„გურჯაანის მუნიციპალიტეტის მოსახლეობის მინიმალური სოციალური დახმარების 2019 წლის პროგრამის დამტკიცების შესახებ“ გურჯაანის მუნიციპალიტეტის საკრებულოს 2019 წლის 1 მარტის №10 დადგენილებაში ცვლილებების შეტანის თაობაზე

დადგენილების  მე-5 მუხლის პირველი პუნქტი ჩამოყალიბდეს შემდეგი რედაქციით:

,,1. მოქალაქეთა სამედიცინო მომსახურების (გარდა ონკოლოგიური დაავადებების) თანადაფინანსების სამიზნე ჯგუფები, დაფინანსების წესი:

ა) სოციალურად დაუცველი ოჯახების მონაცემთა ერთიან ბაზაში რეგისტრირებული პირები, რომელთა ფაქტობრივი საცხოვრებელია გურჯაანის მუნიციპალიტეტი მათი მოქმედი სარეიტინგო ქულა არ აღემატება 160 000-ს, ბენეფიციარებზე გასაცემი თანხა შეადგენს სამედიცინო მომსახურების ღირებულების 50%-ს, არაუმეტეს 500 ლარის;

ბ) მეორე მსოფლიო ომის, საქართველოს ტერიტორიული მთლიანობისა და დამოუკიდებლობისათვის ბრძოლის ვეტერანი; ბენეფიციარებზე გასაცემი თანხა შეადგენს სამედიცინო მომსახურების ღირებულების 50%-ს, არაუმეტეს 500 ლარის;

გ) 0-18 წლამდე ასაკის დაუნის სინდრომის,  7 წლამდე ასაკის ბავშვთა   ადრეული  განვითარების შეფერხების და აუტისტური სპექტრის აშლილობის მქონე ბავშვთა  რეაბილიტაცია-აბილიტაციის თანადაფინანსება განისაზღვროს – წლიური ლიმიტი – 1000 ლარის ოდენობით;

დ) ბენეფიციარები,  რომლებიც არ განეკუთვნებიან ა, ბ და გ ქვეპუნქტებით განსაზღვრულ კატეგორიებს, მათზე სამედიცინო მომსახურების დაფინანსებისთვის გაიცემა 800 ლარამდე  სამედიცინო მომსახურების  ღირებულების 50% არაუმეტეს 200 ლარის, 801 ლარიდან 1500 ლარამდე – 250 ლარი,  1501 ლარზე მეტი – 350 ლარი.''.

დადგენილების  მე-6 მუხლის პირველი პუნქტი ჩამოყალიბდეს შემდეგი რეაქციით:

,,1. სოციალურად დაუცველი ოჯახების საჭირო მედიკამენტებით თანადაფინანსების წესი:

ა) სოციალურად დაუცველი ოჯახების მონაცემთა ერთიან ბაზაში რეგისტრირებული  0-დან 120000-მდე ქულის მქონე პირის და მსოფლიო ომის, საქართველოს ტერიტორიული მთლიანობისა და დამოუკიდებლობისათვის ბრძოლის მონაწილის  მედიკამენტების დაფინანსება მოხდეს  მედიკამენტების  ღირებულების 50%-ით არაუმეტეს 100 ლარისა წელიწადში  ერთხელ.

 ბ) პირის, რომელიც არ არის რეგისტრირებული სოციალურად დაუცველი ოჯახების მონაცემთა ერთიან ბაზაში მედიკამენტების დაფინანსება მოხდეს  მედიკამენტების  ღირებულების 50%-ით არაუმეტეს 50 ლარისა წელიწადში  ერთხელ.''.