„2019 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2018 წლის 31 დეკემბრის №693 დადგენილებაში ცვლილების შეტანის თაობაზე

1. №9 დანართის („ნარკომანიით დაავადებულ პაციენტთა მკურნალობა“) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 12,040.0 ათასი ლარით, შემდეგი ცხრილის შესაბამისად:

 2.  №11 დანართის („ფსიქიკური ჯანმრთელობა“):

ა) მე-8 მუხლი ჩამოყალიბდეს შემდეგი რედაქციით:

„მუხლი 8. პროგრამის ბიუჯეტი

პროგრამის ბიუჯეტი განისაზღვრება 24,110,0 ათასი ლარით, შემდეგი ცხრილის შესაბამისად:

 ბ) „დანართი 11.9 – მოზრდილთა ფსიქიატრიული სტაციონარული მომსახურების თვის ბიუჯეტი, მიმწოდებლის მიხედვით“ ჩამოყალიბდეს შემდეგი რედაქციით:

„დანართი 11.9 – მოზრდილთა ფსიქიატრიული სტაციონარული მომსახურების თვის ბიუჯეტი, მიმწოდებლის მიხედვით:

3. №21 დანართის („ქრონიკული დაავადებების სამკურნალო მედიკამენტებით უზრუნველყოფა“):

ა) მე-3 მუხლის პირველი პუნქტის:

ა.ა)  „ზ.ა“ ქვეპუნქტი ჩამოყალიბდეს შემდეგი რედაქციით:

„ზ.ა) ფარმაცევტული პროდუქტის ტრანსპორტირება საქართველოს საბაჟო ტერიტორიიდან საწყობამდე, მიღება, შენახვა და პროგრამის ამ მუხლის პირველი პუნქტის „ზ.ა¹“ ქვეპუნქტით განსაზღვრული სერვისის მიმწოდებელზე გაცემა;“;

ა.ბ) „ზ.ა“ ქვეპუნქტის შემდეგ დაემატოს შემდეგი შინაარსის „ზ.ა¹“ და „ზ.ა²“ ქვეპუნქტები:

„ზ.ა¹) ფარმაცევტული პროდუქტის ტრანსპორტირება თბილისისა და რეგიონების მასშტაბით, მათ შორის, საწყობიდან საკუთარი/ ქვეკონტრაქტორის ფარმაცევტულ ქსელში გაცემა პროგრამის მოსარგებლეებზე;

ზ.ა²) ფარმაცევტული პროდუქტის საქართველოს საბაჟო ტერიტორიაზე გაფორმება;“;

ბ)  მე-5 მუხლის:

ბ.ა) მე-2 პუნქტი ჩამოყალიბდეს შემდეგი რედაქციით:

„2. პროგრამის მე-3 მუხლის პირველი პუნქტით გათვალისწინებული საქონლის მიწოდება ბენეფიციართათვის, ასევე მე-3 მუხლის პირველი პუნქტის „ზ.ა¹“ ქვეპუნქტით გათვალისწინებული მომსახურება ხორციელდება არამატერიალიზებული სამედიცინო ვაუჩერის მეშვეობით.“;

ბ.ბ) მე-2 პუნქტის შემდეგ დაემატოს  შემდეგი შინაარსის 2¹ პუნქტი:

„2¹. მე-3 მუხლის პირველი პუნქტის „ზ.ა²“ ქვეპუნქტით გათვალისწინებული მომსახურება ხორციელდება სააგენტოს მიერ.“;

გ)  მე-6 მუხლი ჩამოყალიბდეს შემდეგი რედაქციით:

„მუხლი 6. მომსახურების მიმწოდებელი

1. პროგრამის მე-3 მუხლის პირველი პუნქტით გათვალისწინებული მომსახურების მიმწოდებელი განისაზღვრება ამავე პროგრამის მე-5 მუხლის პირველი პუნქტის შესაბამისად.

2. პროგრამის მე-3 მუხლის პირველი პუნქტის „ზ.ა¹“ ქვეპუნქტით გათვალისწინებული მომსახურების მიმწოდებელია პირი, რომელიც აკმაყოფილებს სათანადო საქმიანობისთვის კანონმდებლობით დადგენილ მოთხოვნებსა და მინისტრის შესაბამისი ბრძანებით განსაზღვრულ კრიტერიუმებს, ეთანხმება ვაუჩერის პირობებს, მზადაა მომსახურების მიწოდება განახორციელოს უსასყიდლოდ და პროგრამის განმახორციელებელს წერილობით დაუდასტურებს პროგრამაში მონაწილეობის სურვილს.

3. პროგრამის მე-3 მუხლის პირველი პუნქტის „ზ.ბ“ და „ზ.გ“ ქვეპუნქტებით გათვალისწინებული მომსახურების მიმწოდებელი განისაზღვრება ამავე პროგრამის მე-5 მუხლის მე-3 პუნქტის შესაბამისად.“;

დ) მე-9 მუხლის:

დ.ა) მე-2 პუნქტი ჩამოყალიბდეს შემდეგი რედაქციით:

„2. პროგრამის მე-3 მუხლის პირველი პუნქტის „ზ.ა“ ქვეპუნქტით გათვალისწინებული მომსახურების მიმწოდებელმა უნდა უზრუნველყოს ფარმაცევტული პროდუქტის მიღებისა და შენახვის ორგანიზაციულ-ტექნიკური საკითხების უზრუნველყოფა.“;

დ.ბ) მე-2 პუნქტის შემდეგ დაემატოს შემდეგი შინაარსის 2¹ პუნქტი:  

„2¹. პროგრამის მე-3 მუხლის პირველი პუნქტის „ზ.ა¹“ ქვეპუნქტით გათვალისწინებული მომსახურების მიმწოდებელმა უნდა უზრუნველყოს:

ა) მინისტრის შესაბამისი ბრძანებით განსაზღვრული ფარმაცევტული პროდუქტის შეუფერხებელი მიწოდება ქ. თბილისსა და რეგიონებში საკუთარი ან/და ქვეკონტრაქტორი ფარმაცევტული ქსელის მეშვეობით;

ბ) განმახორციელებლის მიერ შესყიდული ფარმაცევტული პროდუქტის გაცემა/განაწილება ბენეფიციარებზე განახორციელოს ერთიან ელექტრონულ სისტემაში არსებული ინფორმაციის (მონაცემების) და თვითონ ბენეფიციარის ან მისი ნდობით აღჭურვილი პირის მიერ წარდგენილი პირადობის დამადასტურებელი დოკუმენტ(ებ)ისა და ექიმის რეცეპტის წარდგენის საფუძველზე;

გ) ამ მუხლის მე-6 პუნქტით დადგენილი სხვა პირობების შესრულება.“;

დ.გ) მე-5 პუნქტის შემდეგ დაემატოს შემდეგი შინაარსის მე-6 პუნქტი:  

„6. პროგრამის მე-3 მუხლის პირველი პუნქტის „ზ.ა“ და „ზ.ა¹“ ქვეპუნქტებით განსაზღვრული მომსახურების მიწოდების პირობები, ასევე მომსახურების მიმწოდებელთა კრიტერიუმები და სხვა (მ.შ. საგამონაკლისო) პირობები განისაზღვრება მინისტრის ინდივიდუალური ადმინისტრაციულ-სამართლებრივი აქტის საფუძველზე.“.