„თეთრიწყაროს მუნიციპალიტეტის 2018 წლის ბიუჯეტის დამტკიცების შესახებ“ თეთრიწყაროს მუნიციპალიტეტის საკრებულოს 2017 წლის 22 დეკემბრის №191 დადგენილებაში ცვლილების შეტანის თაობაზე

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა (ხარჯები) 5664,0  ათასი ლარის ოდენობით

ბ) განისაზღვროს მუნიციპალიტეტის ბიუჯეტის არაფინანსური აქტივების კლება (შემოსავლები)  45.0 ათასი ლარის ოდენობით:

ბ) განისაზღვროს მუნიციპალიტეტის ბიუჯეტის ფინანსური აქტივების კლება (გარდამავალი ნაშთი)   2154,7 ათასი ლარის ოდენობით.

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის - 100.0  ათასი ლარი;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის  - 112.4  ათასი ლარი;

გ) „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“, „საქართველოს ოკუპირებული ტერიტორიებიდან იძულებით გადაადგილებულ პირთა − დევნილთა შესახებ“, „მაღალმთიანი რეგიონების განვითარების შესახებ“ და სხვა საქართველოს კანონებით განსაზღვრული უფლებამოსილების განხორციელებისათვის - 4.6 ათასი ლარი.

2. „საქართველოს საბიუჯეტო კოდექსის“ 69-ე მუხლის საფუძველზე, წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

თეთრიწყაროს მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტია. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია,  გარე განათების მოწყობა, რეაბილიტაცია,  ექსპლოატაცია, წყლის სისტემის რეაბილიტაცია-ექსპლუატაცია. მუნიციპალური ინფრასტრუქტურის  მშენებლობისა და რეაბილიტაციის გარდა პრიორიტეტის ფარგლებში განხორციელდება არსებული ინფრასტრუქტურის მოვლა, შენახვა და დაფინანსდება მის ექსპლოატაციასთან დაკავშირებული ხარჯები.   

1.1. საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

პროგრამის ფარგლებში განხორციელდება თეთრიწყაროს  მუნიციპალიტეტში არსებული რეაბილიტირებული ცენტრალური გზების მდგომარეობის შენარჩუნება. ზამთრის პერიოდში განხორციელდება  გზების ტენიკური მარილით დამუშავება, ხოლო დიდთოვლობის შემთხვევაში ჭარბი თოვლისგან  გაწმენდა, აღნიშნულ ღონისძიებისთვის განსაზღვრულია 32,5 ათასი ლარი. საქართველოს მუნიციპალური განვითარების ფონდსა და თეთრიწყაროს მუნიციპალიტეტს შორის 2015 წელს გაფორმებული საინვესტიციო ხელშეკრულებით ნაკისრი ვალდებულების შესასრულებლად (სესხის დაფარვა) გათვალისწინებულია 203,3 ათასი ლარი. საპროექტო დოკუმენტაციისა და სამშენებლო სამუშაოების ტექნიკური ზედამხედველობის მომსახურების შესყიდვა 108.8 ათასი ლარი. საპროექტო-სახარჯთაღრიცხვო დოკუმენტაციის მოსამზადებლად 65.0 ათასი ლარი.

„საქართველოს  რეგიონებში განსახორციელებელი  პროექტების ფონდიდან  ადგილობრივი თვითმმართველი   ერთეულებისათვის  თანხის  გამოყოფის  შესახებ“  საქართველოს მთავრობის 2017 წლის    15 დეკემბრის  N 2627  განკარგულებით გამოყოფილი  1801,2  ათასი ლარიდან 2018  წელს 95.4 ათასი  ლარით დაფინანსდება:

• ქალაქ  თეთრიწყაროში, თავდადებულის ქუჩის რეაბილიტაცია-მოასფალტებაზე 80.6  ათასი ლარი, ამავე პროექტის განსახორციელებლად ადგილობრივი ბიუჯეტიდან თანადაფინანსების სახით განისაზღვროს 14.8  ათასი ლარი. 
• ქალაქ თეთრიწყაროში, გამსახურდიას, პუშკინის, წერეთლის და რუსთაველის ჩიხის რეაბილიტაცია - მოასფალტებაზე 14.8 ათასი ლარი, ამავე პროექტის განსახორციელებლად ადგილობრივი ბიუჯეტიდან თანადაფინანსების სახით განისაზღვროს 3,7  ათასი ლარი.
•  „საქართველოს რეგიონებში განსახორციელებელი პროექტების  ფონდიდან მუნიციპალიტეტისათვის თანხების გამოყოფის შესახებ”  2017 წლის 15 დეკემბრის N 2626  განკარგულების შესაბამისად სოფელ კოდაში  გამავალი გზის სარეაბილიტაციო სამუშაოებისათვის გამოყოფილი 300.7 ათასი ლარიდან 2018 წელს გათვალისწინებულ იქნეს 28.7 ათასი ლარი.

