკაციო მოთხოვნებისა და საკონკურსო თემატიკის დამტკიცების შესახებ“ აჭარის ავტონომიური რესპუბლიკის სოფლის მეურნეობის მინისტრის 2019 წლის 18 აპრილის №2 ბრძანებაში ცვლილების შეტანის თაობაზე

ა) მე-3 მუხლის პირველი პუნქტის „ა“ და „ბ“ ქვეპუნქტი ჩამოყალიბდეს შემდეგი რედაქციით:

„ა) უმაღლესი განათლება, სოციალური და ქცევითი მეცნიერებების მიმართულებით  ეკონომიკის სპეციალობით ან ბიზნესის და ადმინისტრირების მიმართულებით საბუღალტრო აღრიცხვის ან ფინანსების სპეციალობით;

 ბ) ეკონომიკურ სფეროში, საფინანსო სფეროში ან საბიუჯეტო ორგანიზაციებში სახელმწიფო შესყიდვების სფეროში მუშაობის არანაკლებ 2 წლის გამოცდილება;“.

ბ) მე-20 მუხლის პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება, სოფლის მეურნეობის, მეტყევეობის, მეთევზეობის, ვეტერინარიის მიმართულებით აგრონომიის/მეცხოველეობის/ვეტერინარიის სპეციალობით ან ბიზნესის, ადმინისტრირების და სამართალის მიმართულებით ფინანსების, მენეჯმენტის ან სამართლის სპეციალობით;

ბ) აგრონომიის, მეცხოველეობის, ვეტერინარიის, ფინანსების, მენეჯმენტის, აგრობიზნესის, სამართლის ან პროექტის მართვის სფეროში მუშაობის არანაკლებ 1 წლის გამოცდილება“.“

გ) მე -20 მუხლის მეორე პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) აგრონომია: აგროქიმია-ნიადაგმცოდნეობა; აგროტექნოლოგია აგრობიოტექნოლოგია; მცენარეთა სელექცია-გენეტიკა; მცენარეთა დაცვა; აგროეკოლოგია; მებაღეობა; მებოსტნეობა; მევენახეობა; მეჩაიეობა; მეხილეობა (მათ შორის: სუბტროპიკული კულტურები, კურკოვანი კულტურები/თესლოვანი კულტურები/კაკლოვანი კულტურები); სანერგე და სასათბურე მეურნეობა და მისი მართვა; სასოფლო-სამეურნეო წარმოების საშუალებები.

მეცხოველეობა/ვეტერინარია: მეცხოველეობის დარგები – მესაქონლეობა; მეფუტკრეობა; მეთევზეობა; მეცხოველეობის დაავადებები და მათთან ბრძოლის ღონისძიებები; ზოოტექნიკა; სანაშენე საქმიანობა; ჯიშთგანახლება; ხელოვნური განაყოფიერება; ინკუბაცია; მეცხოველეობის პროდუქტები და ნედლეული; კვება მეცხოველეობაში; მეცხოველეობის პროდუქციის წარმოება;

ბიზნესის ადმინისტრირება (ფინანსები, მენეჯმენტი): კორპორაციული ფინანსები და მართვა; პროექტების ფინანსური მენეჯმენტი; საერთაშორისო ფინანსები; ფინანსური ანალიზი და პროგნოზირება; ინოვაციების მენეჯმენტი; მენეჯერული აღრიცხვა და კონტროლი; აგრორისკების მენეჯმენტი.

სამართალი: კორპორაციული სამართალი; სახელშეკრულებო სამართალი; კონკურენციის სამართალი; საგადასახადო სამართალი; ადმინისტრაციული სამართალი.’’.

დ) 22-ე მუხლის  პირველი პუნქტის „ბ“ ქვეპუნქტი  ჩამოყალიბდეს შემდეგი რედაქციით:

„ბ) დონორებთან ურთიერთობის მიმართულებით ან ფინანსების სფეროში მუშაობის არანაკლებ 1 წლის გამოცდილება;

ე) 22-ე მუხლის  პირველი პუნქტის „დ“ ქვეპუნქტი  ჩამოყალიბდეს შემდეგი რედაქციით:

„დ) უცხო ენა: ინგლისური/რუსული - არანაკლებ B1 დონე.“.

ვ) 23-ე მუხლი ამოღებულ იქნეს.

ზ) 29-ე მუხლის პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება, სოციალური და ქცევითი მეცნიერებების მიმართულებით ეკონომიკის სპეციალობით ან ბიზნესის და ადმინისტრირების მიმართულებით ფინანსების ან მენეჯმენტის  სპეციალობით;“;

ბ) ეკონომიკის, ფინანსების ან აგრობიზნესის სფეროში მუშაობის არანაკლებ 1 წლის გამოცდილება;“.

თ) 29-ე მუხლის მეორე პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ეკონომიკა: ეკონომიკური პოლიტიკა; მაკროეკონომიკა; მიკროეკონომიკა; საერთაშორისო ეკონომიკა;

ბიზნესის ადმინისტრირება (ფინანსები, მენეჯმენტი): კორპორაციული ფინანსები და მართვა; პროექტების ფინანსური მენეჯმენტი; საერთაშორისო ფინანსები; ფინანსური ანალიზი და პროგნოზირება; ინოვაციების მენეჯმენტი; მენეჯერული აღრიცხვა და კონტროლი; აგრორისკების მენეჯმენტი.

ი) 38-ე მუხლის პირველი პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) უმაღლესი განათლება, სოციალური და ქცევითი მეცნიერებების მიმართულებით  ეკონომიკის სპეციალობით ან ბიზნესის და ადმინისტრირების მიმართულებით საბუღალტრო აღრიცხვის ან ფინანსების სპეციალობით;

ბ) საბუღალტრო აღრიცხვა-ანგარიშგების მიმართულებით მუშაობის არანაკლებ 1 წლის გამოცდილება;“.