საჯარო სამართლის იურიდიული პირის – ტექნოლოგიური ინსტიტუტის რეორგანიზაციის შესახებ

1. საჯარო სამართლის იურიდიული პირის – ტექნოლოგიური ინსტიტუტის სტრუქტურული და ფუნქციური ოპტიმიზაციისა და მასზე დაკისრებული ფუნქციების ეფექტიანი და დროული განხორციელების, ასევე უმაღლესი საგანმანათლებლო პროგრამების ეფექტიანად განხორციელებისა და მართვის პროცესის გაუმჯობესების მიზნით, ამ დადგენილების ამოქმედებიდან 45 დღის ვადაში განხორციელდეს საჯარო სამართლის იურიდიული პირის – ტექნოლოგიური ინსტიტუტის რეორგანიზაცია, რომელსაც შეიძლება, თან ახლდეს სტრუქტურული ან/და ორგანიზაციული ცვლილებები, რომლებიც აუცილებელს ხდის სამუშაო ძალის შემცირებას ან/და გადაადგილებას.

2. დაევალოს საჯარო სამართლის იურიდიულ პირს – ტექნოლოგიურ ინსტიტუტს რეორგანიზაციასთან დაკავშირებული პროცედურების განხორციელება.