„საქართველოს  რეგიონებში განსახორციელებელი  პროექტების ფონდიდან  მუნიციპალიტეტებისათვის   თანხის გამოყოფის  შესახებ“   საქართველოს მთავრობის  2017 წლის 22 ივნისის  N 1280  განკარგულების საფუძველზე გამოყოფილი საპროექტო დოკუმენტაციისა და სამშენებლო სამუშაოების ტექნიკური ზედამხედველობის მომსახურების შესყიდვაზე გამოყოფილი 130,6 ათასი ლარიდან 2018 წელს გათვალისწინებული იქნას  0.6 ათასი ლარი

სოფელ ასურეთში, ყაზბეგის ქუჩის სარეაბილიტაციო სამუშაოებისთვის განისაზღვროს 160.0 ათასი ლარი.

„საქართველოს რეგიონებში განსახორციელებელი  პროექტების ფონდიდან  ადგილობრივი თვითმმართველი   ერთეულებისათვის  თანხის  გამოყოფის  შესახებ“  საქართველოს მთავრობის 2018 წლის 18 იანვრის  N136  განკარგულებით (ცვლილება 11.07.2018 N 1397;   23,08,2018 N 1666;  და 18.12.2018  N2407  განკარგულება)    გამოყოფილი  3262,6   ლარით და ადგილობრივი ბიუჯეტიდან გამოყოფილი  167,8  ათასი ლარით დაფინანსდეს შემდეგი პროექტები:

• სოფ. ქოსალარში მისასვლელი ცენტრალური გზის მოასფალტება - 1589,0 ათასი ლარი;
• ქ. თეთრიწყაროში დუმბაძის  ქუჩისა და ჩიხის რეაბილიტაცია - 189,1 ათასი ლარი;
• ქ. თეთრიწყაროში ჯავახიშვილის ქუჩის დარჩენილი ნაწილის და ჩიხების რეაბილიტაცია - 132,06 ათასი ლარი;
• სოფ. მაწევანში მისასვლელი ცენტრალური გზის მოასფალტება - 771,7ათასი ლარი;
• სოფელ ახალშენის გზის რეაბილიტაცია - 434,5 ათასი ლარი;
• სოფ. ასურეთში რუსთაველის ქუჩის რეაბილიტაცია - 314,0 ათასი ლარი.

1.2.   კომუნალური ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 02)

პროგრამის ფარგლებში განხორციელდება წყლის სისტემის რეაბილიტაცია, სანიაღვრე არხების მოწყობა, გარე განათების ქსელის მოვლა-შენახვა და დაფინანსდება მის ექსპლოატაციასთან დაკავშირებული ხარჯები.  უზრუნველყოფილი იქნება მუნიციპალიტეტის ტერიტორიის დასუფთავება.

1.2.1.  წყლის სისტემის რეაბილიტაცია და ექსპლოატაცია (პროგრამული კოდი 03 02 01)

ქვეპროგრამის ფარგლებში დაგეგმილია თეთრიწყაროს მუნიციპალიტეტის ტერიტორიაზე  წყალსადენების  (სასმელი წყლის)  ქსელის  მოვლა-შენახვა. ბიუჯეტის ფარგლებში 449,0 ათასი ლარით დაფინანსდება ააიპ „თეთრიწყარო-წყალი“, რომელიც ემსახურება მუნიციპალიტეტის  ტერიტორიაზე  წყალსადენების ქსელის რეაბილიტაციას   და მათ   მოვლა-შენახვას.

სოფელ ქოსალარში სასმელი წყლის ჭაბურღილისა და სისტემის მოწყობის სამუშაოებისთვის განისაზღვროს 43,0 ათასი ლარი  (2017-2018 წ.წ.).

სოფელ ჩხიკვთაში სასმელი წყლის ჭაბურღილისა და სისტემის მოწყობის სამუშაოებისთვის განისაზთვროს 14,0 ათასი ლარი  (2017-2018 წ.წ.).

ტექ. პირობის ასაღებად განისაზღვროს 7.0 ათასი ლარი.

წყალმომარაგების სისტემის საპროექტო სახარჯთაღრიცხვო დოკუმენტების მოსამზადებლად განისაზღვროს 52.0 ათასი ლარი.  

