„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე
დოკუმენტის ნომერი	289
დოკუმენტის მიმღები	საქართველოს ფინანსთა მინისტრი
მიღების თარიღი	25/09/2019
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	ვებგვერდი, 26/09/2019
სარეგისტრაციო კოდი	200090000.22.033.017241

PDF გადმოწერა

„გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1. „გადასახადების ადმინისტრირების შესახებ“ საქართველოს ფინანსთა მინისტრის 2010 წლის 31 დეკემბრის №996 ბრძანებით (სსმ, ვებგვერდი, 060111, 03/01/2011, 200090000.22.033.016112) დამტკიცებულ ინსტრუქციაში შეტანილ იქნეს შემდეგი ცვლილება:

1. დანართი №II-06-ის („გადახდის წყაროსთან დაკავებული გადასახადის დეკლარაცია“):

ა) ნაწილი III ჩამოყალიბდეს თანდართული რედაქციით;

ბ) „დეკლარაციის დანართი „გ“-ის შემდეგ დაემატოს „დეკლარაციის დანართი „დ“ თანდართული რედაქციით.

2. 38-ე მუხლის:

ა) მე-6 პუნქტის „ჭ“ ქვეპუნქტი ჩამოყალიბდეს შემდეგი რედაქციით:

„ჭ) 57-ე უჯრაში – სულ საანგარიშო პერიოდში ბიუჯეტში გადასახდელი წყაროსთან დაკავებული გადასახადების ჯამი (39-ე და 56-ე უჯრებში და „დეკლარაციის დანართი „დ“- ს მე-6 სვეტში ასახული თანხების ჯამი);“;

ბ) მე-9 პუნქტის შემდეგ დაემატოს შემდეგი შინაარსის მე-10-მე-12 პუნქტები:

„10. დეკლარაციის დანართ „დ“-ს ავსებს საგადასახადო აგენტი (დამქირავებელი), რომლის საკუთრებაში ან ფაქტობრივ მფლობელობაში (მათ შორის, ლიზინგით, იჯარით და ა.შ.) არსებული ავტომობილი (გარდა ელექტროძრავიანი ავტომობილისა) შესაბამის საანგარიშო პერიოდში დაქირავებულის მიერ გამოიყენება პირადი სარგებლობისათვის.

11. ამ მუხლის მე-10 პუნქტის მიზნებისთვის:

ა) ავტომობილის პირადი სარგებლობისათვის გამოყენებად ითვლება, თუ შრომითი ხელშეკრულებით, წესდებით ან სხვა დოკუმენტით დაქირავებული უფლებამოსილია ავტომობილი გამოიყენოს პირადი (არასამსახურებრივი) მიზნებისათვის;

ბ) ავტომობილი არის საგარეო-ეკონომიკური საქმიანობის ეროვნული სასაქონლო ნომენკლატურის 8703 კოდში აღნიშნული მსუბუქი ავტომობილი.

12. დეკლარაციის დანართ „დ“-ში აისახება იმ ავტომობილის შესახებ ინფორმაცია, რომლის პირადი სარგებლობისათვის გამოყენებით მიღებული სარგებელიც ექვემდებარება დაბეგვრას საშემოსავლო გადასახადით.“.

3. 39³მუხლის შემდეგ დაემატოს შემდეგი შინაარსის 39⁴მუხლი:

„მუხლი 39⁴. დაქირავებულის მიერ პირადი სარგებლობისათვის გამოყენებული დამქირავებლის ავტომობილის აღრიცხვისა და საგადასახადო ორგანოსათვის ასეთი ავტომობილის შესახებ ინფორმაციის მიწოდების წესი

1. დაქირავებულის მიერ ამ ინსტრუქციის შესაბამისად პირადი სარგებლობისათვის გამოყენებული დამქირავებლის ავტომობილის (ამ მუხლის მიზნებისათვის, შემდგომში – ავტომობილი) შესახებ ინფორმაციას დამქირავებელი, არაუგვიანეს საანგარიშო თვის მომდევნო თვის 15 რიცხვისა, წარუდგენს საგადასახადო ორგანოს ამ ინსტრუქციის დანართი №II-06-ის ფორმით.

2. თუ დაქირავებული ავტომობილს იყენებს პირადი სარგებლობისათვის, საშემოსავლო გადასახადი გადაიხდება სრულად, შესაბამის საანგარიშო პერიოდში პირადი სარგებლობისათვის გამოყენების დღეთა რაოდენობის მიუხედავად.

3. თუ ორ ან მეტ ავტომობილს საანგარიშო პერიოდის განმავლობაში:

ა) ერთდროულად იყენებს პირადი სარგებლობისათვის დაქირავებული, საშემოსავლო გადასახადი გადაიხდება ცალ-ცალკე – თითოეული ავტომობილის მიხედვით;

ბ) დროის სხვადასხვა მონაკვეთში იყენებს პირადი სარგებლობისათვის დაქირავებული, საშემოსავლო გადასახადი გადაიხდება იმ ავტომობილის მიხედვით, რომელსაც დაქირავებული საანგარიშო პერიოდის განმავლობაში უფრო მეტი დღის განმავლობაში იყენებს, ხოლო საანგარიშო პერიოდში პირადი სარგებლობისათვის გამოყენების დღეთა თანაბარი რაოდენობის შემთხვევაში - იმ ავტომობილის მიხედვით, რომლის ძრავის მოცულობაც უმაღლესია.

4. თუ ერთსა და იმავე ავტომობილს საანგარიშო პერიოდის განმავლობაში:

ა) ერთდროულად იყენებს პირადი სარგებლობისათვის 2 ან მეტი დაქირავებული, საშემოსავლო გადასახადი გადაიხდება ცალ-ცალკე – თითოეულ დაქირავებულ პირთან მიმართებაში;

ბ) დროის სხვადასხვა მონაკვეთში იყენებს პირადი სარგებლობისათვის 2 ან მეტი დაქირავებული, საშემოსავლო გადასახადი გადაიხდება ცალ-ცალკე – თითოეულ დაქირავებულ პირთან მიმართებაში.

მაგალითი 1.

შპს X-სა და გიორგის შორის გაფორმებული შრომითი ხელშეკრულების მიხედვით, გიორგი უფლებამოსილია, შპს X-ის კუთვნილი ავტომობილი, რომლის ძრავის მოცულობა შეადგენდა 1800 სმ³-ს, სამსახურებრივი საჭიროების გარდა, გამოიყენოს ასევე პირადი სარგებლობისათვის.

მოცემულ შემთხვევაში, ვინაიდან მხარეთა შორის გაფორმებული ხელშეკრულების მიხედვით, გიორგი უფლებამოსილია, შპს X-ის კუთვნილი ავტომობილი, სამსახურებრივი საჭიროების გარდა, გამოიყენოს ასევე პირადი სარგებლობისათვის, ითვლება, რომ გიორგი იყენებს ავტომობილს პირადი სარგებლობისათვის.

შესაბამისად, შპს X-ის მიერ გიორგის შესაბამის საანგარიშო პერიოდში დაუკავდება საშემოსავლო გადასახადი 100 ლარის ოდენობით.

მუხლი 2. ეს ბრძანება ამოქმედდეს გამოქვეყნებისთანავე და მისი მოქმედება გავრცელდეს 2019 წლის 1 სექტემბრიდან წარმოშობილ სამართლებრივ ურთიერთობებზე.

