„ქალაქ რუსთავის მუნიციპალიტეტის ბიუჯეტის ქვეპროგრამის „ინიციატივების თანადაფინანსება“ (კოდი 05 03 01) განხორციელების წესის დამტკიცების შესახებ“ ქალაქ რუსთავის მუნიციპალიტეტის საკრებულოს 2018 წლის 24 დეკემბრის N81 დადგენილებაში ცვლილების შეტანის თაობაზე

ა)   დადგენილების სახელწოდება ჩამოყალიბდეს შემდეგი რედაქციით:

„ქალაქ რუსთავის მუნიციპალიტეტის ბიუჯეტის ქვეპროგრამის „ინიციატივების თანადაფინანსება“ (კოდი 05 03 02) განხორციელების წესის დამტკიცების შესახებ“;

ბ)   დადგენილების პირველი მუხლით დამტკიცებული დანართი №1-ის სახელწოდება ჩამოყალიბდეს შემდეგი რედაქციით:

 „ქალაქ რუსთავის მუნიციპალიტეტის ბიუჯეტის ქვეპროგრამის „ინიციატივების თანადაფინანსება“ (კოდი 05 03 02) განხორციელების წესის დამტკიცების შესახებ“;

 გ) დადგენილების პირველი მუხლის დანართი №1-ით დამტკიცებული წესის პირველი მუხლის პირველი პუნქტი ჩამოყალიბდეს შემდეგი რედაქციით:

„1. ქალაქ რუსთავის მუნიციპალიტეტის ბიუჯეტის ქვეპროგრამის „ინიციატივების თანადაფინანსება“ (კოდი 05 03 02) განხორციელების  წესი (შემდგომში – წესი) განსაზღვრავს საერთაშორისო დაფინანსების (უცხოური გრანტები) მოზიდვის შემთხვევაში ქალაქ რუსთავის მუნიციპალიტეტში რეგისტრირებული ახალგაზრდა (29 წლამდე) ინიციატორთა ან/და ადგილობრივი არასამთავრობო ორგანიზაციების პროექტების თანადაფინანსების (არაუმეტეს 50%) პროცედურებს და პირობებს ქალაქ რუსთავის მუნიციპალიტეტის ბიუჯეტით გათვალისწინებული შესაბამისი ქვეპროგრამის ფარგლებში.“;

დ) დადგენილების პირველი მუხლის დანართი №1-ით დამტკიცებული წესის მე-2 მუხლის „დ“ პუნქტი ჩამოყალიბდეს შემდეგი რედაქციით:

„დ) ქვეპროგრამა – ქალაქ რუსთავის მუნიციპალიტეტის ბიუჯეტის „ინიციატივების თანადაფინანსება“ ქვეპროგრამა (კოდი 05 03 02).“;

ე) ამოღებულ იქნეს დადგენილების პირველი მუხლის დანართი №1-ით დამტკიცებული წესის მე-5 მუხლის  მე-4 პუნქტი;

ვ) დადგენილების პირველი მუხლის დანართი №1-ით დამტკიცებული წესის მე-6 მუხლის მე-2 პუნქტი ჩამოყალიბდეს შემდეგი რედაქციით:

„2. ქალაქ რუსთავის მუნიციპალიტეტის ბიუჯეტით გათვალისწინებული ქვეპროგრამის „ინიციატივების თანადაფინანსება“ (კოდი 05 03 02)  ფარგლებში გათვალისწინებულია ინიციატივების თანადაფინანსება პროექტის ღირებულების არაუმეტეს 50%-ის ოდენობით.“;

ზ) დადგენილების პირველი მუხლის დანართი №1-ით დამტკიცებული წესის მე-7 მუხლი ჩამოყალიბდეს შემდეგი რედაქციით:

„მუხლი 7. დაფინანსებისათვის თანხის გაცემა

ქალაქ რუსთავის მუნიციპალიტეტის მერიის საფინანსო-საბიუჯეტო სამსახური  ქალაქ რუსთავის მუნიციპალიტეტის ბიუჯეტით გათვალისწინებული ქვეპროგრამის „ინიციატივების თანადაფინანსება“ (კოდი 05 03 02) გამოყოფილი ასიგნებების ფარგლებში უზრუნველყოფს შესაბამისი პროექტის დაფინანსებისათვის თანხის გაცემას ქვეპროგრამის განმახორციელებლის მოთხოვნის საფუძველზე.“.