„საქართველოს სახელმწიფო უსაფრთხოების სამსახურის ადმინისტრაციის (დეპარტამენტის) დებულების დამტკიცების შესახებ“ საქართველოს სახელმწიფო უსაფრთხოების სამსახურის უფროსის 2015 წლის 1 აგვისტოს №4 ბრძანებაში ცვლილების შეტანის თაობაზე

„ა) საჯარო ინფორმაციის გაცემის სამსახური.“.

„მუხლი 7. საჯარო ინფორმაციის გაცემის სამსახურის კომპეტენცია

საჯარო ინფორმაციის გაცემის სამსახური:

ა) უზრუნველყოფს საჯარო ინფორმაციის გაცემასა და პროაქტიულად გამოქვეყნებას;

ბ) საჯარო ინფორმაციის გაცემის უზრუნველყოფისა და პროაქტიულად გამოქვეყნებისთვის სამსახურის დანაყოფებიდან გამოითხოვს შესაბამის ინფორმაციას და უზრუნველყოფს  შესრულების მონიტორინგს;

გ) ახორციელებს საჯარო ინფორმაციებთან დაკავშირებული შესაბამისი ანგარიშების მომზადებასა და სათანადო მსვლელობის ორგანიზებას;

დ) ახორციელებს პერსონალურ მონაცემთა დაცვას და საჭიროების შემთხვევაში სათანადო რეკომენდაციებს აძლევს სამსახურის მოსამსახურეებს;

ე) პერსონალური მონაცემების დაცვის/დამუშავების საკითხებზე, საჭიროების შემთხვევაში, ინიცირებას უკეთებს სამსახურის მოსამსახურეთა ტრენინგს, მონაწილეობს მის ორგანიზებაში;

ვ) უზრუნველყოფს საქართველოს სახალხო დამცველსა და სახელმწიფო ინსპექტორთან ურთიერთობასა და თანამშრომლობას;

ზ) ახორციელებს მოქალაქეთა განცხადებების განხილვასა და შესაბამის რეაგირებას;

თ) უზრუნველყოფს შესაძლო სამართალდარღვევის ჩადენის ან დახმარების მოთხოვნის თაობზე შემოსული განცხადებების კომპეტენციის მიხედვით გადაგზავნას სამსახურის შესაბამის დანაყოფებში ან სხვა სახელმწიფო დაწესებულებაში;

ი) კოორდინაციასა და ორგანიზებას უწევს სამსახურის შესაბამის დანაყოფებში მსჯავრდებულის გადაცემის (გადმოცემის) საკითხების განხილვასა და სახელმწიფო უსაფრთხოების სამსახურის ერთიანი პოზიციის მომზადების პროცესს;

კ) კომპეტენციის ფარგლებში, მონაწილეობს ზოგიერთი სტრატეგიისა და შესაბამისი სამოქმედო გეგმების შემუშავების პროცესში, ასევე, საჭიროების შემთხვევაში ახორციელებს კომისიებსა თუ სხვა სახის სამუშაო შეხვედრებში მონაწილეობასა და შესაბამისი პროექტებისა და ოქმების მომზადების ორგანიზებას;

ლ) ახორციელებს ადმინისტრაციის საერთაშორისო ურთიერთოებების დანაყოფიდან მიღებული, უცხო სახელმწიფოებთან გასაფორმებელი ხელშეკრულებების, შეთანხმებებისა და მემორანდუმების პროექტების გაცნობასა და, საჭიროების შემთხვევაში, კომპეტენციის ფარგლებში სათანადო პასუხების მომზადებას;

მ) უზრუნველყოფს სახელმწიფო ან სხვა უწყებებიდან შემოსულ წერილებზე (მოსამსახურეთა ფინანსური დავალიანებები, სახელმწიფო ჯილდოების გაცემა, სოციალური დახმარება, სამსახურის მიმდებარე ტერიტორიაზე მშენებლობის განვითარებასთან დაკავშირებით შეთანხმება, ზოგიერთი საარქივო საქმის მიწოდება და სხვა) კომპეტენციის ფარგლებში სათანადო ინფორმაციის გამოთხოვასა და მასზე რეაგირებას;

ნ) თავისი ამოცანების შესასრულებლად დანაყოფის კომპეტენციას მიკუთვნებულ საკითხებთან დაკავშირებით, ახორციელებს სხვა სახელმწიფო ორგანოებთან, საზოგადოებრივ გაერთიანებებთან, აგრეთვე სხვა ქვეყნების შესაბამის უწყებებსა და საერთაშორისო ორგანიზაციებთან თანამშრომლობას;

ო) უზრუნველყოფს სამსახურის საქმიანობასთან დაკავშირებით ფიზიკური და იურიდიული პირებისგან, ასევე დაწესებულებებისა თუ ორგანიზაციებისგან შემოსული განცხადებებისა და წინადადებების განხილვას, ანალიზს, არსებული გამოწვევების იდენტიფიცირებას, მათი დაძლევის მიზნით სტრატეგიის შემუშავებასა და შესაბამისი რეკომენდაციების მომზადებას;

პ) ახორციელებს მის კომპეტენციასთან დაკავშირებულ სხვა უფლებამოსილებებს.“.