„დანერგე მომავალი“ სახელმწიფო პროგრამის დამტკიცების შესახებ“ საქართველოს მთავრობის 2015 წლის 12 თებერვლის №56 დადგენილებაში ცვლილების შეტანის თაობაზე

1. მე-2 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. მრავალწლიანი ბაღის გაშენებისა და სანერგე მეურნეობის მხარდაჭერის პირობებისა და პოტენციური ბენეფიციარების შესაბამისობის კრიტერიუმების განსხვავებულობებიდან გამომდინარე, თანადაფინანსება განხორციელდება ორი დამოუკიდებელი კომპონენტისა და ქვეკომპონენტის ფარგლებში:

ა) მრავალწლიანი ბაღების თანადაფინანსების კომპონენტი;

ბ) კენკროვანი კულტურების თანადაფინანსების ქვეკომპონენტი;

გ) სანერგე მეურნეობების თანადაფინანსების კომპონენტი.

2. ამ პროგრამით განისაზღვრება ამ მუხლის პირველ პუნქტში მითითებული კომპონენტებისა და ქვეკომპონენტისათვის ფინანსური და ტექნიკური დახმარების პირობები.“.

2. მე-4 მუხლი ჩამოყალიბდეს შემდეგი რედაქციით:

„მუხლი 4. ფინანსური დახმარება

1. ბაღების კომპონენტის ფარგლებში, ფინანსური დახმარება ითვალისწინებს პოტენციური ბენეფიციარებისათვის მიზნობრივი ფულადი დახმარების გამოყოფას თანადაფინანსების სახით, როგორც მრავალწლიანი კულტურების ნერგების შეძენის, ასევე წვეთოვანი სარწყავი სისტემის მოწყობისა და, ბენეფიციარის სურვილის შემთხვევაში, შუა და საყრდენი ბოძების შეძენის ან/და სეტყვის საწინააღმდეგო ბადეების მოწყობის მიზნით.

2. ბაღების კომპონენტის ფარგლებში დაფინანსდება შესაძენი ნერგების ღირებულების არაუმეტეს 70%-ისა, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში – არაუმეტეს 80%-ისა როგორც ნერგების ადგილობრივ ბაზარზე შეძენისას, ასევე იმპორტის დროს. ამავდროულად, თითოეულ ნერგზე თანადაფინანსების მაქსიმალური ღირებულების ოდენობა დადგენილია დანართ №2-ის შესაბამისად.

3. ბაღების კომპონენტის ფარგლებში ფიზიკურ და იურიდიულ პირებს დაუფინანსდებათ სასოფლო-სამეურნეო დანიშნულების მიწის ნაკვეთზე წვეთოვანი სარწყავი სისტემის მოწყობა მისი ღირებულების არაუმეტეს 50%-ის ოდენობით, მაგრამ არაუმეტეს 1 250 ლარისა 0,5 ჰა-ზე, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი  დასახლებების შემთხვევაში – არაუმეტეს 60%-ის ოდენობით, მაგრამ არაუმეტეს 1 500 ლარისა 0,5  ჰა-ზე.

4. ბაღების კომპონენტის ფარგლებში ფიზიკურ და იურიდიულ პირებს დაუფინანსდებათ  შუა და საყრდენი ბოძების ღირებულების არაუმეტეს 50%-ისა, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში – არაუმეტეს 60%-ისა.

5. შუა და საყრდენი ბოძების ტექნიკურ მახასიათებლებს კულტურების ჭრილში და დასაშვებ მაქსიმალურ რაოდენობას ადგენს სსიპ – სოფლის მეურნეობის სამეცნიერო-კვლევით ცენტრი (შემდგომში – ცენტრი) და ამტკიცებს ა(ა)იპ – სოფლის მეურნეობის პროექტების მართვის სააგენტო (შემდგომში – სააგენტო), ხოლო შუა და საყრდენი ბოძების საბაზრო ფასი დადგინდება სსიპ − ლევან სამხარაულის სახელობის სასამართლო ექსპერტიზის ეროვნული ბიუროს ან საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის მიერ, რომლის საფუძველზეც სააგენტო ამტკიცებს თანადაფინანსების მაქსიმალურ ოდენობებს.

6. ბაღების კომპონენტის ფარგლებში ფიზიკურ და იურიდიულ პირებს დაუფინანსდებათ სეტყვის საწინააღმდეგო ბადეების მოწყობის ღირებულების არაუმეტეს 50%-ისა, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში – არაუმეტეს 60%-ისა.

