დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
2019 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2018 წლის 31 დეკემბრის №693 დადგენილებაში ცვლილების შეტანის თაობაზე | |
---|---|
დოკუმენტის ნომერი | 166 |
დოკუმენტის მიმღები | საქართველოს მთავრობა |
მიღების თარიღი | 29/03/2019 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 02/04/2019 |
სარეგისტრაციო კოდი | 470000000.10.003.021181 |
|
„2019 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2018 წლის 31 დეკემბრის №693 დადგენილებაში ცვლილების შეტანის თაობაზე
|
მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „2019 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2018 წლის 31 დეკემბრის №693 დადგენილებაში (www.matsne.gov.ge, 31/12/2018, 470000000.10.003.021008) შეტანილ იქნეს ცვლილება და დადგენილებით დამტკიცებული „2019 წლის ჯანმრთელობის დაცვის სახელმწიფო პროგრამების“:
1. №11 დანართის („ფსიქიკური ჯანმრთელობა“): ა) დანართი 11.5 – (სათემო ამბულატორიული ფსიქიატრიული სერვისისთვის ბიუჯეტი, მიმწოდებლის მიხედვით (2019 წლის 1 მარტამდე)) და დანართი 11.51 – (სათემო ამბულატორიული ფსიქიატრიული მომსახურების თვის ბიუჯეტი, მიმწოდებლის მიხედვით (2019 წლის 1 მარტიდან)) ჩამოყალიბდეს შემდეგი რედაქციით: „დანართი 11.5 − სათემო ამბულატორიული ფსიქიატრიული სერვისისთვის ბიუჯეტი, მიმწოდებლის მიხედვით (2019 წლის 1 მარტამდე):
დანართი 11.51 − სათემო ამბულატორიული ფსიქიატრიული მომსახურების თვის ბიუჯეტი, მიმწოდებლის მიხედვით (2019 წლის 1 მარტიდან):
ბ) დანართი 11.8 – („თემზე დაფუძნებული მობილური გუნდის კომპონენტისთვის ბიუჯეტი, მიმწოდებლების მიხედვით“) და დანართი 11.9 – („მოზრდილთა ფსიქიატრიული სტაციონარული მომსახურების თვის ბიუჯეტი, მიმწოდებლის მიხედვით“) ჩამოყალიბდეს შემდეგი რედაქციით: „დანართი 11.8 − თემზე დაფუძნებული მობილური გუნდის კომპონენტისთვის ბიუჯეტი, მიმწოდებლების მიხედვით
დანართი 11.9 – მოზრდილთა ფსიქიატრიული სტაციონარული მომსახურების თვის ბიუჯეტი, მიმწოდებლის მიხედვით
2. №18 დანართის („სოფლის ექიმი“): ა) მე-3 მუხლის „ა.ა.ა“ ქვეპუნქტი ჩამოყალიბდეს შემდეგი რედაქციით: „ა.ა.ა) ამავე ბრძანების დანართ №2-ით („ექიმის ჩანთა“) განსაზღვრული გადაუდებელი ამბულატორიული მომსახურებისათვის აუცილებელი მედიკამენტები და სამედიცინო დანიშნულების საგნები (გარდა დანართ 18.3-ით განსაზღვრული საექიმო პუნქტებისა);“; ბ) მე-5 მუხლი ჩამოყალიბდეს შემდეგი რედაქციით: „მუხლი 5. პროგრამის განხორციელების მექანიზმი 1. პროგრამით განსაზღვრული მომსახურების შესყიდვა, გარდა მე-3 მუხლის „ა.ა“ ქვეპუნქტისა, ხორციელდება „სახელმწიფო შესყიდვების შესახებ“ საქართველოს კანონის 101 მუხლის მე-3 პუნქტის „დ“ ქვეპუნქტის შესაბამისად. ხოლო ამ პროგრამის მე-3 მუხლის „ა.ა“ ქვეპუნქტით განსაზღვრული მომსახურების/საქონლის შესყიდვა ხორციელდება „სახელმწიფო შესყიდვების შესახებ“ საქართველოს კანონის შესაბამისად. 2. პროგრამის მე-3 მუხლის „ა.ა.ა“ და „ა.ა.ბ“ ქვეპუნქტებით განსაზღვრული გადაუდებელი ამბულატორიული მომსახურებისათვის აუცილებელი მედიკამენტებისა და სამედიცინო დანიშნულების საგნების სრული კომპლექტი და ექიმის ჩანთა შესყიდულ და გადაცემულ იქნეს ერთჯერადად, ამასთან: ა) განმახორციელებლის მიერ მე-3 მუხლის „ა.ა.ა“ ქვეპუნქტით განსაზღვრული გადაუდებელი ამბულატორიული მომსახურებისათვის აუცილებელი მედიკამენტებისა და სამედიცინო დანიშნულების საგნების (გარდა ტონომეტრისა და გლუკომეტრისა) კომპლექტის შევსება განხორციელდება 6 თვეში ერთხელ, გადაუდებელი ამბულატორიული მომსახურებისათვის აუცილებელი მედიკამენტებისა და სამედიცინო დანიშნულების საგნების ხარჯვის შესაბამისად; ბ) მომსახურების მიმწოდებელი ვალდებულია, ამ პუნქტის „ა“ ქვეპუნქტით განსაზღვრულ 6 თვემდე პერიოდში უზრუნველყოს პაციენტი გადაუდებელი ამბულატორიული მომსახურებისათვის აუცილებელი მედიკამენტებითა და სამედიცინო დანიშნულების საგნებით მარაგის სრულად ამოწურვის შემთხვევაშიც.“; გ) მე-8 მუხლი ჩამოყალიბდეს შემდეგი რედაქციით: „მუხლი 8. პროგრამის ბიუჯეტი პროგრამის ბიუჯეტი განისაზღვრება 26,000.0 ათასი ლარით, შემდეგი ცხრილის შესაბამისად:
დ) მე-9 მუხლის პირველი პუნქტი ჩამოყალიბდეს შემდეგი რედაქციით: „1. პროგრამის მე-3 მუხლის „ა“ ქვეპუნქტის მიმწოდებელი ვალდებულია, აწარმოოს ცალკეული დაკონტრაქტებული საექიმო პუნქტის ფარგლებში მიმაგრებული კონტინგენტის აღრიცხვა (მათ შორის, ასაცრელი კონტინგენტის) და რუტინული ვაქცინაციის მიმდინარეობის შესახებ ინფორმაცია, დადგენილი ფორმისა და წესის შესაბამისად, მიაწოდოს რეგიონულ/რაიონულ სჯდ ცენტრებს. ამასთან, წითელას კომპონენტის შემცველი ვაქცინის 1 დოზით ვაქცინაციის მიზნით, პროგრამის მე-3 მუხლის „ა“ ქვეპუნქტის მიმწოდებელი ვალდებულია, მოახდინოს მიმაგრებული კონტინგენტის იმუნიზაციის ერთიან ელექტრონულ სისტემაში დარეგისტრირება და წითელაზე აცრის სტატუსის აღრიცხვა. მომსახურების ზედამხედველობა ხორციელდება გეგმურ ამბულატორიულ შემთხვევათა ზედამხედველობის წესის შესაბამისად.“. 3. 18.4 დანართით („სპეცდაფინანსებაზე მყოფი სამედიცინო დაწესებულებები“) განსაზღვრული ცხრილის 24-ე პუნქტი ჩამოყალიბდეს შემდეგი რედაქციით:
4. 18.5 დანართი („შიდა ქართლის სოფლების ამბულატორიული ქსელის ხელშეწყობა და განვითარება“) ჩამოყალიბდეს შემდეგი რედაქციით: „დანართი 18.5 – შიდა ქართლის სოფლების ამბულატორიული ქსელის ხელშეწყობა და განვითარება
|
მუხლი 2 |
დადგენილება ამოქმედდეს გამოქვეყნებისთანავე, ხოლო პირველი მუხლის პირველი პუნქტის მოქმედება გავრცელდეს 2019 წლის 1 იანვრიდან წარმოშობილ ურთიერთობებზე.
|
|
დოკუმენტის კომენტარები