1.2.2.   საკანალიზაციო სისტემების მოწყობა რეაბილიტაცია და სანიაღვრე არხების      გაწმენდა (პროგრამული კოდი 03 02 02)

ქვეპროგრამის ფარგლებში დაგეგმილია  თეთრიწყაროში მდებარე სანიაღვრე არხების გაწმენდითი სამუშაოები.  ბიუჯეტის ფარგლებში დაგეგმილია  თეთრიწყაროს ტერიტორიაზე  სანიაღვრე არხების გაწმენდითი სამუშაოები, რომლისათვისაც გათვალისწინებულია 5,6 ათასი ლარი.

„მაღალმთიანი დასახლების განვითარების ფონდიდან მუნიციპალიტეტისათვის  თანხის გამოყოფის შესახებ“  საქართველოს მთავრობის 2017 წლის 6 აპრილის N693 განკარგულების თანახმად თეთრიწყაროს მუნიციპალიტეტისათვის დაბა მანგლისში თამარ მეფის ქუჩის,  სტალინის ქუჩის, დემეტრაშვილის ქუჩის საკანალიზაციო სისტემის მოწყობის სამუშაოებისათვის   განსაზღვრული 300.0 ათასი ლარიდან 2018 წელს დაფინანსდეს 292.8 ათასი ლარი.

„მაღალმთიანი დასახლების განვითარების ფონდიდან მუნიციპალიტეტისათვის თანხის გამოყოფის შესახებ“  საქართველოს მთავრობის 2018 წლის 3 მაისის N955 განკარგულების თანახმად თეთრიწყაროს მუნიციპალიტეტისათვის გამოყოფილი 516,9 ათასი ლარიდან 382,9  ათასი ლარით დაფინანსდეს დაბა მანგლისში გვრიტიშვილის, გურამიშვილის,  დემეტრაშვილის, თამარ მეფის ქუჩების  სრულად და იოანე მანგლელის  ქუჩაზე მდებარე  მრავალბინიანი საცხოვრებელი  სახლების მაგისტრალურ საკანალიზაციო ქსელზე დაერთების  სამუშაოები, ამავე პროექტის  განსახორციელებლად  ადგილობრივი ბიუჯეტიდან  თანადაფინანსების სახით  განისაზღვროს  სამუშაოების ღირებულების  5% -  20,2 ათასი ლარი.

1.2.3. გარე განათების მოწყობა, რეაბილიტაცია და ექსპლოატაცია (პროგრამული კოდი 03 02 03)

დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს მუნიციპალიტეტის განათება, ქვეპროგრამის ფარგლებში 83.5  ათასი ლარით  დაფინანსდება გარე განათების  არსებული ქსელის   მოვლა - შენახვა.   193.6 ათასი ლარით დაფინანსდება  გარე განათების ქსელის მიერ გახარჯული  ელ ენერგიის ღირებულება. 

„მაღალმთიანი დასახლების განვითარების ფონდიდან მუნიციპალიტეტისათვის თანხის გამოყოფის შესახებ“  საქართველოს მთავრობის  2018 წლის 3  მაისის N955 განკარგულების (ცვლილება 17 აგვისტოს  N1623 და 18 დეკემბერის N2406 განკარგულებით) თანახმად თეთრიწყაროს მუნიციპალიტეტისათვის გამოყოფილი  134,3  ათასი ლარიდან  41,8 ათასი ლარით  დაფინანსდება ქ. თეთრიწყაროს დარჩენილი ნაწილის,  ასევე სოფელ ჯვარაში  და სოფელ  ორბეთში (ეკლესიის უბნის) გარე განათების მოწყობის  სამუშაოები, ამავე პროექტის განსახორციელებლად ადგილობრივი ბიუჯეტიდან  თანადაფინანსების სახით  განისაზღვროს  სამუშაოების ღირებულების 5%  -  2,2 ათასი ლარი.

ქსელზე დაერთების მომსახურებაზე განსაზღვრულ იქნეს 3.0  ათასი ლარი

1.2.4.   დასუფთავების ღონისძიებები (პროგრამული კოდი 03 02 04)

მუნიციპალიტეტის ერთ-ერთ მთავარ ფუნქციას წარმოადგენს სანიტარიული მდგომარეობის გაუმჯობესება, 817.0 ათასი ლარით დაფინანსდება თეთრიწყაროს მუნიციპალიტეტის ყოველდღიური დაგვა-დასუფთავება და ნარჩენების გატანა,  ბუნკერების საყოფაცხოვრებო ნარჩენებისგან გათავისუფლება.

უმეთვალყურეოდ დარჩენილი ძაღლების მოვლა პატრონობაზე გათვალისწინებულია  21,2 ათასი ლარი.

ნაგავსაყრელის დასუფთავებისათვის გათვალისწინებულ იქნეს 17,6 ათასი ლარი.

