„საქართველოს თავდაცვის სამინისტროს თავდაცვის ძალების ეროვნული გვარდიის დებულების დამტკიცების შესახებ“ საქართველოს თავდაცვის მინისტრის 2013 წლის 10 ოქტომბრის №1198 ბრძანებაში ცვლილების შეტანის თაობაზე

1. მე-2 მუხლს დაემატოს ,,ჟ’’ ქვეპუნქტი შემდეგი რედაქციით:  

„ჟ) თავდაცვის ძალებისთვის მოქალაქეთა რეკრუტირება.’’.

2. მე-3 მუხლის მე-4 პუნქტის ,,ვ’’ ქვეპუნქტი ჩამოყალიბდეს შემდეგი რედაქციით: 

,,ვ) თავდაცვის ძალების მეთაურს წარუდგენს წინადადებებს და აწვდის დასამტკიცებლად გეგმებსა და პროგრამებს ეროვნული გვარდიის საქმიანობასთან, აგრეთვე რეზერვისტთა მომზადება, გადამზადებასა და რეკრუტირებასთან დაკავშირებით;“.

3. მე-4 მუხლის:

ა) პირველი პუნქტის ,,ბ^1“ ქვეპუნქტი ჩამოყალიბდეს შემდეგი რედაქციით: 

„ბ¹) რეზერვის, მობილიზაციის და რეკრუტირების სამმართველო;“;

ბ) მე-2 პუნქტის:

ბ.ა) ,,ბ¹’’ ქვეპუნქტი ჩამოყალიბდეს შემდეგი რედაქციით: 

„ბ¹) რეზერვის, მობილიზაციის და რეკრუტირების სამმართველო – ახორციელებს რეზერვის შესახებ ინფორმაციის მიღებას, დამუშავებას და მართვას, სამინისტროს შესაბამის სტრუქტურებთან კოორდინაციაში სამობილიზაციო გეგმების შემუშავებას, სამობილიზაციო გეგმით გათვალისწინებული ღონისძიებების მიმდინარეობის მონიტორინგს, თავდაცვის ძალებისათვის მოქალაქეთა რეკრუტირებას, საგანმანათლებლო დაწესებულებებთან და ადგილობრივი მუნიციპალიტეტის ორგანოებთან კოორდინაციას;’’;

ბ.ბ) ,,ე“ ქვეპუნქტი ჩამოყალიბდეს შემდეგი რედაქციით:

„ე) უზრუნველყოფის ასეული – ახორციელებს ამ მუხლის პირველი პუნქტის „ა“-„გ“ ქვეპუნქტებში მითითებული სტრუქტურული ერთეულების ლოჯისტიკურ და სამედიცინო უზრუნველყოფას, სანიტარიულ-ჰიგიენური ღონისძიების გატარებას, საევაკუაციო ღონისძიებებში მონაწილეობის მიღებას;“.