7. კულტურების ჩამონათვალს, რომელზეც შესაძლებელია გაიცეს თანადაფინანსება სეტყვის საწინააღმდეგო ბადეების მოწყობისთვის, ადგენს ცენტრი და ამტკიცებს სააგენტო, ხოლო სეტყვის საწინააღმდეგო ბადეების მოწყობის საბაზრო ფასი დადგინდება სსიპ − ლევან სამხარაულის სახელობის სასამართლო ექსპერტიზის ეროვნული ბიუროს ან საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის მიერ, რომლის საფუძველზეც სააგენტო ამტკიცებს თანადაფინანსების მაქსიმალურ ოდენობებს.

8. იმ შემთხვევაში, თუ პოტენციური ბენეფიციარი ნერგების მესაკუთრეა (საკუთრება პროგრამის მიზნებისათვის არ გულისხმობს იმპორტირებული ნერგების კონსიგნაციით მიღებას), აქვს საკუთარი სანერგე მეურნეობა ან საკუთარი მიზნებისათვის გამოჰყავს ნერგები, შეუძლია მიიღოს თანადაფინანსება მხოლოდ წვეთოვანი სარწყავი სისტემისა და, სურვილის შემთხვევაში, შუა და საყრდენი ბოძების შესაძენად ან/და სეტყვის საწინააღმდეგო ბადეების მოსაწყობად ამ მუხლის მე-3, მე-4 და მე-6 პუნქტებში დადგენილი ოდენობებითა და პირობებით.

9. იმ შემთხვევაში, თუ პოტენციური ბენეფიციარი ფლობს წვეთოვან სარწყავ სისტემას, მას შეუძლია მიიღოს თანადაფინანსება მხოლოდ ბაღის გაშენებისთვის საჭირო ნერგების შესაძენად და, სურვილის შემთხვევაში, შუა და საყრდენი ბოძების შესაძენად ან/და სეტყვის საწინააღმდეგო ბადეების მოსაწყობად ამ მუხლის მე-2, მე-4 და მე-6 პუნქტებში დადგენილი ოდენობითა და პირობებით.

10. პროგრამაში მონაწილე სასოფლო-სამეურნეო კოოპერატივებს მრავალწლიანი ბაღის გაშენების შემდგომ დაუფინანსდებათ შესაძენი საწამლი აპარატების ღირებულება წარდგენილი ინვოისის ან/და შესაბამისი დოკუმენტის საფუძველზე, მაგრამ არაუმეტეს 5 000 ლარისა. საწამლი აპარატების დაფინანსების გაცემის დეტალურ პროცედურას შეიმუშავებს და ამტკიცებს სააგენტო.

11. ბაღების კომპონენტის ფარგლებში ბენეფიციარებს აუნაზღაურდებათ ლაბორატორიული ანალიზის ჩატარების ღირებულება. ანაზღაურება განხორციელდება ბენეფიციარის მიერ ლაბორატორიული ანალიზის ღირებულების გადახდის დამადასტურებელი დოკუმენტის წარდგენის საფუძველზე. ლაბორატორიული ანალიზის ღირებულების ანაზღაურების დეტალურ პროცედურას შეიმუშავებს სააგენტო.“.

3. მე-5 მუხლი ჩამოყალიბდეს შემდეგი რედაქციით:

„მუხლი 5. შეზღუდვები

1. ბაღების კომპონენტის ფარგლებში დაფინანსდება ერთი ბენეფიციარის მიერ არაუმეტეს 50 ჰა მრავალწლიანი კულტურის ბაღ(ებ)ის გაშენება.

2. თანადაფინანსების მოცულობა 0,5 ჰა-ზე არ უნდა აღემატებოდეს 5 000 ლარს. თანადაფინანსების ზედა ზღვრის გაანგარიშებაში არ მოხდება შუა და საყრდენი ბოძების, სეტყვის საწინააღმდეგო ბადეების მოწყობისა და სასოფლო-სამეურნეო კოოპერატივებისათვის დამატებით დასაფინანსებელი საწამლი აპარატების  ღირებულების გათვალისწინება.

