„ჩოხატაურის მუნიციპალიტეტის 2018 წლის ბიუჯეტის დამტკიცების შესახებ“ ჩოხატაურის მუნიციპალიტეტის საკრებულოს 2017 წლის 28 დეკემბრის №53 დადგენილებაში ცვლილებებისა და დამატებების შეტანის თაობაზე

დადგენილებით დამტკიცებული დანართის პირველი, მე-2, მე-3, მე-4, მე-5, მე-6, მე-7, მე-8, მე-9, მე-10, მე-11, მე-12, მე-13 და მე-14 მუხლები ჩამოყალიბდეს თანდართული რედაქციით.

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 5888,7 ათასი ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 30.0  ათასი ლარის ოდენობით, მათ შორის:

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის – 80.0 ათასი ლარი;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“საქართველოს კანონებით განსაზღვრული უფლებამოსილების განხორციელებისათვის – 85,0 ათასი ლარი;

გ) „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“საქართველოს კანონით განსაზღვრული უფლებამოსილების განხორციელებისათვის – 10,0 ათასი ლარი;

დ) „იძულებით გადაადგილებულ პირთა – დევნილთა შესახებ“ საქართველოს კანონით განსაზღვრული უფლებამოსილების განხორციელებისათვის – 8,0 ათასი ლარი

• „საქართველოს საბიუჯეტო კოდექსის“ 69-ე მუხლის საფუძველზე წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, მუნიციპალური ინფრასტრუქტურის  მშენებლობისა და რეაბილიტაციის გარდა, პრიორიტეტის ფარგლებში განხორციელდება არსებული ინფრასტრუქტურის მოვლა შენახვა და დაფინანსდება მის ექსპლოატაციასთან დაკავშირებული ხარჯები.

1.1 საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

• პროგრამის ფარგლებში განხორციელდება გზების რეაბილიტაცია, მუნიციპალიტეტში არსებული რეაბილიტირებული გზების  მდგომარეობის შენარჩუნება. ზამთრის პერიოდში დიდთოვლიანობის შემთხვევაში განხორციელდება ჭარბი თოვლის საფარისაგან გზების განთავისუფლება.  განხორციელდება  დაბაში საგზაო მოძრაობის ნიშნების მოწესრიგება.სოფელ ჩხაკაურას საავტომობილო გზაზე მოეწყობა ცემენტო ბეტონის საფარი. სოფელ ქვემო ერკეთიდან მოედანას მიმართულებით სოფელ ბუკისციხის ცენტრამდე საავტომობილო გზაზე მოეწყობა ა/ბეტონის საფარი. სოფ. ჯვარცხმა ვაზიანის მიმართულებით განხორციელდება ა/ბეტონის მოწყობის სამუშაოები. სოფელ გორაბერეჟოულში, განხორციელდება სოფლის სასაფლაოსთან მიმავალი საავტომობილო გზის რეაბილიტაცია. 9 აპრილის I ჩიხში და დაბის სასაფლაოს მიმართულებით საავტომობილო გზის რეაბულიტაციის, 9 აპრილისა და დუმბაძის ქუჩის შეერთებაზე საავტომობილო გზის რეაბილიტაციის სამუშაოები  და  26 ბინიანი სახლის ეზოში ა/ბეტონის საფარის მოწყობა. ბურნათი-წიფნარის დამაკავშირებელი გზის  რეაბილიტაცია. ბერეჟოულის შესახვევიდან სოფელ გორას მიმართულებით დამაკავშირებელი გზის რეაბილიტაცია. სოფ. კოხნარი-ნაკადულის შიგა სასოფლო გზის რეაბილიტაცია და სოფ. საჭამიასერის ცენტრიდან კალაგონის მიმართულებით შიგა სასოფლო გზის რეაბილიტაცია.ჩოხატაურის მუნიციპალიტეტში, დაბა ჩოხატაურში, გოგებაშვილის ქუჩის  I ჩიხში საავტომობილო გზის კეთილმოწყობა, გოგიბერიძის ქუჩის გაგრძელებაზე მ. ახობაძის  უბანში საავტომობილო საავტომობილო გზის რეაბილიტაცია და ნიკო მარის ქუჩაზე საავტომობილო გზის კეთილმოწყობა.

ჩოხატაურის მუნიციპალიტეტში, სოფლების გორაბერეჟოული-ჯვარცხმის გზის სავალი ნაწილის აღდგენის სამუშაოები. 

