„ოზურგეთის მუნიციპალიტეტის ტერიტორიაზე რეგისტრირებულ პირთა (ოჯახთა) საცხოვრისით უზრუნველყოფის შესახებ“ ოზურგეთის მუნიციპალიტეტის საკრებულოს 2019 წლის 3 აპრილის N11 დადგენილებაში ცვლილების შეტანის შესახებ

1. 1-ლი მუხლის დაემატოს შემდეგი შინაარსის მე-4 პუნქტი:

„4. ეს წესი არ ვრცელდება:

ა) პირებზე, რომელთა დროებითი საცხოვრისით უზრუნველყოფა, შესაბამისი კანონმდებლობით, სხვაგვარად არის დარეგულირებული;

ბ) პირებზე, რომელთა რეგისტრაცია ოზურგეთის მუნიციპალიტეტში არ ფიქსირდება უკანასკნელი 3 წლის განმავლობაში;

გ) პირზე, თუ მას ან/და მისი ოჯახის პირველი რიგის ნათესავს აქვს საკუთრების უფლება სხვა საცხოვრებელ/არასაცხოვრებელ ფართზე/მიწის ნაკვეთზე.“.

2. დაემატოს შემდეგი შინაარსის 4¹ მუხლი:

„მუხლი 4¹ დროებითი საცხოვრებლით სარგებლობის ვადა და პირობები

1. დროებითი საცხოვრისით სარგებლობის მინიმალური ვადა განისაზღვრება ერთი წლით, ხოლო შემდგომი ვადა დამოკიდებულია მონიტორინგის შედეგებზე, ხელშეკრულებით ნაკისრი ვალდებულებებისა და პირობების შესრულებაზე.

2. დროებითი საცხოვრებელი ფართების არსებული რესურსის შესაბამისად სამუშაო ჯგუფს უფლება აქვს სულადობის მიხედვით მოახდინოს ფართების მონაცვლეობა.“.

3. მე-5 მუხლის 1 პუნქტს დაემატოს შემდეგი შინაარსის „ზ“ და „თ“ ქვეპუნქტები: 

„ზ) ცნობა სსიპ – შემოსავლების სამსახურიდან განმცხადებლის და ოჯახის წევრების შემოსავლების შესახებ;

თ) ცნობა სსიპ – საჯარო რეესტრის ეროვნული სააგენტოდან ბენეფიციარისა და მისი ოჯახის სახელზე ქონების რეგისტრაციის (საკუთრების/სარგებლობის უფლების) შესახებ“.