3. ლურჯი მოცვის კულტურის გაშენების შემთხვევაში თანადაფინანსების მოცულობა 0,5 ჰა-ზე განისაზღვროს არაუმეტეს 7 500 ლარის ოდენობით. თანადაფინანსების ზედა ზღვრის გაანგარიშებაში არ მოხდება სასოფლო-სამეურნეო კოოპერატივებისათვის დამატებით დასაფინანსებელი საწამლი აპარატების ღირებულების გათვალისწინება.

4. ერთ ბენეფიციარზე გამოყოფილი თანადაფინანსების მაქსიმალური მოცულობა არ უნდა აღემატებოდეს 250 000 ლარს. თანადაფინანსების ზედა ზღვრის გაანგარიშებაში არ მოხდება შუა და საყრდენი ბოძების, სეტყვის საწინააღმდეგო ბადეების მოწყობისა და სასოფლო-სამეურნეო კოოპერატივებისათვის დამატებით დასაფინანსებელი საწამლი აპარატების  ღირებულების გათვალისწინება.

5. ბაღების კომპონენტის ფარგლებში პირველ რიგში დაფინანსდება შესასყიდი ნერგების ღირებულების 70%, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში – შესასყიდი ნერგების ღირებულების 80%, ხოლო თანხის დარჩენილი სხვაობიდან – წვეთოვანი სარწყავი სისტემის მოწყობა.“.

4. მე-8 მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. მიწის ნაკვეთის ფართობი, რომელზეც იგეგმება მრავალწლიანი კულტურის ბაღის მოწყობა, უნდა შეადგენდეს არანაკლებ 0,5 ჰა-ს.“;

ბ) მე-4 პუნქტი ამოღებულ იქნეს.

5. მე-9 მუხლის:

ა) პირველი და მე-2 პუნქტები ჩამოყალიბდეს შემდეგი რედაქციით:

„1. მიწის ნაკვეთი, რომელზეც იგეგმება ბაღის გაშენება, უნდა იყოს დამუშავებული. მიწის ნაკვეთის დამუშავების კრიტერიუმებს შეიმუშავებს  ცენტრი.

2. მიწის ნაკვეთი უნდა იყოს უზრუნველყოფილი წყლით ან მიწის ნაკვეთის გარე პერიმეტრიდან არაუმეტეს 500 მეტრის დაშორებით უნდა არსებობდეს პერმანენტული წყლის წყარო: ტბა, მდინარე, არხი, ან მიწის ნაკვეთის ტერიტორიაზე უნდა იყოს ჭა ან ჭაბურღილი.“;

ბ) მე-2 პუნქტის შემდეგ დაემატოს შემდეგი შინაარსის 2¹ პუნქტი:

„2¹. იმ შემთხვევაში, თუ მიწა უზრუნველყოფილია წყლით, საქართველოს გარემოს დაცვისა და სოფლის მეურნეობის სამინისტროს შესაბამისი ტერიტორიული ორგანოს ან აჭარის ავტონომიური რესპუბლიკის სოფლის მეურნეობის სამინისტროს მიერ გაცემულ ცნობაში აღიწერება ადგილზე ნანახი ფაქტობრივი გარემოებები, რომლის საფუძველზეც ცენტრი წერილობით ადასტურებს ან უარყოფს ნაკვეთის წყლით უზრუნველყოფას.“.

6. მე-10 მუხლის:

ა) მე-2 პუნქტი ჩამოყალიბდეს შემდეგი რედაქციით:

„2. ადგილობრივი კვალიფიციური სანერგე მეურნეობების შერჩევა განხორციელდება სააგენტოს მიერ, ინტერესთა საჯარო გამოხატვის გამოცხადების შედეგად მიღებული განაცხადების, ცენტრის მიერ სანერგე მეურნეობების შემოწმებისას მიღებული გადაწყვეტილების საფუძველზე.“;

ბ) მე-3 და მე-4 პუნქტები ამოღებულ იქნეს;

გ) მე-5 პუნქტი ჩამოყალიბდეს შემდეგი რედაქციით:

„5. ინტერესთა საჯარო გამოხატვა განხორციელდება სააგენტოს ელექტრონულ ფოსტაზე – info@apma.ge.“;

დ) მე-7 პუნქტი ჩამოყალიბდეს შემდეგი რედაქციით:

 „7. ფსტის (ფისტა), ზეთისხილისა და საღვინე ვაზის კულტურების, ხოლო გურიაში, აჭარასა და სამეგრელოში თხილის კულტურის ბაღის გაშენება შესაძლებელია წვეთოვანი სარწყავი სისტემის მოწყობის გარეშე. ამასთან, პროგრამის ფარგლებში გაშენებულ ბაღებში შესაძლებელია, დაფინანსდეს წვეთოვანი სარწყავი სისტემის მოწყობა შესასყიდი სარწყავი სისტემის (წვეთოვანი ირიგაცია, სპრინკლერირიგაცია) ინვოისის ან ხელშეკრულების (ქართულ ენაზე/ნოტარიულად დამოწმებული თარგმანი ქართულ ენაზე) საფუძველზე პროგრამის მე-4 მუხლის მე-3 პუნქტის შესაბამისად.“;

ე) მე-7 პუნქტის შემდეგ დაემატოს შემდეგი შინაარსის მე-8 პუნქტი:

„8. ამ მუხლის მე-7 პუნქტით განსაზღვრული კულტურების გარდა, შესაძლებელია პროექტით გათვალისწინებული სხვა კულტურის დაფინანსება წვეთოვანი სარწყავი სისტემის მოწყობის გარეშე, თუ  ცენტრიდან წარმოდგენილ იქნება აღნიშნულის შესახებ წერილობითი დასტური.“.

7. მე-11 მუხლის:

ა) „ე“ ქვეპუნქტი ამოღებულ იქნეს;

ბ) „ი“ და „კ“ ქვეპუნქტები ჩამოყალიბდეს შემდეგი რედაქციით:

„ი) ნერგების შესყიდვის ინვოისი ან/და ხელშეკრულება ქართულ ენაზე/ნოტარიულად დამოწმებული,  თარგმანი ქართულ ენაზე, რომელშიც მითითებული უნდა იყოს:

ი.ა) ნერგების რაოდენობა;

ი.ბ) თითოეული ნერგის ფასი;

ი.გ) ჯამურად ნერგების ღირებულება;

ი.დ) ნერგის მახასიათებლები;

ი.ე) მიწოდების პირობები;

ი.ვ) გამყიდველის საბანკო რეკვიზიტები;

კ) შესასყიდი სარწყავი სისტემის (წვეთოვანი ირიგაცია, სპრინკლერ-ირიგაცია) ინვოისები ან/და ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე;“;

გ) „ლ“ ქვეპუნქტის შემდეგ დაემატოს შემდეგი შინაარსის „ლ¹“ და „ლ²“ ქვეპუნქტები:

„ლ¹) შესასყიდი შუა და საყრდენი ბოძების ინვოისი ან ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე (იმ შემთხვევაში, თუ პოტენციურ ბენეფიციარს სურს, დაუფინანსდეს შუა და საყრდენი ბოძები);

ლ²) შესასყიდი სეტყვის საწინააღმდეგო ბადეების ინვოისები ან ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე (იმ შემთხვევაში, თუ პოტენციურ ბენეფიციარს სურს, დაუფინანსდეს სეტყვის საწინააღმდეგო ბადეების მოწყობის ღირებულება);“;

დ) „მ“ ქვეპუნქტი ამოღებულ იქნეს.

8. მე-12 მუხლის:

ა) მე-5 პუნქტი ჩამოყალიბდეს შემდეგი რედაქციით:

„5. ხელშეკრულების გაფორმების შემდგომ ბენეფიციარი ვალდებულია, სააგენტოში წარდგენილ ინვოისებში მითითებულ მიმწოდებლის საბანკო ანგარიშზე გადარიცხოს/ჩარიცხოს:  

ა) ნერგების ღირებულება – სააგენტოში წარდგენილ ინვოისში მითითებული ჯამური თანხის არანაკლებ 30%-ისა (ოცდაათი პროცენტისა), ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში  – არანაკლებ 20%-ისა (ოცი პროცენტისა);

ბ) წვეთოვანი სარწყავი სისტემის ღირებულება – სააგენტოში წარდგენილ ინვოისში მითითებული ჯამური თანხის არანაკლებ 50%-ისა (ორმოცდაათი პროცენტისა), ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში  – არანაკლებ 40%-ისა (ორმოცი პროცენტისა).“;

ბ) მე-8 პუნქტი ჩამოყალიბდეს შემდეგი რედაქციით:

„8. სააგენტოს მიერ განაცხადის განხილვისა და დაფინანსების გაცემის რიგითობა განისაზღვრება პოტენციური ბენეფიციარების მიერ მე-11 მუხლში მითითებული დოკუმენტაციის სააგენტოში წარდგენის თარიღით, ხოლო განსახილველ დოკუმენტაციაში ხარვეზის დადგენის შემთხვევაში, ხარვეზის აღმოფხვრის თარიღით.“.