საქართველოს ფინანსთა მინისტრი ივანე მაჭავარიანი

ნაწილი III

განაცემის დასახელება			(თანხა)
დაქირავებით მომუშავე ფიზიკურ პირებზე ხელფასის/სარგებლის (ფულადი, ნატურალური) სახით გაცემული ანაზღაურება. მათ შორის:		16
ექვემდებარება გადახდის წყაროსთან დაბეგვრას (შეღავათების გამოკლებით)		17
რეზიდენტი ფიზიკური პირებისთვის გადახდილი როიალტი		18
ფიზიკურ პირებზე გადახდის წყაროსთან დაბეგვრას დაქვემდებარებული განაცემები (გარდა პროცენტებისა):	რომელიც იბეგრება 20%-ით	19
	რომელიც იბეგრება 5%-ით	20
ფიზიკური პირის მიერ საქონლის მიწოდებით მიღებული შემოსავალი, რომელიც საქონლის შემძენი პირის მიერ სსკ-ის 1333 მუხლის შესაბამისად იბეგრება გადახდის წყაროსთან 3-პროცენტიანი განაკვეთით		20¹
არადაქირავებულ ფიზიკურ პირებზე გაცემული თანხები, რომელიც არ უკავშირდება მომსახურების ანაზღაურებას და ამასთან, ექვემდებარება გადახდის წყაროსთან გადასახადის დაკავებას (გარდა დივიდენდებისა და ანაბრებზე გაცემული პროცენტებისა)		21
ფიზიკურ პირებზე გაცემული დივიდენდები, მათ შორის:		22
ექვემდებარება გადახდის წყაროსთან დაბეგვრას (შეღავათების გამოკლებით)		23
ფიზიკურ პირებზე გაცემული პროცენტები, მათ შორის:		24
ექვემდებარება გადახდის წყაროსთან დაბეგვრას (შეღავათების გამოკლებით)		25
ტურისტული საწარმოს მიერ სასტუმროს აქტივების/მათი ნაწილის მესაკუთრე ფიზიკურ პირზე შესაბამისი ხელშეკრულების საფუძველზე გაცემული ანაზღაურება		26
მუდმივი დაწესებულების არმქონე არარეზიდენტ ფიზიკურ პირებზე გაწეული მომსახურებისათვის გაცემული ანაზღაურება (გარდა პროცენტებისა და დივიდენდებისა), მათ შორის:		27

საქართველოს საგადასახადო კოდექსის 134-ე მუხლის:	პირველ ი ნაწილის:	„ბ¹" ქვეპუნქტით (განაკვეთი 5 %)	28
		„გ" ქვეპუნქტით (განაკვეთი 10 %)	29
		„დ" ქვეპუნქტით (განაკვეთი 4%)	30
		„ე" ქვეპუნქტით (განაკვეთი 10%)	31
	1¹ ნაწილით (განაკვეთი 15%)		32
მუდმივი დაწესებულების არმქონე არარეზიდენტ ფიზიკურ პირებზე გაწეული მომსახურებისათვის გაცემული ანაზღაურება (შეღავათების გამოკლებით), რომელიც ექვემდებარება გადახდის წყაროსთან დაბეგვრას (გარდა პროცენტებისა და დივიდენდისა), მათ შორის:			33
საქართველოს საგადასახადო კოდექსის 134- ე მუხლის:	პირველ ი ნაწილის:	„ბ¹" ქვეპუნქტით (განაკვეთი 5%)	34
		„გ" ქვეპუნქტით (განაკვეთი 10 %)	35
		„დ" ქვეპუნქტით (განაკვეთი 4 %)	36
		„ე" ქვეპუნქტით (განაკვეთი 10 %)	37
	1¹ ნაწილით (განაკვეთი 15%)		38

ბიუჯეტში გადასახდელი წყაროსთან დაკავებული საშემოსავლო გადასახადი (მე-17-მე-20, 20¹, 21-ე, 23-ე, 25-ე, 26-ე, 34-ე-38-ე უჯრებში ასახული თანხების შესაბამის საგადასახადო განაკვეთებზე ნამრავლის ჯამი)			39
ორგანიზაციებზე და საქართველოში მუდმივი დაწესებულების არმქონე არარეზიდენტ საწარმოებზე გადახდის წყაროსთან დაბეგვრას დაქვემდებარებული განაცემები, მათ შორის:			40
ა) საქართველოს საგადასახადო კოდექსის 134- ე მუხლის:	პირველ ი ნაწილის:	„ბ¹" ქვეპუნქტით (განაკვეთი 5%)	41
		„გ" ქვეპუნქტით (განაკვეთი 10%)	42
		„დ" ქვეპუნქტით (განაკვეთი 4%)	43
		„ე" ქვეპუნქტით (განაკვეთი 10%)	44
	1¹ ნაწილით (განაკვეთი 15%)		45
ბ) დივიდენდები (განაკვეთი 5%)			46
გ) პროცენტები (განაკვეთი 5%)			47
ორგანიზაციებზე და საქართველოში მუდმივი დაწესებულების არმქონე არარეზიდენტ საწარმოებზე გადახდის წყაროსთან დაბეგვრას დაქვემდებარებული განაცემები (შეღავათების გამოკლებით), მათ შორის:			48
ა) საქართველოს საგადასახადო კოდექსის 134- ე მუხლის:	პირველ ი ნაწილის:	„ბ¹" ქვეპუნქტით (განაკვეთი 5%)	49