ზერთული ხეების გადაბელვისთვის გათვალისწინებულ იქნეს 15,0 ათასი ლარი.

საქართველოს მუნიციპალური განვითარების ფონდსა და თეთრიწყაროს მუნიციპალიტეტს შორის 2016 წელს გაფორმებული საინვესტიციო ხელშეკრულებით ნაკისრი ვალდებულების შესასრულებლად (სესხის დაფარვა) გათვალისწინებულია 53,0 ათასი ლარი.

1.2.5. სტიქიის შედეგების სალიკვიდაციო ღონისძიებები  (პროგრამული კოდი 03 02 05)

სტიქიის შედეგების სალიკვიდაციო ღონისძიებების განხორციელების  მიზნით საქართველოს მთავრობის 2016 წლის 7 ივლისის  N1340 განკარგულებით გამოყოფილი 843,3 ათასი ლარიდან 2018 წელს განსაზღვრული იქნას 226.7 ათასი ლარი.

სტიქიის შედეგების სალიკვიდაციო ღონისძიებების განხორციელების თაობაზე საქართველოს მთავრობის 2017 წლის 15 ივნისის  N1213 განკარგულების თანახმად, თეთრიწყაროს მუნიციპალიტეტისათვის განსაზღვრული  115,0 ათასი ლარიდან 2018 წელს დაფინანსდეს 32.1 ათასი ლარი (სოფელ გოლთეთის გზის რეაბილიტაცია).

„სტიქიის შედეგების  სალიკვიდაციო  ღონისძიებების განხორციელების  თაობაზე“  2017  წელს მომხდარი სტიქიის შედეგად მიყენებული  ზიანის სალიკვიდაციო ღონისძიებების განხორციელების  მიზნით,  საქართველოს მთავრობის  2017 წლის 10 აგვისტოს  N 1679 განკარგულების საფუძველზე  გამოყოფილი  175.0 ათასი ლარიდან 2018 წელს 172.1 ათასი ლარით დაფინანსდეს  სოფელ დიდგორის, სოფელ კლდეისის და სოფელ  ზირბითის გზის სარეაბილიტაციო სამუშაოები.

1.3. მუნიციპალიტეტის კეთილმოწყობის ღონისძიებები (პროგრამული კოდი 03 03)

პროგრამის ფარგლებში განხორციელდება მუნიციპალიტეტის კეთილმოწყობა.

1.3.1. საბავშო ბაღების სპორტული მოედნების და ადმინისტრაციული შენობების, საცხოვრებელი და არასაცხოვრებელი შენობების რეაბილიტაცია (პროგრამული კოდი 03 03 01)

ქვეპროგრამის ფარგლებში განხორციელდება თეთრიწყაროს ტერიტორიაზე მდებარე საცხოვრებელი და არასაცხოვრებელი  შენობების  რეაბილიტაცია. მათ შორის, საბავშო ბაღების რეაბილიტაცია, მშენებლობა და მრავალბინიანი შენობების  სახურავების რეაბილიტაცია. ახალაშენებული საბავშო ბაღების კეთილმოწყობა.

„საქართველოს  რეგიონებში განსახორციელებელი  პროექტების ფონდიდან  ადგილობრივი თვითმმართველი ერთეულებისათვის თანხის გამოყოფის შესახებ“ საქართველოს მთავრობის  2016 წლის 4 თებერვლის  N175 განკარგულებით გამოყოფილი თანხიდან  2018 წელს დაფინანსდეს სოფელ ასურეთის  საბავშვო ბაღის მშენებლობა  - 12.7 ათასი ლარი, ხოლო ადგილობრივი ბიუჯეტიდან  8,3 ათასი ლარი.

ქალაქ თეთრიწყაროში მრავალბინიანი საცხოვრებელი სახლების სახურავების სარეაბილიტაციო სამუშაოებისთვის  განისაზღვროს 108,5 ათასი ლარი   (2017-2018 წ.წ.);

ქალაქ თეთრიწყაროში კოსტავას ქუჩა  N5-ში მდებარე მრავალბინიანი საცხოვრებელი სახლის პირველ სართულზე, მზრუნველობას მოკლებულთა სასადილოსა და ადმინისტრაციის მოსაწყობად საჭირო სამშენებლო სამუშაოებისთვის განისაზღვროს 82,7 ათასი ლარი (2017-2018 წ.წ.);

დ.მანგლისის სარიტუალო  დარბაზის  სახურავისა და სამზარეულოს  მოწყობის სამუშაოებისთვის განისაზღვროს  48,7 ათასი ლარი;

სპორტული მოედნების, სკვერების მოწყობის საპროექტო  სახარჯთაღრიცხვო დოკუმენტების მომზადებისათვის განისაზღვროს 5,0 ათასი ლარი.