9. მე-13 მუხლის მე-4 პუნქტი ჩამოყალიბდეს შემდეგი რედაქციით:

„4. ბენეფიციარის საბანკო ანგარიშზე თანხის გადარიცხვის შემდგომ ბენეფიციარი ვალდებულია, წარადგინოს ბანკის მიერ დამოწმებული დოკუმენტი წარდგენილი ინვოისით/ხელშეკრულებით გათვალისწინებულ საბანკო ანგარიშ(ებ)ზე თანხის ჩარიცხვის/გადარიცხვის დამადასტურებლად.“.

10. 14¹ მუხლის:

ა) სათაური ჩამოყალიბდეს შემდეგი რედაქციით:

„მუხლი 14¹. კენკროვანი კულტურების თანადაფინანსების ქვეკომპონენტი“;

ბ) პირველი პუნქტი ჩამოყალიბდეს შემდეგი რედაქციით:

„1. კენკროვანი კულტურების თანადაფინანსების ქვეკომპონენტის (შემდგომში − კენკროვანების ქვეკომპონენტი) ფარგლებში კენკროვანი კულტურების გაშენება შესაძლებელია დაფინანსდეს დანართ №6-ის შესაბამისად საქართველოს ყველა მუნიციპალიტეტში, შემდეგი თვითმმართველი ქალაქების გარდა: ქ. თბილისი, ქ. რუსთავი, ქ. ქუთაისი, ქ. ბათუმი, ქ. ფოთი.“;

გ) მე-3 პუნქტი ამოღებულ იქნეს.

11. 14² მუხლის:

ა) პირველი პუნქტი ჩამოყალიბდეს შემდეგი რედაქციით:

„1. კენკროვანების ქვეკომპონენტის ფარგლებში ფინანსური დახმარება ითვალისწინებს მრავალწლიანი კენკროვანი კულტურის ბაღის გასაშენებლად ბენეფიციარებისათვის მიზნობრივი ფულადი დახმარების გამოყოფას დაფინანსების სახით, კენკროვანი კულტურების ნერგების, სარწყავი სისტემის მოწყობისა და ბაღის გაშენებისათვის საჭირო მასალების (დანართ №8-ის შესაბამისად) შეძენის მიზნით.“;

ბ) მე-3 პუნქტი ჩამოყალიბდეს შემდეგი რედაქციით:

„3. კენკროვანების ქვეკომპონენტის ფარგლებში ერთ ბენეფიციარზე, ფიზიკური პირის შემთხვევაში, დაფინანსდება სასოფლო-სამეურნეო დანიშნულების მიწის ნაკვეთზე წვეთოვანი სარწყავი სისტემის მოწყობის ღირებულების 100%, მაგრამ არაუმეტეს 3000 ლარისა, ხოლო სასოფლო-სამეურნეო კოოპერატივის შემთხვევაში − არაუმეტეს 3000 ლარისა, ყოველ 0.5 ჰა-ზე გადაანგარიშებით.“.

12. 14⁵ მუხლის:

ა) მე-3 პუნქტი ჩამოყალიბდეს შემდეგი რედაქციით:

„3. სასოფლო-სამეურნეო კოოპერატივის შემთხვევაში, კენკროვანების ქვეკომპონენტის ამოქმედების თარიღისთვის სასოფლო-სამეურნეო კოოპერატივი უნდა აკმაყოფილებდეს ქვემოთ მოცემული ორი პირობიდან ერთ-ერთს:

ა) სასოფლო-სამეურნეო კოოპერატივს საკუთრებაში უნდა ჰქონდეს სსიპ − საჯარო რეესტრის ეროვნულ სააგენტოში რეგისტრირებული სასოფლო-სამეურნეო დანიშნულების მიწის ნაკვეთ(ებ)ი, თითოეული მეპაიის მიერ შეტანილი სასოფლო-სამეურნეო დანიშნულების მიწის რაოდენობა უნდა იყოს არანაკლებ 0.15 ჰა-დან არაუმეტეს 5 ჰა-ის ჩათვლით, ამასთან, შესაძლებელია, სასოფლო-სამეურნეო კოოპერატივის საკუთრებაში სასოფლო-სამეურნეო დანიშნულების მიწის ნაკვეთის გარდა არსებობდეს სხვა საპაიო შენატანი;

