დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „სამოქალაქო ცეცხლსასროლი იარაღის და გაზის (აირის) იარაღის ბრუნვის წესების ცოდნაში გამოცდის საგამოცდო ბილეთების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №728 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 79 |
| დოკუმენტის მიმღები | საქართველოს შინაგან საქმეთა მინისტრი |
| მიღების თარიღი | 04/09/2019 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 05/09/2019 |
| სარეგისტრაციო კოდი | 140130000.22.034.016904 |
|
„სამოქალაქო ცეცხლსასროლი იარაღის და გაზის (აირის) იარაღის ბრუნვის წესების ცოდნაში გამოცდის საგამოცდო ბილეთების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №728 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტისა და „საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“ და „ნ“ ქვეპუნქტების საფუძველზე, ვბრძანებ: |
| მუხლი 1 |
„სამოქალაქო ცეცხლსასროლი იარაღის და გაზის (აირის) იარაღის ბრუნვის წესების ცოდნაში გამოცდის საგამოცდო ბილეთების დამტკიცების შესახებ“ საქართველოს შინაგან საქმეთა მინისტრის 2015 წლის 30 სექტემბრის №728 ბრძანებით (www.matsne.gov.ge, 01.10.2015, სარეგისტრაციო კოდი: 140130000.22.034.016465) დამტკიცებულ დანართ №2-ში შეტანილ იქნეს შემდეგი სახის ცვლილება:
1. 112-ე საგამოცდო ბილეთი ჩამოყალიბდეს შემდეგი რედაქციით: „112. ნადირობისათვის დაშვებულ გადამფრენ ფრინველებზე ნადირობა შესაძლებელია გადამფრენი ფრინველების ამოღებაზე დაწესებული მოსაკრებლის გადახდის დამადასტურებელი ქვითრის გაცემის წლის: ა) აგვისტოს მეოთხე შაბათიდან მომდევნო წლის პირველ აპრილამდე; ბ) აგვისტოს მეოთხე შაბათიდან მომდევნო წლის პირველ მარტამდე; გ) აგვისტოს მესამე შაბათიდან მომდევნო წლის პირველ მარტამდე.“; 2. 119-ე საგამოცდო ბილეთი ჩამოყალიბდეს შემდეგი რედაქციით: „119. ტყის ქათამზე ნადირობის დღიური ლიმიტია: ა) 5 ცალი; ბ) 3 ცალი; გ) 7 ცალი; დ) 10 ცალი.“; 3. 121-ე და 122-ე საგამოცდო ბილეთები ჩამოყალიბდეს შემდეგი რედაქციით: „121. ქედანზე ნადირობა ნებადართულია: ა) პირველი აგვისტოდან პირველ იანვრამდე პერიოდში; ბ) 15 აგვისტოდან პირველ იანვრამდე პერიოდში; გ) აგვისტოს მეორე შაბათიდან 15 თებერვლამდე პერიოდში; დ) აგვისტოს მეოთხე შაბათიდან 15 თებერვლამდე პერიოდში. 122. მწყერზე ნადირობა ნებადართულია: ა) პირველი აგვისტოდან პირველ იანვრამდე პერიოდში; ბ) 15 აგვისტოდან პირველ იანვრამდე პერიოდში; გ) აგვისტოს მეორე შაბათიდან 15 თებერვლამდე პერიოდში; დ) აგვისტოს მეოთხე შაბათიდან 15 თებერვლამდე პერიოდში.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები