„აჭარის ავტონომიური რესპუბლიკის სოფლის მეურნეობის სამინისტროს საქვეუწყებო დაწესებულების – გარემოს დაცვისა და ბუნებრივი რესურსების სამმართველოს დებულების დამტკიცების შესახებ“ აჭარის ავტონომიური რესპუბლიკის მთავრობის 2010 წლის 7 დეკემბრის N53 დადგენილებაში ცვლილების შეტანის თაობაზე

„2. აჭარის ავტონომიური რესპუბლიკის სოფლის მეურნეობის სამინისტროს საქვეუწყებო დაწესებულების – გარემოს დაცვისა და ბუნებრივი რესურსების სამმართველოს აპარატის საჯარო მოსამსახურეთა რიცხოვნობა განისაზღვროს 44 (ორმოცდაოთხი) საშტატო ერთეულით.“;

„ზ) საერთაშორისო და საზოგადოებრივ ორგანიზაციებთან ურთიერთობის სამსახური;“;

„8¹.საერთაშორისო და საზოგადოებრივ ორგანიზაციებთან ურთიერთობის სამსახურის ფუნქციებია:

ა) საერთაშორისო, არასამთავრობო და სხვა საზოგადოებრივ ორგანიზაციებთან სამმართველოს ურთიერთობის უზრუნველყოფა და ანგარიშების მომზადება;

ბ) სემინარების, კონფერენციებისა და სამმართველოს მიერ განსახორციელებელ სხვა ღონისძიებათა მოსამზადებლად ორგანიზაციული საქმიანობის წარმართვა;

გ) სამმართველოს შესაბამისი ღონისძიებების ფოტო და ვიდეოგადაღება;

დ) სხვა ქვეყნებიდან და საერთაშორისო ორგანიზაციებიდან სამმართველოში შემოსული კორესპონდენციების ქართულ ენაზე და სამმართველოში დამუშავებული დოკუმენტების უცხო ენაზე თარგმნის უზრუნველყოფა;

ე) საზოგადოების გარემოსდაცვითი განათლებისა და გარემოსდაცვითი ცნობიერების დონის ამაღლების ხელშეწყობა;

ვ) საჯარო ინფორმაციის გაცემის უზრუნველყოფა საქართველოს კანონმდებლობის მოთხოვნათა შესაბამისად.“.