სოფელ გოლთეთში, სოფელ ჭივჭავში  და ქ. თეთრიწყაროში („ნამტვრიანის“)  სტადიონების მოწყობის სამუშაოებისთვის  განისაზღვროს  140,1  ათასი  ლარი.

12.0 ათასი  ლარი განისაზღვროს მუნიციპალიტეტის საკუთრებაში არსებულ მიწის ნაკვეთებზე, ტოპოგრაფიული რუკების, მათზე განსათავსებელი შენობა-ნაგებობების აღნიშნულ რუკებზე ვერტიკალური და ჰორიზონტალური მიბმის ნახაზების, გენ.გეგმების და შესაბამისი გეოლოგიური დასკვნების მომზადების მომსახურების შესყიდვაზე.

ადმინისტრაციული შენობის (მერია) რეაბილიტაციისთვის საპროექტო-სახარჯთაღრიცხვო დოკუმენტაციის მოსამზადებლად განისაზღვროს  3.0  ათასი ლარი.

სოფელ შავსაყდრის, მაწევნის, ჯვარას, ალექსეევკას და ჭივჭავის სარიტუალო დარბაზების მშენებლობის დასრულების საპროექტო-სახარჯთაღრიცხვო დოკუმენტაციის  მოსამზადებლად განისაზღვროს   5.0  ათასი ლარი.

არასაცხოვრებელი შენობების სარეაბილიტაციო  სამუშაოებისათვის  საჭირო საპროექტო სახარჯთაღრიცხვო დოკუმენტების მომზადებისათვის განისაზღვროს 30,0 ათასი ლარი

შენობა-ნაგებობების მშენებლობის,  რეაბილიტაციის,  რეკონსტრუქციის,  სხვადასხვა სახის  ინფრასტრუქტურის  სამშენებლო და  სარეაბილიტაციო სამუშაოების საპროექტო-სახარჯთაღრიცხვო დოკუმენტაციის  მომზადებისათვის განისაზღვროს 40,0 ათასი ლარი.

„მაღალმთიანი დასახლების განვითარების ფონდიდან მუნიციპალიტეტისათვის  თანხის გამოყოფის შესახებ“  საქართველოს მთავრობის  2018 წლის 3  მაისის  N955 განკარგულების და  18 დეკემბერის #2406 განკარგულებით) თანახმად თეთრიწყაროს მუნიციპალიტეტისათვის გამოყოფილი  134,3  ათასი ლარიდან 85,74 ათასი ლარით  დაფინანსდეს ქ.თეთრიწყაროში  სამშვილდის  ტყე-პარკის სარეაბილიტაციო  სამუშაოები, ამავე პროექტის განსახორციელებლად ადგილობრივი ბიუჯეტიდან  თანადაფინანსების სახით  განისაზღვროს -  4,51 ათასი ლარი (სამუშაოების ღირებულების 5% ).

მრავალბინიანი საცხოვრებელი სახლების სახურავების გადახურვის სარეაბილიტაციო  სამუშაოებისათვის განისაზღვროს 45.4 ათასი ლარი

მერის ადმინისტრაციული შენობის ფასადის რეაბილიტაციისათვის განისაზღვროს 20,3 ათასი ლარი.

სოფელ ჭივჭავში საბავშვო ბაღის სარეაბილიტაციო სამუშაოებისა და მყარ საწვავზე მომუშავე ცენტრალური გათბობის სისტემის მოწყობისათვის განისაზღვროს 174,9 ათასი ლარი.

1.3.2. ურბანული ტერიტორიის მოწყობა,   (პროგრამული კოდი 03 03 02)

ქვეპროგრამის ფარგლებში გათვალისწინებულია ქ.თეთრიწყაროს ურბანულ განვითარებაში ადგილობრივი მოსახლეობისა და   ახალგაზრდების ჩართულობა.

ქვეპროგრამის ფარგლებში განხორციელდება ქ.თეთრიწყაროში, სოფელ კოდაში და დაბა მანგლისში 22,6 ათასი ლარის ღირებულების სამეთვალყურეო კამერების დამონტაჟება, აგრეთვე 20,0 ათასი ლარით განხორციელდება ქვემო  ქართლის რეგიონში  რეგიონალური განვითარების  სააგენტოს ფონდის თანადაფინანსება.

მუნიციპალიტეტის ტერიტორიაზე ადგილობრივი მნიშვნელობის საავტომობილო გზებზე სიჩქარის შემზღუდავი ბარიერების შესყიდვა-მონტაჟისათვის განისაზღვროს  4,9 ათასი ლარი.