ჩოხატაურის მუნიციპალიუტეტის ზომლეთის ადმინისტრაციულ ერთეულში, სოფელ ვანში შიდა გზაზე ა/ბეტონის საფარის მოწყობა.

მოსალოდნელი შედეგი:

მგზავრთა შეუფერხებელი, კომფორტული და უსაფრთხო გადაადგილების უზრუნველყოფა.

შედეგების შეფასების ინდიკატორი:

რეაბილიტირებული გზების სიგრძე.

1.2  კომუნალური ინფრასტრუქტურის მშენებლობა-რეაბილიტაცია და ექსპლუატაცია (პროგრამული კოდი 03 02)

პროგრამის ფარგლებში განხორციელდება გარე განათების არსებული ქსელის მოვლა შენახვა, დაფინანსდება მის ექსპლოატაციასთან დაკავშირებული ხარჯები, უზრუნველყოფილი იქნება მუნიციპალიტეტის დასუფთავება. მოხდება სკვერების მოვლა-შენახვა და ექსპლოატაცია.   

1.2.1. კომუნალური სამსახური „სხივი“ (პროგრამული კოდი 03 02 02)

ქვეპროგრამის განმახორციელებელი: ჩოხატაურის მუნიციპალიტეტის ა(ა)იპ ,,სხივი’’

მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო სანიტარული მდგომარეობის უზრუნველყოფა, კომუნალური სამსახური „სხივი“ ახორციელებს  მუნიციპალიტეტის ყოველდღიურ დაგვა-დასუფთავებას და ნარჩენების გატანას,  გარე განათების არსებული ქსელის  ექსპლოატაციას.

ქვეპროგრამის ფარგლებში განხორციელდება არსებული სკვერებისა და პარკების მოვლა, ახალი ხეების დარგვა და გამწვანების ზოლებში ყვავილებისა და სხვა დეკორატიული მცენარეების განაშენიანება, დაბის ტერიტორიაზე და მის შემოგარენში ხეების გადაბელვა-ფორმირება, ზეხმელი და ავარიული ხეების მონიშვნა,  შემდგომში მოჭრა–დამუშავება და გატანა.

მოსალოდნელი შედეგი:

განათებული ქუჩები;

მოსახლეობის გაუმჯობესებული სანიტარიული მდგომარეობა;

მუნიციპალიტეტის იერსახის გალამაზება.

შედეგების შეფასების ინდიკატორები:

დამონტაჟებული სანათების რაოდენობა;

განთავსებული სანაგვე ურნების რაოდენობა;

გატანილი ნარჩენების რაოდენობა (ტონა).

1.2.2 ა(ა)იპ – კურორტი „ბახმარო“ (პროგრამული კოდი 03 02 03)

ქვეპროგრამის განმახორციელებელი: ჩოხატაურის მუნიციპალიტეტის ა(ა)იპ ,,კურორტი ბახმარო’’

ქვეპროგრამის მიზანია კურორტ „ბახმაროს“ ინფრასტრუქტურის განვითარების ხელშეწყობა, არსებული ინფრასტრუქტურული ობიექტების  მოვლა-პატრონობა, შემეცნებითი, გასართობი და სპორტული დანიშნულების ობიექტების შექმნა, ტურიზმის განვითარების ხელშეწყობა, კომუნალური მომსახურების ეფექტური პირობების უზრუნველყოფა.

ქვეპროგრამის ფარგლებში მოხდება დამსვენებელთა მოზიდვა,  მოსახლეობის გაჯანსაღების,  დასვენების, სამედიცინო და კომუნალური მომსახურების ეფექტური პირობების უზრუნველყოფა. საკურორტო ინფრასტრუქტურის განვითარების ხელშეწყობა. კურორტის ტერიტორიის სანიტარულ-ჰიგიენური ნორმების დაცვა. საქუჩო განათების და წყალმომარაგების სისტემის მოვლა – პატრონობის ხელშეწყობა, ინდივიდუალური სააგარაკო სახლების და სხვა ობიექტების მშენებლობის კანონმდებლობასთან შესაბამისობის უზრუნველყოფის ხელშეწყობა.

მოსალოდნელი შედეგი:

კორორტ „ბახმაროს“ ინფრასტრუქტურის მოწესრიგება;

კურორტის დამსვენებლებისთვის გაუმჯობესებული სანიტარული პირობების უზრუნველყოფა;

ტურისტების რაოდენობის გაზრდა.

შედეგების შეფასების ინდიკატორები:

გატანილი ნარჩენების რაოდენობა (ტონა);

რეაბილიტირებული წყალმომარაგების ქსელი (გ/მ);

გაზრდილი ტურისტების რაოდენობა.

1.3. მუნიციპალიტეტის კეთილმოწყობის ღონისძიებები (პროგრამული კოდი 03 03)

პროგრამის ფარგლებში მოხდება სადღესასწაულო დღეებისათვის  დაბის ქუჩების  გაფორმება, მუნიციპალიტეტის საკუთრებაში არსებული სხვადასხვა შენობების რეაბილიტაცია და სხვა ღონისძიებები. მუნიციპალიტეტისათვის მნიშვნელოვანი და აუცილებელი კეთილმოწყობის ღონისძიებების სრულყოფილად და ეფექტურად განხორციელება.

1.3.1 შენობების ტექნიკური პასპორტების და მიწის საკადასტრო აზომვითი ნახაზების დამზადების და საინფორმაციო საშუალებების გამოქვეყნების ხარჯები (პროგრამული კოდი 03 03 01)

ქვეპროგრამის ფარგლებში მოხდება მუნიციპალიტეტის საკუთრებაში  არსებული შენობების და მიწის ფართების რეალიზაციისათვის აუცილებელია  შესაბამისი დოკუმენტაციის მომზადება, ქვეპროგრამის ფარგლებშიც ხორციელდება სარეალიზაციო ობიექტების ტექნიკური პასპორტების და მიწის ნაკვეთების საკადასტრო აზომვითი ნახაზების დამზადება და საინფორმაციო საშუალებებში გამოქვეყნება, დაბის განვითარებისა და პროექტირებისათვის,  ინფრასტრუქტურული სამუშაოების საპროექტო-სახარჯთაღრიცხვო დოკუმენტაციისა და აუდიტორული მომსახურების შესყიდვა. სამშენებლო სამუშაოების ტექნიკური ზედამხედველობის მომსახურების შესყიდვისა.

მოსალოდნელი შედეგი:

საპრივატიზაციო ობიექტების აღწერა;

შესყიდული საპროექტო დოკუმენტაციის მაღალი ხარისხი.

შედეგების შეფასების ინდიკატორი:

შესყიდული საპროექტო დოკუმენტაციის რაოდენობა;

პრივატიზებული ობიექტების რაოდენობა.

1.3.2 დაბის არქიტექტურული იერსახის მოწყობა (პროგრამული კოდი 03 03 02)

პროგრამის ფარგლებში დაფინანსდება დაბის არქიტექტურული იერსახის კონცეფციის შესაქმნელად საჭირო პროექტები.

1.3.3 მუნიციპალიტეტის კეთილმოწყობა (პროგრამული კოდი 03 03 03)

ქვეპროგრამის ფარგლებში მოხდება მაწანწალა ცხოველების დაჭერა და მათი გადაყვანა სპეციალიზირებულ თავშესაფარში, რითაც უზრუნველყოფილი იქნება მათი რაოდენობის მინიმუმამდე დაყვანა და შესაძლო საფრთხეების თავიდან აცილება. განხორციელდება: დაბასა და ადმინისტრაციულ ერთეულში კეთილმოწყობის სამუშაოები,  მუნიციპალიტეტის ტერიტორიაზე მოეწყობა  საგზაო ნიშნები  მოძრაობის წესების რეგულირებისათვის.  დაბაში, გოგიბერიძის ქუჩაზე მოეწყობა სპორტული მოედანი, მოხდება 9 აპრილის სკვერის რეაბილიტაცია, განხორციელდება ბორის პაიჭაძის სახელობის ცენტრალური სტადიონის ინფრასტრუქტურის მოწესრიგება, წერეთლის ქუჩაზე მოეწყობა ავტოსადგომი, დაბის ინფრასტრუქტურის განვითარებისთვის მოხდება შესაბისი პროექტის შედგენა. ჩოხატაურის მუნიციპალიტეტში კოსტავას ქუჩაზე განხორციელდება სასწრაფო დახმარების შენობის მშენებლობის მეორე ეტაპი. დაბის ადმინისტრაციულ ერთეულში ავტოსადგურის მიმდებარე ტერიტორიაზე განხორციელდება გზის და პარკის რეაბილიტაცია. მოეწყობა მერიის მიმდებარე ტერიტორია და გოგებაშვილის ქუჩაზე მინი საკალათბურთო სტადიონი.  მოეწყობა სამრევლო სკოლის და N1 საბავშვო ბაღის წინა ტერიტორიები. განხორციელდება ანა კალანდაძის სახელობის პარკის სამშენებლო სამუშაოები. ჩოხატაურის მუნიციპალიტეტის დაბა ჩოხატაურის ცენტრალურ მოედანზე მდებარე მუნიციპალიტეტის საკუთრებაში არსებულ რეაბილიტირებულ შენობაზე განხორციელდება საფასადე საათების შეძენა-მონტაჟი. დასრულდება დაბა ჩოხატაურში, გოგიბერიძის ქუჩაზე სპორტული მოედნის სარეაბილიტაციო სამუშაოები. დაბა ჩოხატაურში დუმბაძის ქუჩაზე მოეწყობა სასიგნალო ბოძკინტები. მოხდება  დაბა ჩოხატაურში, ჭავჭავაძის აღმართის კეთილმოწყობა; ჩოხატაურის მუნიციპალიტეტში მოსწავლე-ახალგაზრდობის სახლის რეაბილიტაცია. მხარეთმცოდნეობის მუზეუმის შენობის ფასადისა და სახურავის რეაბილიტაცია. სოფელ ფარცხმაში სასმელ-საყოფაცხოვრებო და სამეურნეო წყალმომარაგების გაუმჯობესება.  9 აპრილის სახელობის სკვერის რეაბილიტაცია და აგრარული ბაზრის მიმდებარე ტერიტორიის რებილიტაცია. ჩოხატაურის მუნიციპალიტეტში საბავშვო ბაღების რეაბილიტაცია.  პროგრამის მიზანია მუნიციპალიტეტისათვის მნიშვნელოვანი და აუცილებელი კეთილმოწყობის ღონისძიებების სრულყოფილად და ეფექტურად განხორციელება.