ბ) სასოფლო-სამეურნეო კოოპერატივის თითოეულ მეპაიეს საკუთრებაში უნდა ჰქონდეს სსიპ − საჯარო რეესტრის ეროვნულ სააგენტოში რეგისტრირებული სასოფლო-სამეურნეო დანიშნულების მიწის ნაკვეთი არანაკლებ 0.15 ჰა-დან არაუმეტეს 5 ჰა-ის ჩათვლით, ამასთან, შესაძლებელია, სასოფლო-სამეურნეო კოოპერატივის ყველა მეპაიეს საკუთრებაში არ ჰქონდეს სსიპ − საჯარო რეესტრის ეროვნულ სააგენტოში რეგისტრირებული სასოფლო-სამეურნეო დანიშნულების მიწის ნაკვეთი.“;

ბ) მე-5 პუნქტი ჩამოყალიბდეს შემდეგი რედაქციით:

„5. შესაძლებელია, მიწის ნაკვეთები იყოს რეგისტრირებული სხვადასხვა საკადასტრო კოდით, თუ მათზე მოეწყობა ერთიანი სარწყავი სისტემა. ერთიანი სარწყავი სისტემა უნდა ემსახურებოდეს ერთ ან რამდენიმე მიწის ნაკვეთზე გაშენებულ მრავალწლიან კენკროვან ბაღს და მისი კომპლექტაცია უნდა შედგებოდეს ერთი ტუმბოსა და წყლის დაგროვების ერთი ავზისგან, ასევე სხვა მაკომპლექტებლებისგან.“;

გ) მე-6 პუნქტი ამოღებულ იქნეს.

13. 14⁶ მუხლის პირველი პუნქტი ჩამოყალიბდეს შემდეგი რედაქციით:

„1. სასოფლო-სამეურნეო დანიშნულების მიწის ნაკვეთის (რომელზეც იგეგმება კენკროვანი კულტურის ბაღის გაშენება) მიმდებარედ უნდა არსებობდეს ელექტროენერგიის წყარო, ასევე უნდა ხდებოდეს მიწის ნაკვეთის უზრუნველყოფა წყლით ან მიწის ნაკვეთის გარე პერიმეტრიდან არაუმეტეს 500 მეტრის დაშორებით უნდა არსებობდეს პერმანენტული წყლის წყარო: არხი, მდინარე, ტბა, ჭა ან ჭაბურღილი.“.

14. 14⁷ მუხლის:

ა) პირველი – მე-3 პუნქტები ჩამოყალიბდეს შემდეგი რედაქციით:

„1. კენკროვანების ქვეკომპონენტის ფარგლებში ადგილობრივ ბაზარზე საჭირო ნერგების შესყიდვა განხორციელდება პროგრამის მე-10 მუხლის შესაბამისად.

2. კენკროვანების ქვეკომპონენტის ფარგლებში წვეთოვანი სარწყავი სისტემის მოწყობა და ბაღის გასაშენებლად საჭირო მასალების შეძენა უნდა განხორციელდეს იმ კომპანიებისგან, რომლებიც ინტერესთა საჯარო გამოხატვას განახორციელებენ სააგენტოს ელექტრონულ ფოსტაზე – info@apma.ge.

3. სააგენტო სახელმწიფო შესყიდვის გზით განახორციელებს პროგრამის 14² მუხლის მე-6 პუნქტით განსაზღვრული მაცივარ-კონტეინერების შესყიდვას, რომლის ტექნიკურ მახასიათებლებს, ტექნიკურ და საკვალიფიკაციო მოთხოვნებს შეიმუშავებს სააგენტო ცენტრთან ერთად და ამტკიცებს სააგენტოს გამგეობა.“;

ბ) მე-4 პუნქტი ამოღებულ იქნეს.

15. 14⁸ მუხლის:

ა) პირველი პუნქტის „დ“ ქვეპუნქტი ამოღებულ იქნეს;

ბ) მე-2 პუნქტის „დ“ – „ვ“ ქვეპუნქტები ჩამოყალიბდეს შემდეგი რედაქციით:

„დ) ნერგების შესყიდვის ინვოისი ან/და ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე;

ე) შესასყიდი სარწყავი სისტემის (წვეთოვანი ირიგაცია, სპრანკლერ-ირიგაცია) ინვოისები ან/და ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე;

ვ) კენკროვანი კულტურის ბაღის გაშენებისათვის საჭირო მასალების შესყიდვის ინვოისები ან/და ხელშეკრულება ქართულ ენაზე/ნოტარიულად დამოწმებული თარგმანი ქართულ ენაზე;“.