თეთრიწყაროს მუნიციპალიტეტში (სოფ.კოდაში) და  ქალაქ თეთრიწყაროს შემოსასვლელში განთავსებული მანიშნებელი აბრების  სარეაბილიტაციო სამუშაოებისათვის გათვალისწინებულ იქნეს 3,9 ათასი ლარი

1.3.3.  მიწის აზომვითი და საპროექტო სამუშაოების  ხარჯები (პროგრამული კოდი 03 03 03)

ქვეპროგრამის ფარგლებში გათვალისწინებულია თეთრიწყაროს მუნიციპალიტეტში მდებარე  სასოფლო და არასასოფლო-სამეურნეო  დანიშნულების მიწების საკადასტრო აზომვითი ნახაზების - ღონისძიებების განხორციელებისათვის საჭირო ხარჯების დაფინანსება. აღნიშნული მომსახურებისთვის გათვალისწინებულია 4,7 ათასი ლარი.

1.3.4.  ა(ა)იპ „მუნიციპალიტეტის განვითარების ფონდი“  (პროგრამული კოდი 03 03 04)

ქვეპროგრამის ფარგლებში გათვალისწინებულია ა(ა)იპ „მუნიციპალიტეტის განვითარების ფონდი“-ს დაფინანსება, რომლის მიზანია მუნიციპალიტეტის ეკონომიკური, სოციალური, კულტურული განვითარების ხელშეწყობის მიზნით  მართვის ისეთი მექანიზმის დანერგვა, რომელიც ხელს შეუწყობს დასახული მიზნების მიღწევას; საქართველოსა და უცხოეთის მოქალაქეებისა და ორგანიზაციების ფულადი შემოწირულობებისა და სხვა ფინანსური საშუალებების  მოზიდვა. მუნიციპალური ან სხვა წყაროებიდან მიღებული სახსრებით მუნიციპალიტეტის განვითარებისათვის საჭირო პროექტების განხორციელება.

1.3.5. სოფლის მხარდაჭერის პროგრამის ფარგლებში განსახორციელებელი  ღონისძიებები  (პროგრამული კოდი 03 04)

„სოფლის  მხარდაჭერის  პროგრამის“  ფარგლებში საქართველოს  სახელმწიფო ბიუჯეტიდან  საქართველოს მთავრობის 2016 წლის 19 თებერვლის  N265 განკარგულებით  თეთრიწყაროს  მუნიციპალიტეტისათვის  განსაზღვრული 705,1 ათასი ლარიდან  2018 წელს  დაფინანსდება 85,4 ათასი ლარი.

2. განათლება (პროგრამული კოდი 04 00)

მომავალი თაობების აღზრდის მიმართულებით, დაწყებითი და ზოგადი განათლების გარდა, მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა.

2.1     სკოლამდელი განათლება (პროგრამული კოდი 04 01)

მუნიციპალიტეტში ამ ეტაპზე ფუნქციონირებს 16 საბავშვო ბაღი, სადაც სკოლამდელ განათლებას იღებს  750-მდე  ბავშვი.  ბიუჯეტის ფარგლებში მუნიციპალიტეტი სრულად დააფინანსებს ბაღების ფუნქციონირებასთან დაკავშირებულ ყველა ხარჯს.

3.  კულტურა, რელიგია, ახალგაზრდობის ხელშეწყობა და სპორტი (პროგრამული კოდი 05 00)

თეთრიწყაროს მუნიციპალიტეტის ინფრასტრუქტურული და ეკონომიკური განვითარების პარალელურად ერთად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული ობიექტების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლინება. ასევე ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს.

3.1.   სპორტის განვითარების ხელშეწყობა (პროგრამული კოდი 05 01)

პროგრამის ფარგლებში განხორციელდება ააიპ „თეთრიწყაროს სპორტული სკოლის”  ფინანსური მხარდაჭერა, რათა სკოლას, რომელიც აერთიანებს  11 სპორტულ  სექციას  და 200-მდე სპორტსმენს, ჰქონდეთ შესაძლებლობა უზრუნველყოს სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება.

2018 წლის განმავლობაში პროგრამის ფარგლებში გაიმართება სხვადასხვა სპორტული შეჯიბრებები.

3.2. კულტურის განვითარების ხელშეწყობა (პროგრამული კოდი 05 02)

 მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

3.2.1    მხარეთმცოდნეობის მუზეუმი (პროგრამული კოდი 05 02 01)                                            

2018 წლის განმავლობაში პროგრამის ფარგლებში დაფინანსდება ააიპ „თეთრიწყაროს მხარეთმცოდნეობის  მუზეუმი“,  რომელიც  იცავს  11000 -მდე  ექსპონატს.