მოსალოდნელი შედეგი:

მუნიციპალიტეტის ადმინისტრაციულ ერთეულებში მოწესრიგებული იფრასტრუქტურული სივრცის შექმნა;

შედეგების შეფასების ინდიკატორი:

კეთილმოწყობილი ობიექტების რაოდენობა;

დაჭერილი და თავშესაფარში გადაყვანილი მაწანწალა ცხოველების რაოდენობა.

1.4 სოფლის მეურნეობის მხარდაჭერის პროგრამის ფარგლებში განსახორციელებელი პროექტები  (პროგრამული კოდი  03 09 )

პროგრამის ფარგლებში განხორციელდება სოფლის მეურნეობის განვითარება, მ.შ. სასოფლო სამეურნეო კოოპერატივების მხარდაჭერა. დადგინდება საკარანტინო მავნებლების გავრცელების არეალი და პერიოდები. ჩატარდება საინფორმაციო ხასიათის ღონისძიებები. დაინტერესებული ფერმერები მოინახულებენ საქართველოში არსებულ თანამედროვე ტექნოლიგიებით აღჭურვილ მეურნეობებს. მოეწყობა აგროტურები. დაინტერესებული პირები გაგზავნილი იქნებიან გადამზადების კურსებზე. მოხდება მათი თანადაფინასება. მოწვეული სპეციალისტები ჩაატარებენ ლექცია სემინარებს სხვადასხვა საკითხებთან დაკავშირებით.

მოსალოდნელი შედეგი:

მოსახლეობაში სასაფლო-სამეურნეო კოოპერატივის განვითარების ხელშეწყობა;

შესაბიმისი მიმართულებით გადამზადებული ფერმერები.

შედეგების შეფასების ინდიკატორი:

დაფუძნებული სასოფლო-სამეურნეო კოოპერატივების რაოდენობა;

გადამზადებული ფერმერების რაოდენობა.

1.5 სტიქიის შედეგების  სალიკვიდაციო  ღონისძიებების  დაფინანსება (პროგრამული კოდი 03 06 )

დასრულდება სტიქიის შედეგების სალიკვიდაციო ღონისძიებები. პროგრამის ფარგლებში განხორციელდება სტიქიის შედეგების სალიკვიდაციო ღონისძიებები. სტიქიის შედეგად დაზიანებული ინფრასტრუქტურული ობიექტების სარეაბილიტაციო სამუშაოები.

2. განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია, ინვენტარით უზრუნველყოფა, ახალი ბაღების გახსნა.

მოხდება მუნიციპალიტეტის სოფლებიდან ხელოვნებისა და სპორტულ სკოლებში გაერთიანებული მოსწავლეების ტრანსპორტით მომსახურება.

