,,წყალტუბოს მუნიციპალიტეტის ტერიტორიაზე გარე რეკლამის განთავსების ნებართვის შემოღების შესახებ’’ წყალტუბოს მუნიციპალიტეტის საკრებულოს 2015 წლის 27 ნოემბერის №72 დადგენილებაში ცვლილების შეტანის შესახებ

1.დადგენილების პრეამბულა ჩამოყალიბდეს შემდეგი რედაქციით:

 ,,საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 ნაწილის „ჟ“ პუნქტის, 61-ე მუხლის მე-2 ნაწილის, „რეკლამის შესახებ“ საქართველოს კანონის მე-6 მუხლის მე-3 პუნქტის, „ლიცენზიებისა და ნებართვების შესახებ“ საქართველოს კანონის 24-ე მუხლის 53-ე პუნქტის, 26^​1 მუხლის,  ,,მკაცრი აღრიცხვის ფორმების შეახებ’’ საქართველოს კანონის მე-8 მუხლის პირველი პუნქტის, ,,საქართველოს ზოგადი ადმინისტრაციული კოდექსის’’ 61-ე მუხლის შესაბამისად, წყალტუბოს მუნიციპალიტეტის საკრებულო ადგენს:“

2. დადგენილებით დამტკიცებული წესის  (დანართი №1) პირველი  მუხლი ჩამოყალიბდეს შემდეგი რედაქციით:

,,მუხლი 1. რეგულირების სფერო

1.ეს წესი შემუშავებულია „რეკლამის შესახებ“ და „ლიცენზიებისა და ნებართვების შესახებ“ საქართველოს კანონების შესაბამისად და განსაზღვრავს წყალტუბოს მუნიციპალიტეტის (შემდგომში – მუნიციპალიტეტი) ტერიტორიაზე არსებულ სახელმწიფო ან თვითმ­მართველი ერთეულის საკუთრებაში არსებულ მიწის ნაკვეთზე ან სხვა ქონებაზე გარე რეკლამის განთავსების ნებართვის გაცემის წესს.

2. გარე რეკლამის ნებართვის ფორმების რეგისტრაციისა და აღრიცხვის წესი განისაზღვრება  ,,მკაცრი აღრიცხვის ფორმების ნუსხის, მკაცრი აღრიცხვის ფორმების რეგისტრაციის წესისა და მკაცრი აღრიცხვის ფორმების რეგისტრაციის ჟურნალის ფორმის დამტკიცების თაობაზე“  საქართველოს ფინანსთა მინისტრის 2005 წლის 2 აგვისტოს  №669 ბრძანების შესაბამისად.“

3. დადგენილებით დამტკიცებული წესის  (დანართი №1)   მე-2 მუხლის ,,ე“ და ,,ვ“ ქვეპუნქტები  ჩამოყალიბდეს შემდეგი რედაქციით:

„ ე) გარე რეკლამის განთავსების ნებართვის გამცემი – წყალტუბოს მუნიციპალიტეტის მერი;

ვ) აუქციონი – გარე რეკლამის განთავსების ნებართვის გასაცემად წყალტუბოს მუნიციპალიტეტის მერის სამართლებრივი აქტით გამოცხადებული ვაჭრობა, რომლის ჩატარების მიზანია დადგენილი ნორმებისა და წესების დაკმაყოფილების ვალდებულების აღებისა და ყველაზე მაღალი ფასის (ფიქსირებული ფასი ან შემოსავლიდან პროცენტი) წარმოდგენის საფუძველზე გამოავლინოს ის ფიზიკური ან/და იურიდიული პირი, რომელსაც მიეცემა გარე რეკლამის განთავსების ნებართვა;“.

4. დადგენილებით დამტკიცებული წესის  (დანართი №1)  მე-5 მუხლის:

ა)  მე-2 პუნქტი   ჩამოყალიბდეს შემდეგი რედაქციით: 

„2. გარე რეკლამის განთავსებისათვის ნებართვის მოსაპოვებლად აუქციონის გამოცხადება ხდება წყალტუბოს მუნიციპალიტეტის მერის ინდივიდუალური ადმინისტრაციულ-სამართლებრივი აქტით.“;

ბ) მე-5 პუნქტი   ჩამოყალიბდეს შემდეგი რედაქციით:

„5. გარე რეკლამის განთავსების ნებართვას აუქციონში გამარჯვებულ პირზე გასცემს წყალტუბოს მუნიციპალიტეტის მერი.“;

გ) მე-7 პუნქტი   ჩამოყალიბდეს შემდეგი რედაქციით:

„7. გარე რეკლამის განთავსების ნებართვის გაცემასთან დაკავშირებით წინამდებარე წესით განსაზღვრულ დისკრეციულ უფლებამოსილებათა ფარგლებში ყველა გადაწყვეტილება (კონკრეტულ შემთხვევაში ნებართვა უნდა გაიცეს გარე რეკლამის გავრცელების გეგმის საფუძველზე თუ მის გარეშე და სხვა) დადგენილი წესით მიიღება წყალტუბოს მუნიციპალიტეტის მერის მიერ.“.

5. დადგენილებით დამტკიცებული წესის  (დანართი №1) -  მე-6 მუხლის:

ა)  მე- 4 პუნქტი  ჩამოყალიბდეს შემდეგი რედაქციით: 

„4. ამ მუხლის 1-ლი პუნქტის „გ“ ქვეპუნქტით გათვალისწინებულ შემთხვევაში, გარე რეკლამის ტექნიკური საშუალებების განთავსების ადგილები და მის განთავსებასთან დაკავშირებული საკითხები როგორც წესი, განისაზღვრება წინამდებარე წესის მე-4 მუხლის შესაბამისად დამტკიცებული გარე რეკლამის გავრცელების გეგმით, ხოლო მისი მთლიანად ან ნაწილობრივ არარსებობის შემთხვევაში, გარე რეკლამის გავრცელების გეგმით გაუთვალისწინებელ ნაწილში გარე რეკლამის ტექნიკური საშუალებების განთავსების ადგილები განისაზღვრება ნებართვის მფლობელის მიერ წყალტუბოს მუნიციპალიტეტის მერთან  შეთანხმებით. აღნიშნულის შესაბამისად გარე რეკლამის განთავსების ადგილების განსაზღვრა შესაძლებელია განხორციელდეს ერთდროულად ან ეტაპობრივად.“;

ბ) მე-7  პუნქტი  ჩამოყალიბდეს შემდეგი რედაქციით: 

„7. გარე რეკლამის განთავსების ნებართვის ფასს ნებართვის მფლობელი იხდის წყალტუბოს მუნიციპალიტეტის ბიუჯეტის შესაბამის სახაზინო ანგარიშზე. გარე რეკლამის განთავსების ნებართვის ფასის გადახდის საკითხები დეტალურად განისაზღვრება აუქციონის გამოცხადების შესახებ მერის მიერ მიღებული სამართლებრივი აქტით.“

6.დადგენილებით დამტკიცებული წესის  (დანართი №1)  მე-7 მუხლი  ჩამოყალიბდეს შემდეგი რედაქციით:

„მუხლი 7. გარე რეკლამის განთავსების ნებართვის ვადა

გარე რეკლამის განთავსების ნებართვის მოქმედების ვადა განისაზღვრება არანაკლებ 1 წლისა და არაუმეტეს 15 წლის ვადით. გარე რეკლამის განთავსების ნებართვის მოქმედების კონკრეტული ვადა განისაზღვრება გარე რეკლამის ნებართვის გაცემის შესახებ აუქციონის გამოცხადების თაობაზე წყალტუბოს მუნიციპალიტეტის მერის მიერ გამოცემული სამართლებრივი აქტით.“.

7. დადგენილებით დამტკიცებული წესის (დანართი №1) მე-9 მუხლის პირველ პუნქტს დაემატოს შემდეგი შინაარსის 1¹ პუნქტი:

„1¹.„ საავტომობილო გზების შესახებ“ საქართველოს კანონის 22-ე მუხლის თანახმად, საავტომობილო გზებზე, გზისპირა ზონებში  (გზის ღერძიდან 100 მეტრი ორივე მხარეს) გზების მფლობელთან შეუთანხმებლად აკრძალულია გარე რეკლამის განთავსება.“.

 8. დადგენილებით დამტკიცებული წესის  (დანართი №1)  მე-10 მუხლის პირველი  პუნქტი  ჩამოყალიბდეს შემდეგი რედაქციით:

 „1. სანებართვო პირობების შესრულებაზე კონტროლს ახორციელებს წყალტუბოს მუნიციპალიტეტის მერიის ზედამხედველობის სამსახური  საქართველოს კანონმდებლობის, წყალტუბოს მუნიციპალიტეტის საკრებულოსა და წყალტუბოს მუნიციპალიტეტის მერის მიერ მიღებული გადაწყვეტილებების შესაბამისად.“

9 .დადგენილებით დამტკიცებული წესის  (დანართი №1)  მე-11 მუხლის პირველი, მე-2 და მე-3 პუნქტები  ჩამოყალიბდეს შემდეგი რედაქციით:

„1. ფიზიკური ან კერძო სამართლის იურიდიული პირის ან სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან/და სხვა უძრავ ქონებაზე გარე რეკლამის განთავსების საკითხი საჭიროებს წყალტუბოს მუნიციპალიტეტის მერთან სავალდებულო შეთანხმებას.

2. ფიზიკური ან კერძო სამართლის იურიდიული პირის ან სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან/და სხვა უძრავ ქონებაზე გარე რეკლამის განთავსებით დაინტერესებულმა პირმა წყალტუბოს მუნიციპალიტეტის მერიის  სივრცითი მოწყობის, ინფრასტრუქტურის, არქიტექტურისა  და კეთილმოწყობის სამსახურის სივრცითი მოწყობისა და არქიტექტურის განყოფილებას 2 ეგზემპლარად უნდა წარუდგინოს:

ა) პირადობის მოწმობის ასლი (იურიდიული პირის შემთხვევაში – დირექტორის (ხელმძღვანელის) პირადობის მოწმობის ასლი;

ბ) საკუთრებაში არსებული მიწის ნაკვეთის ან/და სხვა უძრავი ქონების ამონაწერი საჯარო რეესტრიდან და საკადასტრო გეგმა (საერთო საკუთრებაში არსებულ ქონებაზე ასევე სხვა თანამესაკუთრეების მიერ დადგენილი წესით გაცემული თანხმობა);

გ) საკუთრებაში არსებული მიწის ნაკვეთის ან/და სხვა უძრავი ქონების სიტუაციური გეგმა (A3 ფორმატზე, ფერადი) სათანადო დეტალიზაციითა და სამეზობლო საზღვრების ჩვენებით;

დ) იურიდიული პირის შემთხვევაში დამატებით იურიდიული პირის წესდების სათანადო წესით დამოწმებული ასლი და ამონაწერი მეწარმეთა და არასამეწარმეო იურიდიულ პირთა რეესტრიდან;

ე) გარე რეკლამის პროექტი (ესკიზი) A3 ფორმატზე, ფერადი.

3. ფიზიკური ან კერძო სამართლის იურიდიული პირის ან სხვა ორგანიზაციული წარმონაქმნის საკუთრებაში არსებულ მიწის ნაკვეთზე ან/და სხვა უძრავ ქონებაზე გარე რეკლამის განთავსების საკითხზე გადაწყვეტილებას წერილის სახით ღებულობს წყალტუბოს მუნიციპალიტეტის მერი. გარე რეკლამის განთავსების ან განთავსებაზე უარის შესახებ გადაწყვეტილება მიიღება ამ მუხლის მე-2 პუნქტით გათვალისწინებული დოკუმენტაციის წარდგენიდან 14 სამუშაო დღის ვადაში. გადაწყვეტილების პროექტს ამზადებს წყალტუბოს მუნიციპალიტეტის მერიის  სივრცითი მოწყობის, ინფრასტრუქტურის, არქიტექტურისა  და კეთილმოწყობის სამსახური. მიღებული გადაწყვეტილება (წერილის ასლი) ეგზავნება განმცხადებელს, რომელსაც დადებითი გადაწყვეტილების შემთხვევაში თან ერთვის განმცხადებლის მიერ წარდგენილი დოკუმენტაციის მერიის შესაბამისი ბეჭდით დამოწმებული 1 ეგზემპლარი.“

10. დადგენილებით დამტკიცებული გარე რეკლამის განთავსების სანებართვო მოწმობის ფორმა  (დანართი №2)  ჩამოყალიბდეს ახალი რედაქციით (თან ერთვის).

(ნებართვის მიმღები და მისი მისამართი)

 _________________________________________________________________________________

  საფუძველი : _________________________________________________________________________   

ნებართვის მოქმედების ვადა :

 ––––––––––––––––––––––– –დან

––––––––––––––––––––––– –მდე

ნებართვა შედგენილია სამ ეგზემპლარად. ერთი ეგზემპლარი გადაეცემა ნებართვის მიმღებს,

ხოლო თითო ეგზემპლარი ინახება წყალტუბოს მუნიციპალიტეტის საკრებულოსა და მერიაში.

სანებართვო პირობები:

_________________________________________________________________________________

_________________________________________________________________________________

_________________________________________________________________________________

_________________________________________________________________________________

_________________________________________________________________________________

_________________________________________________________________________________

_________________________________________________________________________________

ნებართვა გაცემულია 20    წლის ,,______’’   ,,__________________’’

––––––––––––––––––––––––––                                                                  

 (ნებართვის მიმღები)                        

–––––––––––––––––––––––––

(ნებართვის გამცემი)

  ბეჭდის ადგილი

შენიშვნა:  __________________________________________________________________________________  

დამკვეთი: წყალტუბოს მუნიციპალიტეტის მერია

დამამზადებელი:

სფს-ს რეგისტრაციის № .