3.2.2 სახელოვნებო სკოლები  (პროგრამული კოდი 05 02 02)                                                   

 ბიუჯეტის ფარგლებში დაფინანსდება   ააიპ „სახელოვნებო სკოლა“, სადაც ფუნქციონირებს 12 წრე.

 3.2.3 კულტურის  გაერთიანება  (პროგრამული კოდი 05 02 03)                                                            

 2018 წლის განმავლობაში ქვეპროგრამის ფარგლებში დაფინანსდება  თეთრიწყაროს მუნიციპალიტეტის ააიპ „თეთრიწყაროს მუნიციპალიტეტის  კულტურისა და საბიბლიოთეკო  დაწესებულებების  გაერთიანება - კულტურის ცენტრი",  რომელშიც   გაერთიანებულია  8 ბიბლიოთეკა და ფუნქციონირებს 12 წრე.

- 63,7 ათასი ლარით დაფინანსდება „დიდგორობის“ სადღესასწაულო ღონისძიება, ხოლო 14,5 ათასი ლარით „გარისობის“ და „მარაბდობის“ სადღესასწაულო ღონისძიებები.

- „საქართველოს ეროვნული ინტერნეტჩემპიონატ ეტალონის“  კონკურსის ჩასატარებლად განისაზღვრა 3,0 ათასი ლარი.

საახალწლო ღონისძიებისათვის (მათ შორის თეთრიწყაროს  მუნიციპალიტეტის საჯარო  სკოლების I-IV  კლასის მოსწავლეთა და ააიპ "სკოლამდელი აღზრდის ცენტრის" აღსაზრდელტატვის  საახალწლო სასაჩუქრე პაკეტის  შეძენის) განსაზღვრული იქნას  18,3 ათასი ლარი

3.2.4   რელიგია (პროგრამული კოდი 05 02 03)

პროგრამის ფარგლებში განხორციელდება საქართველოს საპატრიარქოს მანგლის-თეთრიწყაროს  საეპარქიო სამმართველოს ფინანსური მხარდაჭერა -27,0 ათასი ლარით.

3.2.5   მუსიკალური სკოლები  (პროგრამული კოდი 05 02 04)                                                    

პროგრამის ფარგლებში დაფინანსდება   ორი  მუსიკალური სკოლა - ააიპ „თეთრიწყაროს სამუსიკო სკოლა“ და ააიპ „მანგლისის სამუსიკო სკოლა“,  სადაც  სწავლობს  210-მდე მოსწავლე.

4. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათებით უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას

4.1. საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას. თეთრიწყაროს მუნიციპალიტეტში მდებარე საზოგადოებრივი ჯანდაცვისა და უსაფრთხო გარემოს  უზრუნველყოფის ცენტრი   ძირითადად 10 პროგრამას  აფინანსებს.

• C ჰეპატიტის ელიმინაციის ღონისძიებები.
• სანიტარიული ჰიგიენური ღონისძიებები.
• ტუბერკულოზის ეპიდზედამხედველობის  ღონისძიებები.
• მალარიის წინააღმდეგ ბრძოლის ღონისძიებები.
• ვერბალური აუტოფსიის ღონისძიებები.
• მოსახლეობის ანტირაბიული  დახმარების ხელშეწყობის  ღონისძიებები.
• ჯანმრთელობის ხელშეწყობის  და ცხოვრების  ჯანსაღი  წესის  დამკვიდრების  ღონისძიებები.
• ეპიდზედამხედველობის და ეპიდსიტუაციის  მართვის ღონისძიებები.
•  საზოგადროებივი მნიშვნელობის დაწესებულებებში ესთეტიკური და კოსმეტიკური პროცედურების  წარმოებისას ინფექციების  პრევენციისა და  კონტროლის ღონისძიებები.
• დეზინფექციისა და დერატიზაციის ღონისძიებები.

4.2. მოსახლეობის სოციალური უზრუნველყოფა (პროგრამული კოდი 06 02)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის გარკვეული შეღავათებითა და სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით და საცხოვრებელი ფართით უზრუნველყოფას, დემოგრაფიული მდგომარეობის გაუმჯობესების მიზნით მრავალშვილიანი ოჯახების დახმარებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

4.2.1. შეზღუდული შესაზლებლობის მქონე  პირების დახმარება,  მუნიციპალიტეტის მოსახლეობის სამედიცინო უზრუნველყოფის ერთჯერადი დახმარება (პროგრამული კოდი 06 02 01)  

ქვეპროგრამის ფარგლებში გათვალისწინებულია თეთრიწყაროს მუნიციპალიტეტის ტერიტორიაზე მცხოვრები მოსახლეობის გადაუდებელი სამედიცინო დახმარება.

