„მეზღვაურთა სერტიფიკატების ფორმების, მათი გაცემისა და გამოყენების წესის“ დამტკიცების შესახებ საქართველოს ეკონომიკისა და მდგრადი განვითარების სამინისტროს სსიპ საზღვაო ტრანსპორტის სააგენტოს დირექტორის 2012 წლის 23 იანვრის N002 ბრძანებაში ცვლილების შეტანის თაობაზე

ა) წესის 1¹ მუხლის პირველი პუნქტის „გ“ ქვეპუნქტი ამოღებულ იქნეს;

ბ) წესის 1¹ მუხლის პირველი პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) „გემის პერსონალის წევრის“ საწვრთნელი კურსები – „მეზღვაურის წიგნაკის ფორმის, მისი დამზადების, გაცემისა და გამოყენების წესის“ დამტკიცების შესახებ“ საზღვაო ტრანსპორტის სააგენტოს დირექტორის 2012 წლის 16 იანვრის №001 ბრძანების მე-5 მუხლის პირველი პუნქტის „ვ.ვ – ვ.ი“ ქვეპუნქტების შესაბამისი საწვრთნელი კურსების ერთობლიობა;“

გ) წესის მე-4 მუხლის მე-2 პუნქტს დაემატოს შემდეგი შინაარსის „ძ“, „წ“, „ჭ“ და „ხ“ ქვეპუნქტები:

„ძ) აირზე ან დაბალი ფეთქებადობის საწვავზე მომუშავე გემის საბაზისო წვრთნა (STCW რეგ. V/3);

წ) აირზე ან დაბალი ფეთქებადობის საწვავზე მომუშავე გემის სპეციალიზებული წვრთნა (STCW რეგ. V/3);

ჭ) პოლარულ წყლებში მცურავი გემის ექსპლუატაციის საბაზისო წვრთნა (STCW რეგ. V/4);

ხ) პოლარულ წყლებში მცურავი გემის ექსპლუატაციის სპეციალიზებული წვრთნა (STCW რეგ. V/4).“

დ) წესის მე-6 მუხლის მე-3 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ნავთობმზიდი ტანკერის სატვირთო და საბალასტო ოპერაციების მართვა;“;

ე) წესის მე-6 მუხლის მე-3 პუნქტს დაემატოს შემდეგი შინაარსის „ე¹“ ქვეპუნქტი:

„ე¹) ქიმმზიდი ტანკერის სატვირთო და საბალასტო ოპერაციების მართვა.“;

ვ) წესის 6¹ მუხლის პირველი პუნქტის „ა.დ“ ქვეპუნქტი ჩამოყალიბდეს შემდეგი რედაქციით:

„ა.დ) შეესაბამება STCW კონვენციის VI/1, VI/3, VI/4-1 და VI/6  რეგულაციით დადგენილ კვალიფიკაციის სტანდარტებს;”;

ზ) წესის 6¹ მუხლის პირველი პუნქტის „ბ.დ“ ქვეპუნქტი ჩამოყალიბდეს შემდეგი რედაქციით:

„ბ.დ)  შეესაბამება STCW კონვენციის VI/1, VI/3, VI/4-1 და VI/6  რეგულაციით დადგენილ კვალიფიკაციის სტანდარტებს;“;

თ) წესის 6¹ მუხლის პირველი პუნქტის „გ.ბ“ და „გ.გ“ ქვეპუნქტები ჩამოყალიბდეს შემდეგი რედაქციით:

„გ.ბ)  პროფესიული საზღვაო განათლება და სამანქანე განყოფილებაში მუშაობის არანაკლებ 36 (ოცდათექვსმეტი) თვის დამტკიცებული ნაოსნობის სტაჟი, რიგითად სამანქანე განყოფილებაში;

გ.გ) შეესაბამება STCW კონვენციის VI/1, VI/3, VI/4-1 და VI/6  რეგულაციით დადგენილ კვალიფიკაციის სტანდარტებს;“;

ი) წესის 6¹ მუხლის პირველი პუნქტის „ვ“ ქვეპუნქტი ჩამოყალიბდეს შემდეგი რედაქციით:

„ვ) ხარატის სერტიფიკატის მისაღებად;

ვ.ა) გავლილი აქვს მექანიკის ინჟინერიის ტექნიკოსის ან ლითონდამმუშავებლის ან მასთან გათანაბრებული პროფესიული საგანმანათლებლო  პროგრამა ან ფლობს სააგენტოს მიერ გაცემულ ხარატის/მეჩარხის კვალიფიკაციის დამადასტურებელ სხვა სერტიფიკატს;

ვ.ბ) აქვს არანაკლებ 6 (ექვსი) თვის ნაოსნობის სტაჟი ბოლო 5 (ხუთი) წლის განმავლობაში, ან გააჩნია სააგენტოს მიერ დამტკიცებული „გემის პერსონალის წევრის“ საწვრთნელი კურსების გავლის დამადასტურებელი დოკუმენტური დასაბუთება.“;

კ) წესის 6¹ მუხლის პირველი პუნქტის „ზ“ და „თ“ ქვეპუნქტები ამოღებულ იქნეს.