„სამკერდე ნიშნის – „საქართველოს ომისა და სამხედრო ძალების ვეტერანი“ აღწერილობის და დებულების დამტკიცების შესახებ“ საქართველოს მთავრობის 2015 წლის 10 ნოემბრის №582 დადგენილებაში ცვლილების შეტანის თაობაზე

1. დადგენილების:

ა) სათაური ჩამოყალიბდეს შემდეგი რედაქციით:

„სამკერდე ნიშნის – „საქართველოს ომისა და თავდაცვის ძალების ვეტერანის“ აღწერილობისა და დებულების დამტკიცების შესახებ“;

ბ)  პირველი მუხლი ჩამოყალიბდეს შემდეგი რედაქციით:

„მუხლი 1. „ომისა და თავდაცვის ძალების ვეტერანების შესახებ“ საქართველოს კანონის 23-ე მუხლის შესაბამისად, დამტკიცდეს სამკერდე ნიშნის – „საქართველოს ომისა და თავდაცვის ძალების ვეტერანის“ აღწერილობა და დებულება დანართის შესაბამისად.“.

2. დადგენილებით დამტკიცებული სამკერდე ნიშნის  –   „საქართველოს ომისა და სამხედრო ძალების ვეტერანის“ აღწერილობისა და დებულების:

ა) სათაური ჩამოყალიბდეს შემდეგი რედაქციით:

„სამკერდე ნიშნის  –   „საქართველოს ომისა და თავდაცვის ძალების ვეტერანის“ აღწერილობა და დებულება“;

ბ) პირველი მუხლი ჩამოყალიბდეს შემდეგი რედაქციით:

„მუხლი 1. დადგენილება განსაზღვრავს ომისა და თავდაცვის ძალების ვეტერანების დამსახურების აღნიშვნის მიზნით დაწესებული სამკერდე ნიშნის – „საქართველოს ომისა და  თავდაცვის ძალების ვეტერანის“ (შემდგომში – სამკერდე ნიშანი) აღწერილობასა და დებულებას.“;

გ) მე-2 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ)  თავდაცვის ძალების ვეტერანებს;“;

დ) მე-5 მუხლის პირველი პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ავერსი:

სამკერდე ნიშანი – „საქართველოს ომისა და თავდაცვის ძალების ვეტერანი“ წარმოადგენს მრგვალი ფორმის თითბრის მედალიონს. სამკერდე ნიშანი დაყოფილია 4 ნაწილად:

პირველი მეოთხედი – ვერცხლის ველზე ხუთი წითელი ჯვარი და საქართველოს სახელმწიფო დროშა, როგორც სამოქალაქო სიმბოლო;

მეორე მეოთხედი – მეწამულ ველზე ვერცხლის ჩაფხუტი ჯაჭვით, როგორც ქართული მხედრობის დამცველის ზოგადი სიმბოლო;

მესამე მეოთხედი – მეწამულ ველზე გადაჯვარედინებული ვერცხლის შურდული და ვერცხლის ხმალი, როგორც ქართული ისტორიული მხედრული რეგალია;

მეოთხე მეოთხედი – ვერცხლის ველზე შვიდქიმიანი მეწამული ვარსკვლავი, როგორც თანამედროვე ქართული მხედრობის აღმნიშვნელი;

ცენტრში მოთავსებულია მცირე ფარი – მეწამულ ველზე გამოსახული ვერცხლის მხედარი (წმინდა გიორგი – საქართველოს სახელმწიფო გერბის მთავარი სიმბოლო).

სამკერდე ნიშანი შემოსარტყლულია ლაჟვარდი ველით;“.