16. 14¹⁰ მუხლი ჩამოყალიბდეს შემდეგი რედაქციით:

„მუხლი 14¹⁰. მონიტორინგი

ბენეფიციარების მიერ ხელშეკრულებით გათვალისწინებული პირობების შესრულების საველე და დოკუმენტურ მონიტორინგს განახორციელებს სააგენტო, არსებული დეტალური პროცედურის შესაბამისად. სააგენტო ასევე უფლებამოსილია, მიზნობრიობის შესრულების დადასტურების მიზნით, ბენეფიციარს მოსთხოვოს სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის საექსპერტო/აუდიტორული დასკვნა. იმ შემთხვევაში, თუ საექსპერტო/აუდიტორული დასკვნით დასტურდება მიზნობრიობის შესრულება, გადახდის დამადასტურებელი დოკუმენტისა და ბენეფიციარსა და აუდიტორულ კომპანიას შორის გაფორმებული ხელშეკრულების (სხვა შესაბამისი დოკუმენტი) საფუძველზე, სააგენტო უზრუნველყოფს აღნიშნული მომსახურების საფასურის ანაზღაურებას, მაგრამ არაუმეტეს 300 ლარისა.“.

17. მე-16 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სანერგეების კომპონენტის ფარგლებში ფინანსური დახმარება ითვალისწინებს პოტენციური ბენეფიციარებისათვის მიზნობრივი ფულადი დახმარების გამოყოფას თანადაფინანსების სახით, სანერგე მეურნეობის მოსაწყობად, რომელსაც გამოყავს უვირუსო ნერგი.“;

ბ) მე-4 და მე-5 პუნქტები ჩამოყალიბდეს შემდეგი რედაქციით:

„4. სააგენტოს თანადაფინანების მოცულობა შეადგენს პოტენციური ბენეფიციარის მიერ წარდგენილი პროექტის ჯამური ღირებულების იმ ნაწილის არაუმეტეს 70%-ს, რომელიც მოიცავს წინამდებარე პროგრამით გათვალისწინებულ მიზნობრიობებს.

5. სანერგე მეურნეობის თანადაფინანსების კომპონენტით დაფინანსდებიან მხოლოდ ის ბენეფიციარები, რომლებიც შექმნიან ისეთ სანერგე მეურნეობებს, რომლებშიც იწარმოება დანართ №1-ით გათვალისწინებული კულტურები.“.

18. მე-17 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. ერთ ბენეფიციარზე გამოყოფილი დაფინანსების მაქსიმალური მოცულობა არ უნდა აღემატებოდეს 500 000 ლარს.“;

ბ) მე-2 პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) სპეცტექნიკის შეძენა (თანადაფინანსებით დასაშვები სპეცტექნიკის ჩამონათვალს განსაზღვრავს სააგენტო ცენტრთან ერთად).“.

19. მე-20 მუხლის:

ა) მე-7 პუნქტი ჩამოყალიბდეს შემდეგი რედაქციით:

„7. მიწის ნაკვეთი უნდა იყოს უზრუნველყოფილი წყლით ან მიწის ნაკვეთის გარე პერიმეტრიდან არაუმეტეს 500 მეტრის დაშორებით უნდა არსებობდეს პერმანენტული წყლის წყარო: ტბა, მდინარე, არხი ან მიწის ნაკვეთის ტერიტორიაზე უნდა იყოს ჭა ან ჭაბურღილი.“;

ბ) მე-7 პუნქტის შემდეგ დაემატოს შემდეგი შინაარსის 7¹ პუნქტი:

„7¹. იმ შემთხვევაში, თუ მიწა უზრუნველყოფილია წყლით, საქართველოს გარემოს დაცვისა და სოფლის მეურნეობის სამინისტროს შესაბამისი ტერიტორიული ორგანოს ან აჭარის ავტონომიური რესპუბლიკის სოფლის მეურნეობის სამინისტროს მიერ გაცემულ ცნობაში აღიწერება ადგილზე ნანახი ფაქტობრივი გარემოებები, რომლის საფუძველზეც ცენტრი წერილობით ადასტურებს ან უარყოფს ნაკვეთის წყლით უზრუნველყოფას.“.

