დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,კორუფციის წინააღმდეგ“ გაერთიანებული ერების ორგანიზაციის კონვენციასთან შეერთების თაობაზე | |
|---|---|
| დოკუმენტის ნომერი | 337 |
| დოკუმენტის მიმღები | საქართველოს პარლამენტი |
| მიღების თარიღი | 10/10/2008 |
| დოკუმენტის ტიპი | საქართველოს პარლამენტის დადგენილება |
| გამოქვეყნების წყარო, თარიღი | სსმ, 151, 16/10/2008 |
| სარეგისტრაციო კოდი | 0000.00.00.000000 |
საქართველოს პარლამენტის დადგენილება
,,კორუფციის წინააღმდეგ“ გაერთიანებული ერების ორგანიზაციის კონვენციასთან შეერთების თაობაზე
საქართველოს პარლამენტი ადგენს:
1. საქართველო შეუერთდეს გაერთიანებული ერების ორგანიზაციის კონვენციას ,,კორუფციის წინააღმდეგ“.
2. კონვენციის 44-ე მუხლის მე-6 პუნქტის ,,ა“ ქვეპუნქტის თანახმად, საქართველო განიხილავს კონვენციას, როგორც ექსტრადიციის საკითხებზე თანამშრომლობის სამართლებრივ საფუძველს სხვა მონაწილე სახელმწიფოებთან მიმართებით ნაცვალგების პრინციპით.
3. კონვენციის 46-ე მუხლის მე-13 პუნქტის თანახმად, საქართველოს სამართლებრივი ურთიერთდახმარების შესახებ თხოვნის გამცემ და მიმღებ ცენტრალურ სახელმწიფო ორგანოებად განსაზღვრავს საქართველოს იუსტიციის სამინისტროსა და საქართველოს გენერალურ პროკურატურას.
4. კონვენციის 46-ე მუხლის მე-14 პუნქტის თანახმად, საქართველოს სამართლებრივი ურთიერთდახმარების შესახებ თხოვნას მიიღებს ქართულ ან ინგლისურ ენაზე.
5. კონვენციის 66-ე მუხლის მე-3 პუნქტის თანახმად, საქართველო გამორიცხავს კონვენციის 66-ე მუხლის მე-2 პუნქტის შესაბამისად დავის არბიტრაჟის მიერ განხილვას.
საქართველოს პარლამენტის
თავმჯდომარე დ. ბაქრაძე
თბილისი,
2008 წლის 10 ოქტომბერი.
№337–IIს
დოკუმენტის კომენტარები