		„გ" ქვეპუნქტით (განაკვეთი 10%)	50
		„დ" ქვეპუნქტით (განაკვეთი 4%)	51
		„ე" ქვეპუნქტით (განაკვეთი 10%)	52
	1¹ ნაწილით (განაკვეთი 15%)		53
ბ) დივიდენდები (განაკვეთი 5%)			54
გ) პროცენტები (განაკვეთი 5%)			55
გადახდის წყაროსთან ორგანიზაციებისათვის და საქართველოში მუდმივი დაწესებულების არმქონე არარეზიდენტი საწარმოებისათვის დაკავებული ბიუჯეტში გადასახდელი გადასახადი (49-ე-55-ე უჯრებში ასახული თანხების შესაბამის საგადასახადო განაკვეთებზე ნამრავლის ჯამი)			56
სულ ბიუჯეტში გადასახდელ წყაროსთან დაკავებული გადასახადების ჯამი (39-ე და 56-ე უჯრებში და დეკლარაციის დანართი „დ“-ს მე-6 სვეტში ასახული თანხების ჯამი) მათ შორის:			57
აჭარის ა.რ. რესპუბლიკური ბიუჯეტის კუთვნილი საშემოსავლო გადასახადი			57¹
აფხაზეთის ა.რ. რესპუბლიკური ბიუჯეტის კუთვნილი საშემოსავლო გადასახადი			57²
ინფორმაციისათვის

მიწოდებული საქონლის/გაწეული მომსახურების ღირებულება	58
სამეურნეო ოპერაციის განხორციელებასთან დაკავშირებული ხარჯი	59
საგადასახადო ორგანოს მიერ ინვენტარიზაციის შედეგად გამოვლენილი სასაქონლო-მატერიალური ფასეულობების დანაკლისის ოდენობა	60
ფიზიკურ პირთა რიცხოვნობა, რომლებზეც გაცემულია მე-16 უჯრაში ასახული თანხა	61
არადაქირავებულ ფიზიკურ პირებზე გაცემული თანხები, რომელიც არ უკავშირდება მომსახურების ანაზღაურებას და არ ექვემდებარება გადახდის წყაროსთან დაბეგვრას	62
ნაღდი ანგარიშსწორებით განხორციელებული ბრუნვა. მათ შორის:	63
საკონტროლო-სალარო აპარატების საშუალებით	64
მაქსიმალური ხელფასი	65
მინიმალური ხელფასი	66
ნაღდი ფულის ნაშთი თვის ბოლოსათვის	67
საქვეანგარიშოდ გაცემული თანხა	68
პირთა რაოდენობა, რომელზეც გაცემულია 68-ე უჯრაში ასახული თანხა	69

დეკლარაციის დანართი „დ“

ინფორმაცია

დაქირავებულის მიერ დამქირავებლის ავტომობილის პირადი სარგებლობისათვის გამოყენების შესახებ

№	ავტომობილის მონაცემები		დაქირავებული პირის მონაცემები		გადასახადის ოდენობა (ლარი)
№	რეგისტრაციის ნომერი (სახელმწიფო სანომრე ნიშანი)	ძრავის მოცულობა	გვარი, სახელი	პირადი ნომერი	გადასახადის ოდენობა (ლარი)
1	2	3	4	5	6

სულ