20. 21-ე მუხლის პირველი პუნქტის „დ“ ქვეპუნქტი ამოღებულ იქნეს.

21. 26-ე მუხლის პირველი – მე-3 პუნქტები ჩამოყალიბდეს შემდეგი რედაქციით:

„1. იმ შემთხვევაში, თუ პოტენციური ბენეფიციარი ფიზიკური პირია, ის ვერ მიიღებს პროგრამით გათვალისწინებულ თანადაფინანსებას, თუ ფლობს წილს ნერგების, წვეთოვანი სარწყავი სისტემების, შუა და საყრდენი ბოძების, სეტყვის საწინააღმდეგო ბადეების ან/და კენკროვანების ქვეკომპონენტში გათვალისწინებული ბაღის გაშენებისათვის საჭირო სხვა მასალების მიმწოდებელ კომპანიაში, რომლისგანაც გეგმავს ნერგების ან/და წვეთოვანი სარწყავი სისტემების, შუა და საყრდენი ბოძების, სეტყვის საწინააღმდეგო ბადეების ან/და  კენკროვანების ქვეკომპონენტში გათვალისწინებული ბაღის გაშენებისათვის სხვა საჭირო მასალების შეძენას.

2. იმ შემთხვევაში, თუ პოტენციური ბენეფიციარი იურიდიული პირია, ის ვერ მიიღებს პროგრამით გათვალისწინებულ თანადაფინანსებას, თუ ფლობს წილს ნერგების, წვეთოვანი სარწყავი სისტემების, შუა და საყრდენი ბოძების, სეტყვის საწინააღმდეგო ბადეების,  უვირუსო სადედე ნერგების, ინტენსიური ტიპის უვირუსო საძირეებისა და პორტატული ლაბორატორიული მოწყობილობების მიმწოდებელ კომპანიაში, რომლისგანაც გეგმავს ნერგების, წვეთოვანი სარწყავი სისტემების, შუა და საყრდენი ბოძების, სეტყვის საწინააღმდეგო ბადეების,  უვირუსო სადედე ნერგების, ინტენსიური ტიპის უვირუსო საძირეებისა და პორტატული ლაბორატორიული მოწყობილობების შეძენას.

3. თუ პოტენციური ბენეფიციარი არის იურიდიული პირი და მის პარტნიორს აქვს წილი ნერგების, წვეთოვანი სისტემების, შუა და საყრდენი ბოძების, სეტყვის საწინააღმდეგო ბადეების, უვირუსო სადედე ნერგების, ინტენსიური ტიპის უვირუსო საძირეებისა და პორტატული ლაბორატორიული მოწყობილობების მიმწოდებელ კომპანიაში, რომლისგანაც გეგმავს ნერგების, წვეთოვანი სარწყავი სისტემების, შუა და საყრდენი ბოძების, სეტყვის საწინააღმდეგო ბადეების,  უვირუსო სადედე ნერგების, ინტენსიური ტიპის უვირუსო საძირეებისა და პორტატული ლაბორატორიული მოწყობილობების შეძენას, ვერ მიიღებს პროგრამით გათვალისწინებულ თანადაფინანსებას.

22. დანართები: №1, №2 და №4 ჩამოყალიბდეს თანდართული რედაქციით.

23. დანართი №5 ამოღებულ იქნეს.

24. დანართი №6 ჩამოყალიბდეს თანდართული რედაქციით.

*შენიშვნა: ზეთის ხილის კულტურა დაფინანსდება ქვემო ქართლის მხოლოდ გარდაბნისა და მარნეულის მუნიციპალიტეტებში.

დანართი №2

თანადაფინანსების მაქსიმალური მოცულობის ცხრილი კულტურების მიხედვით

დანართი №4

ნერგების 1 ჰა-ზე დასარგავი მინიმალური რაოდენობა მრავალწლიანი კულტურების მიხედვით (მცენარეების დასაშვები მინიმალური სიხშირე 1 ჰა-ზე ინტენსიური და ნახევრად ინტენსიური ტიპის ბაღების გაშენების მიზნით)

დანართი №6

კენკროვნების ქვეკომპონენტის კულტურების ნუსხა რეგიონების მიხედვით