,,სპეზიალიზებული სააგენტოების პრივილეგიებისა და იმუნიტეტების კონვენციასთან შეერთების თაობაზე“ საქართველოს პარლამენტის 2007 წლის 28 თებერვლის№4402–Iს დადგენილებაში ცვლილების შეტანის შესახებ“

საქართველოს პარლამენტის დადგენილება

„სპეზიალიზებული სააგენტოების პრივილეგიებისა და იმუნიტეტების კონვენციასთან შეერთების თაობაზე“ საქართველოს პარლამენტის 2007 წლის 28 თებერვლის №4402–Iს დადგენილებაში ცვლილების შეტანის შესახებ

საქართველოს პარლამენტი ადგენს:

1. „სპეციალიზებული სააგენტოების პრივილეგიებისა და იმუნიტეტების კონვენციასთან შეერთების თაობაზე“ საქართველოს პარლამენტის 2007 წლის 28 თებერვლის №4402–Iს დადგენილების ტექსტი ჩამოყალიბდეს შემდეგი რედაქციით:

„1. საქართველოს შეუერთდეს „სპეციალიზებული სააგენტოების პრივილეგიებისა და იმუნიტეტების კონვენციას“.

2. კონვენციის 43-ე მუხლის შესაბამისად, საქართველოსათვის კონვენციის პირობები გამოიყენება გაეროს შემდეგი სპეციალიზებული სააგენტოების მიმართ:

– შრომის საერთაშორისო ორგანიზაცია (ILO);

– გაეროს სურსათისა და სოფლის მეურნეობის ორგანიზაცია (FAO);

– გაეროს საგანმანათლებლო, სამეცნიერო და კულტურის ორგანიზაცია (UNESCO);

– მსოფლიო ჯანდაცვის ორგანიზაცია (WHO);

– მსოფლიო ბანკის ჯგუფი (World Bank Group):

ა) რეკონსტრუქციისა და განვითარების საერთაშორისო ბანკი (IBRD);

ბ) განვითარების საერთაშორისო ასოციაცია (IDA);

გ) საერთაშორისო საფინანსო კორპორაცია (IFC);

დ) მრავალმხრივი საინვესტიციო გარანტიის სააგენტო (MIGA);

ე) საინვესტიციო დავების მოგვარების საერთაშორისო ცენტრი (ICSID);

– საერთაშორისო სავალუტო ფონდი (IMF);

– სამოქალაქო ავიაციის საერთაშორისო ორგანიზაცია (ICAO);

– საერთაშორისო საზღვაო ორგანიზაცია (IMO);

– ტელეკომუნიკაციის საერთაშორისო გაერთიანება (ITU);

– საერთაშორისო საფოსტო კავშირი (UPU);

– მსოფლიო მეტეოროლოგიური ორგანიზაცია (WMO);

– მსოფლიო ინტელექტუალური საკუთრების ორგანიზაცია (WIPO);

– სოფლის მეურნეობის განვითარების საერთაშორისო ფონდი (IFAD);

– გაეროს ინდუსტრიული განვითარების ორგანიზაცია (UNIDO);

– გაეროს მსოფლიო ტურიზმის ორგანიზაცია (UNWTO).“.

2. ეს დადგენილება ამოქმედდეს გამოქვეყნებისთანავე.

საქართველოს პარლამენტის

თავმჯდომარის მოადგილე მ. მაჭავარიანი

თბილისი,

2007 წლის 20 ივნისი.

№4972–Iს