4.2.2. ხანდაზმულთა (ეკონომიურად შეჭირვებულთა) სოციალური დაცვა     (პროგრამული კოდი 06 02 02)

ქვეპროგრამის ფარგლებში გათვალისწინებულია ა.ა.ი.პ. „მზრუნველობას მოკლებულთა სასადილოს“ დაფინანსება, რომლის მიზანია თეთრიწყაროს მუნიციპალიტეტში რეგისტრირებული და ფაქტიურად მცხოვრები სოციალურად დაუცველი ხანდაზმულებისა და ზოგადად, ეკონომიურად შეჭირვებული მოსახლეობის  დახმარება, კერძოდ,  ქალაქ თეთრიწყაროში  რეგისტრირებულ ბენეფიციართა ყოველდღიურად ცხელი საკვებით  უზრუნველყოფა  და  სოფლად  რეგისტრირებულ   ბენეფიციართა  ყოველთვიური  მშრალი პროდუქტებით  დახმარება.

4.2.3. მარჩენალდაკარგულ პირთა და  ოჯახებისა და ბავშვების  სოციალური დაცვა    (პროგრამული კოდი 06 02 03)      

ქვეპროგრამით გათვალისწინებულია ხუთი და მეტშვილიანი   ოჯახების  მცირეწლოვანი ბავშვების,  უდედმამო ბავშვების ყოველთვიური დახმარება  (18 წლამდე), აგრეთვე დედით, ან მამით ობოლი ბავშვების (18 წლამდე) ერთჯერადი დახმარება

4.2.4. დევნილთა და იძულებით გადაადგილებულ პირთა  დახმარება  (პროგრამული კოდი 06 02 04)

ქვეპროგრამის ფარგლებში გათვალისწინებულია იძულებით გადაადგილებული პირის გარდაცვალების შემთხვევაში  დაკრძალვის ხარჯებისთვის   ერთჯერადი დახმარება  250 ლარი

 4.2.5 გადაუდებელი აუცილებლობის, სტიქიის, უბედური და სხვა  ფორსმაჟორული  შემთხვევებისას  ნატურალური თუ ფულადი  ფორმით დახმარება (პროგრამული კოდი 06 02 05)           

გადაუდებელი აუცილებლობის, სტიქიის,  უბედური  და სხვა ფორსმაჟორული   შემთხვევებისას  ნატურალური თუ ფულადი  ფორმით დახმარება.

4.2.6 მეორე მსოფლიო ომისა და ქვეყნის ტერიტორიული მთლიანობისათვის მებრძოლი ან მათთან  გათანაბრებული  პირების  დახმარება (პროგრამული  კოდი 06 02 06) 

ქვეპროგრამის ფარგლებში გათვალისწინებულია მეორე მსოფლიო  ომის მონაწილეების,  ქვეყნის ტერიტორიული მთლიანობისათვის   მებრძოლთა  ან  მათთან გათანაბრებული პირების  გარდაცვალების შემთხვევაში  დაკრძალვის ხარჯები -  ომის მონაწილეზე   250 ლარი,  მათთან გათანაბრებულ პირებზე  100 ლარი.

4.2.7 სოციალურად დაუცველი ოჯახის წევრის  და იძულებით გადაადგილებული  პირის გარდაცვალების  შემთხვევაში დახმარება   (პროგრამული   კოდი 06 02 07)

იძულებით  გადაადგილებული პირის გარდაცვალების შემთხვევაში   დაკრძალვის   ხარჯი   250 ლარი,  სარეიტინგო  ქულის  მქონე სოციალურად  დაუცველი ოჯახების      წევრის გარდაცვალების  შემთხვევაში დაკრძალვის ხარჯი  -  100 ლარი.

5.  თავდაცვა, საზოგადოებრივი წესრიგი და უსაფრთხოება

 ქვეყნის თავდაცვისუნარიანობის ხარისხის ამაღლების ხელშეწყობის მიზნით  ხორციელდება წვევამდელთა ჯანმრთელობის  მდგომარეობის გამოკვლევა და მათი  გაწვევის პუნქტებამდე ტრანსპორტირების ღონისძიებები.

5.1  ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 03)

შეიარაღებული ძალების თავდაცვისუნარიანობის ამაღლების მიზნით ხორციელდება მოსწავლეთა პირველადი აღრიცხვა, წვევამდელთა გაწვევის პუნქტებამდე ტრანსპორტირება და სამედიცინო  შემოწმება, ასევე სარეზერვო ძალების მობილიზება.