დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„თავისუფალი ინდუსტრიული ზონის საწარმოს მიერ დაქირავებულისათვის გადახდილი ხელფასის დაბეგვრის წესის დამტკიცების შესახებ“ საქართველოს მთავრობის 2017 წლის 15 ივნისის №291 დადგენილებაში ცვლილების შეტანის თაობაზე | |
---|---|
დოკუმენტის ნომერი | 347 |
დოკუმენტის მიმღები | საქართველოს მთავრობა |
მიღების თარიღი | 29/07/2019 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 31/07/2019 |
სარეგისტრაციო კოდი | 190020000.10.003.021365 |
|
„თავისუფალი ინდუსტრიული ზონის საწარმოს მიერ დაქირავებულისათვის გადახდილი ხელფასის დაბეგვრის წესის დამტკიცების შესახებ“ საქართველოს მთავრობის 2017 წლის 15 ივნისის №291 დადგენილებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „თავისუფალი ინდუსტრიული ზონის საწარმოს მიერ დაქირავებულისათვის გადახდილი ხელფასის დაბეგვრის წესის დამტკიცების შესახებ“ საქართველოს მთავრობის 2017 წლის 15 ივნისის №291 დადგენილებაში (www.matsne.gov.ge, 16/06/2017, 190020000.10.003.020000) შეტანილ იქნეს ცვლილება და დადგენილებით დამტკიცებული „თავისუფალი ინდუსტრიული ზონის საწარმოს მიერ დაქირავებულისათვის გადახდილი ხელფასის დაბეგვრის წესის“ მე-4 მუხლის მე-3 პუნქტის შემდგომ დაემატოს შემდეგი შინაარსის მე-4 პუნქტი:
„4. ამ მუხლის მე-3 პუნქტით გათვალისწინებულ შემთხვევაში, მიუხედავად იმისა, საწარმომ წინასწარ აცნობა თუ არა საგადასახადო ორგანოს საგადასახადო აგენტის ფუნქციების დაკისრების შესახებ, დაქირავებულის მიმართ საქართველოს საგადასახადო კოდექსის XL თავით განსაზღვრული საგადასახადო პასუხისმგებლობის ზომები არ გამოიყენება, თუ საგადასახადო კანონმდებლობის შესაბამისად ფაქტობრივად შესრულებულია გადასახადის გამოანგარიშების, დაკავებისა და ბიუჯეტში გადახდის ვალდებულებები (მათ შორის, ამ დადგენილების ამოქმედებამდე პერიოდში) და ამ ვალდებულებებთან დაკავშირებით საგადასახადო დეკლარაციის წარდგენა განხორციელდა დაგვიანებით, მაგრამ შესაბამისი საკითხის ან/და პერიოდის შემოწმების მიზნით საწარმოსათვის ან დაქირავებულისათვის საგადასახადო შემოწმების ჩატარების შესახებ სასამართლოს ან საგადასახადო ორგანოს შესაბამისი გადაწყვეტილების/შეტყობინების ჩაბარებამდე, ან საგადასახადო სამართალდარღვევის ოქმის შედგენამდე.“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები