დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„საჯარო სამართლის იურიდიული პირის - გარემოსდაცვითი ინფორმაციისა და განათლების ცენტრის დებულების დამტკიცების შესახებ” საქართველოს გარემოს დაცვისა და სოფლის მეურნეობის მინისტრის 2018 წლის 6 სექტემბრის N2-742 ბრძანებაში ცვლილების შეტანის თაობაზე | |
---|---|
დოკუმენტის ნომერი | 2-1078 |
დოკუმენტის მიმღები | საქართველოს გარემოს დაცვისა და სოფლის მეურნეობის მინისტრი |
მიღების თარიღი | 31/12/2018 |
დოკუმენტის ტიპი | საქართველოს მინისტრის ბრძანება |
გამოქვეყნების წყარო, თარიღი | ვებგვერდი, 03/01/2019 |
სარეგისტრაციო კოდი | 360160000.22.023.016563 |
|
„საჯარო სამართლის იურიდიული პირის –
გარემოსდაცვითი ინფორმაციისა და განათლების ცენტრის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2018 წლის 6 სექტემბრის №2-742 ბრძანებაში ცვლილების შეტანის თაობაზე
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ: |
მუხლი 1 |
„საჯარო სამართლის იურიდიული პირის – გარემოსდაცვითი ინფორმაციისა და განათლების ცენტრის დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2018 წლის 6 სექტემბრის №2-742 ბრძანებით (www.matsne.gov.ge, 360160000.22.023.016545, 10/09/2018) დამტკიცებულ დებულებაში შეტანილ იქნეს შემდეგი ცვლილება: |
1.
მე-2 მუხლის მესამე პუნქტის „ს" ქვეპუნქტი ჩამოყალიბდეს შემდეგი რედაქციით:
„ს) სამინისტროს ცენტრალური აპარატის, მისი ტერიტორიული ორგანოებისა და სისტემაში შემავალი უწყებების ინფორმაციული ტექნოლოგიების უზრუნველყოფა, კერძოდ: ერთიანი ინფორმაციული ტექნოლოგიური პოლიტიკისა და ინფორმაციული უსაფრთხოების პოლიტიკის შემუშავება, მათი დანერგვის უზრუნველყოფა, ტექნიკური და კომპიუტერული მოწყობილობების ტექნიკური უზრუნველყოფა, სერვისებისა და მოწყობილობების მონიტორინგი, არსებული სერვისების მხარდაჭერა და ახალი ინოვაციური სერვისების დანერგვა;“. |
2.
მე-7 მუხლის მე-3 პუნქტი ჩამოყალიბდეს შემდეგი რედაქციით:
„3. ცენტრის დირექტორს ჰყავს სამი მოადგილე, რომლებსაც თანამდებობაზე ნიშნავს და თანამდებობიდან ათავისუფლებს ცენტრის დირექტორი. დირექტორის არყოფნის ან მის მიერ სამსახურებრივი უფლებამოსილების განხორციელების შეუძლებლობის შემთხვევაში მის მოვალეობას ასრულებს დირექტორის ერთ-ერთი მოადგილე.“. |
3.
მე-8 მუხლს დაემატოს შემდეგი შინაარსის „დ“ ქვეპუნქტი:
„დ) ინფორმაციული ტექნოლოგიების სამსახური“. |
4.
მე-9 მუხლს დაემატოს შემდეგი შინაარსის 31 პუნქტი:
„31 . ინფორმაციული ტექნოლოგიების სამსახური ახორციელებს სამინისტროს ცენტრალური აპარატის, მისი ტერიტორიული ორგანოებისა და სისტემაში შემავალი უწყებების ინფორმაციული ტექნოლოგიების უზრუნველყოფას, რაც მოიცავს: ა) ერთიანი ინფორმაციული ტექნოლოგიური პოლიტიკის შემუშავებასა და დანერგვის უზრუნველყოფას სამინისტროს ცენტრალურ აპარატში, ტერიტორიულ ორგანოებსა და სისტემაში შემავალ უწყებებში; ბ) ინფორმაციული უსაფრთხოების პოლიტიკის შემუშავებას და დანერგვის უზრუნველყოფას; გ) სამინისტროს საჭიროებებიდან გამომდინარე, ტექნიკური და კომპიუტერული მოწყობილობების ახალი ინოვაციური მოწყობილობებით ჩანაცვლებას და მათზე მონიტორინგის წარმოების უზრუნველყოფას; დ) სამინისტროში არსებული კომპიუტერული ქსელების, სისტემების ადმინისტრირებისა და მართვის უზრუნველყოფას, მათ შორის, მისი შიდა და გარე ქსელური პერიმეტრის დაცვას; ე) სამინისტროს ცენტრალური აპარატის, ტერიტორიული ორგანოების და სისტემაში შემავალი უწყებების შიდა და საჯარო რესურსებზე ხელმისაწვდომობის უზრუნველყოფას; ვ) არსებული და ახალი ინოვაციური სერვისების დანერგვის, მხარდაჭერის, მონაცემთა უწყვეტობისა და მათი უსაფრთხოების უზრუნველყოფას; ზ) ერთიანი, ცენტრალური მონაცემთა ბაზების შექმნასა და შესაბამისი ანგარიშგების უზრუნველყოფას; თ) სერვისების კატალოგების შექმნასა და მათზე წვდომის დონეების მართვას; ი) ტექნიკური მხარდაჭერის უზრუნველყოფას. |
მუხლი 2 |
ეს ბრძანება ამოქმედდეს გამოქვეყნებისთანავე. |
|
დოკუმენტის კომენტარები