„შპს „საქართველოს აეროპორტების გაერთიანების“ მიერ საქონლისა და მომსახურების შესყიდვის სპეციალური წესის დამტკიცების შესახებ“ საქართველოს მთავრობის 2017 წლის 5 სექტემბრის №418 დადგენილებაში ცვლილების შეტანის თაობაზე

1. მე -2 მუხლის „ყ “ ქვეპუნქტი ჩამოყალიბდეს შემდეგი რედაქციით :

„ყ ) სტიმულირების პროგრამა − შემსყიდველის მიერ შემუშავებული სტიმულირების პროგრამა , რომლის პირობების გათვალისწინებით გაფორმებული სტიმულირების ხელშეკრულება ითვალისწინებს საქართველოს აეროპორტებში ავიამიმართულებების , სიხშირეების ან /და მგზავრთნაკადის ზრდის უზრუნველყოფის მარკეტინგული მომსახურების შესყიდვას . სტიმულირების პროგრამის ფარგლებში მტკიცდება ავიაკომპანიის ბაზირების , ახალი პრიორიტეტული მიმართულების , ახალი სტრატეგიული მიმართულებისა და არსებული სტრატეგიული მიმართულების სტიმულირების პროგრამები ;“.

2. მე -5 მუხლს დაემატოს შემდეგი შინაარსის 10¹ − 10⁷ პუნქტები :

„10¹. არსებული სტრატეგიული მიმართულების სტიმულირების ხელშეკრულება ფორმდება ავიაკომპანიასთან , რომელიც შოთა რუსთაველის სახელობის თბილისის საერთაშორისო აეროპორტში ბაზირებული საჰაერო ხომალდით შეასრულებს ფრენებს არსებული სტრატეგიული მიმართულებით .

10². სტიმულირების ხელშეკრულების მიზნებისათვის , არსებულ სტრატეგიულ მიმართულებებად ითვლება თბილისი -ლონდონი -თბილისისა და თბილისი -ბრიუსელი -თბილისის მიმართულებები .

10³. ხელშეკრულების ღირებულება თითოეული არსებული სტრატეგიული მიმართულებისათვის უნდა განისაზღვროს არაუმეტეს 90 (ოთხმოცდაათი ) ევროს ოდენობით დღგ -ის გარეშე , თითოეულ ჩამომფრენ მგზავრზე , სტიმულირების პროგრამის ფარგლებში , რაც ჯამური ღირებულების სახით (თითოეული არსებული სტრატეგიული მიმართულებისათვის ) არ უნდა აღემატებოდეს 600 000 ევროს დღგ -ის გარეშე .

10⁴. არსებული სტრატეგიული მიმართულების სტიმულირების ხელშეკრულების ფარგლებში ავიაკომპანიამ უნდა უზრუნველყოს წლის განმავლობაში უწყვეტად , კვირაში , სულ მცირე , 2 სიხშირის შესრულება თითოეულ არსებულ სტრატეგიულ მიმართულებაზე .

10^5. შემსყიდველი უფლებამოსილია , არსებული სტრატეგიული მიმართულების სტიმულირების ხელშეკრულება თითოეულ მიმართულებაზე ერთ ავიაკომპანიასთან გააფორმოს არა უმეტეს 1 (ერთი ) წლის ვადით .

10⁶. იმ შემთხვევაში , თუ არსებული სტრატეგიული მიმართულების სტიმულირების ხელშეკრულების გაფორმების მოთხოვნით შპს „საქართველოს აეროპორტების გაერთიანებას “ მიმართავს ერთზე მეტი ავიაკომპანია და მათგან ორი ან მეტი აკმაყოფილებს ახალი ავიაკომპანიის სტიმულირების ხელშეკრულების გაფორმებისათვის დადგენილ მოთხოვნებს , ხელშეკრულების გაფორმების რიგითობა განისაზღვრება ამ ავიაკომპანიების მიერ მოთხოვნის წარდგენის დროის მიხედვით , თანმიმდევრობით . პირველი ხელშეკრულება გაფორმდება ავიაკომპანიასთან , რომელმაც პირველმა მიმართა შპს „საქართველოს აეროპორტების გაერთიანებას “.

10⁷. იმ შემთხვევაში , თუ თითოეულ არსებულ სტრატეგიულ მიმართულებაზე გაფორმდება სტიმულირების 2 ხელშეკრულება , შემსყიდველი უფლებამოსილია , უარი თქვას სტრატეგიული მიმართულების სტიმულირების შემდგომი ხელშეკრულებების გაფორმებაზე .“.