„გადახდის ოპერაციის შესრულების წესის დამტკიცების შესახებ “ საქართველოს ეროვნული ბანკის პრეზიდენტის 2015 წლის 22 იანვრის №8/04 ბრძანებაში ცვლილებების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„გადახდის ოპერაციის შესრულების წესის დამტკიცების შესახებ “ საქართველოს ეროვნული ბანკის პრეზიდენტის 2015 წლის 22 იანვრის №8/04 ბრძანებაში ცვლილებების შეტანის თაობაზე
დოკუმენტის ნომერი	213/04
დოკუმენტის მიმღები	საქართველოს ეროვნული ბანკის პრეზიდენტი
მიღების თარიღი	05/11/2019
დოკუმენტის ტიპი	საქართველოს ეროვნული ბანკის პრეზიდენტის ბრძანება
გამოქვეყნების წყარო, თარიღი	ვებგვერდი, 06/11/2019
ძალაში შესვლის თარიღი	02/03/2020
სარეგისტრაციო კოდი	220090000.18.011.016417

PDF გადმოწერა

„გადახდის ოპერაციის შესრულების წესის დამტკიცების შესახებ “ საქართველოს ეროვნული ბანკის პრეზიდენტის 2015 წლის 22 იანვრის №8/04 ბრძანებაში ცვლილების შეტანის თაობაზე

„საქართველოს ეროვნული ბანკის შესახებ“ საქართველოს ორგანული კანონის მე-15 მუხლის პირველი პუნქტის „ზ“ ქვეპუნქტისა და „ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის საფუძველზე, ვ ბ რ ძ ა ნ ე ბ:

მუხლი 1

„გადახდის ოპერაციის შესრულების წესის დამტკიცების შესახებ“ საქართველოს ეროვნული ბანკის პრეზიდენტის 2015 წლის 22 იანვრის №8/04 ბრძანებით დამტკიცებულ წესში (www.matsne.gov.ge; 22/01/2015; ს/კ: 220090000.18.011.016152) შეტანილ იქნეს შემდეგი ცვლილება:

1. ამოღებულ იქნეს მე-6 მუხლის მე-4 და მე-7- მე-9 პუნქტები.

2. მე-14 მუხლის პირველი პუნქტის შემდეგ დაემატოს შემდეგი შინაარსის 1¹ პუნქტი:

„1¹. თუ სახსრების ჩარიცხვა ხორციელდება საზღვარგარეთიდან, მიმღების ბანკი ვალდებულია ჩარიცხვა განახორციელოს საქართველოს ეროვნული ბანკის პრეზიდენტის 2018 წლის 30 ნოემბრის №253/04 ბრძანებით დამტკიცებული „გადარიცხვის თანმხლები ინფორმაციის შესახებ დებულების“ შესაბამისად.“.

3. ამოღებულ იქნეს მე-14 მუხლის მე-2 და მე-3 პუნქტები.

მუხლი 2

ეს ბრძანება ამოქმედდეს 2020 წლის 2 მარტიდან.

ეროვნული ბანკის პრეზიდენტი კობა გვენეტაძე