საჩხერის მუნიციპალიტეტის ადმინისტრაციული ერთეულის სოფელ კორბოულში მდებარე უბნისათვის ,,გორაძირი“-ს სახელის მინიჭების თაობაზე

საჩხერის მუნიციპალიტეტის საკრებულოს

განკარგულება №54 9

2019 წლის 27 თებერვალი

 ქ. საჩხერე

საჩხერის მუნიციპალიტეტის ადმინისტრაციული ერთეულის სოფელ კორბოულში მდებარე უბნისათვის ,,გორაძირი“ სახელის მინიჭების თაობაზე

„ ადგილობრივი თვითმმართველობის კოდექსი “ საქართველოს ორგანული კანონის 24-ე მუხლის პირველი პუნქტის „ ა.ე“ ქვეპუნქტის და ,,მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის № 239 დადგენილების შესაბამისად , საჩხერის მუნიციპალიტეტის საკრებულომ გადაწყვიტა:

მუხლი 1. საჩხერის მუნიციპალიტეტის ადმინისტრაციული ერთეულის სოფელ კორბოულში მდებარე უბანს მიენიჭოს სახელი ,,გორაძირი“ (დანართი: რუკა თან ერთვის).

მუხლი 2. განკარგულება გაეგზავნოს საჩხერის მუნიციპალიტეტის მერიას, საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირებს –   სახელმწიფო სერვისების განვითარების სააგენტოსა და საჯარო რეესტრის ეროვნულ სააგენტოს, საქართველოს შინაგან საქმეთა სამინისტროს, საქართველოს ცენტრალურ საარჩევნო კომისიას.

მუხლი 3. საჩხერის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

მუხლი 4. განკარგულება ძალაში შედის ხელმოწერისთანავე.

მუხლი 5. განკარგულება მისი მიღებიდან 10 დღის ვადაში გამოქვეყნდეს „ საქართველოს საკანონმდებლო მაცნეს“ ვებგვერდზე.

საჩხერის მუნიციპალიტეტის

საკრებულოს თავმჯდომარე                                           ლევან ივანაშვილი