2.1 სკოლამდელი განათლების დაფინანსება (პროგრამული კოდი 04 01)

პროგრამის მიზანია საბავშვო ბაღებში სრულფასოვანი სააღმზრდელო გარემოს შექმნა, უზრუნველყოფილი იქნება მათი კეთილმოწყობა და კვალიფიციური პერსონალით მომსახურეობა. მუნიციპალიტეტის საბავშვო ბაღებში მატერიალურ ტექნიკური ბაზა გაუმჯობესდება.  

მუნიციპალიტეტში ამ ეტაპზე ფუნქციონირებს 19  საბავშვო ბაღი, სადაც დაწყებით განათლებას იღებს 710 ბავშვი. პროგრამის ფარგლებში მუნიციპალიტეტი აფინანსებს ბაღების ფუნქციონირებასთან დაკავშირებულ ყველა სხვა ხარჯს, მათ შორის მასწავლებელთა და აღმზრდელთა ხელფასებს და ბაღების სხვა მიმდინარე ხარჯებს. 

მოსალოდნელი შედეგი:

საბავშვო ბაღებში გაუმჯობესებული სააღმზრდელო პროცესი;

სრულყოფილი მატერიალურ-ტექნიკური ბაზა;

შედეგების შეფასების ინდიკატორი:

საბავშვო ბაღებში მიმდინარე პროცესების მიმართ დადებითად განწყობილ მშობელთა რაოდენობა;

საბავშვო ბაღებში აღსაზრდელთა რაოდენობის ზრდა.

2.2 განათლების სისტემის ხელშეწყობა (პროგრამული კოდი 04 02)

გათვალისწინებულია  მუნიციპალიტეტის ტერიტორიაზე არსებული დაწყებითი და ზოგადი განათლების მქონე დაწესებულებების სრულყოფილი ფუნქციონირებისათვის ხელშეწყობა. განხორციელდება ისეთი  ღონისძიებები, რომლებიც ხელს შეუწყობს საჯარო სკოლებში მოსწავლეების უფრო გააქტიურებას, სატრანსპორტო საშუალებებით გადადგილებასა და სხვა ღონისძიებების მოწყობას. მოხდება მუნიციპალიტეტის სოფლებიდან ხელოვნებისა და სპორტულ სკოლებში გაერთიანებული მოსწავლეების ტრანსპორტით მომსახურება.

მოსალოდნელი შედეგი:

საგანმანათლებლო და სააღმზდელო პროცესის, ასევე არასასკოლო განთლების მსურველთა მოტივაციის ამაღლება, აღსაზრდელთა და მოზარდთა შემეცნებით-საგანმანათლებლო დონის ამაღლება.

შედეგების შეფასების ინდიკატორი:

პროგრამაში ჩართულ პირთა რაოდენობა.

2.3 ა(ა)იპ – მოსწავლე-ახალგაზრდობის სახლი (პროგრამული კოდი 04 03)

2.4 საჯარო მოსამსახურეთა გადამზადების პროგრამა (პროგრამული კოდი 04 04)

საქართველოს ორგანული კანონის „ადგილობრივი თვითმმართველობის კოდექსი“ შესაბამისად პროგრამის ფარგლებში მოხდება მერიისა და საკრებულოს თანამშრომლების კვალიფიკაციის ამაღლების მიზნით სხვასასხვა მიმართულებით კადრების გადამზადება.

მოსალოდნელი შედეგი:

მუნიციპალიტეტის წარმომადგენლობით და აღმასრულებელ ხელისუფლებაში დასაქმებულ თანამშრომელთა ეფექტიანობის გაზრდა.

შედეგების შეფასების ინდიკატორი:

კვალიფიკაცია ამაღლებულ საჯარო მოსამსახურეთა რაოდენობა.

3. კულტურა, რელიგია ახალგაზრდული და სპორტული ღონისძიებები(პროგრამული კოდი 05 00)

3.1 სპორტის განვითარების ხელშეწყობა   (პროგრამული კოდი 05 01) პროგრამის ფარგლებშიგანხორციელდება სპორტსმენთა მომზადების ორგანიზაციული დამეთოდური ხელშეწყობა, სპორტულ ასოციაციასთან, კავშირებთან, სპორტულ ფედერაციებთან  და სხვადასხვა სპორტულ ორგანიზაციებთან თანამშრომლობა. კლუბების, ნაკრები გუნდების მომზადება და მონაწილეობა ქვეყნის და საერთაშორისო ასპარეზობებში.

პროგრამის ფარგლებში განხორციელდება სპორტული სკოლებისა და კლუბების ფინანსური მხარდაჭერა, რათა მათ ქონდეთ შესაძლებლობა უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება. განხორციელდება ლელობურთის და რაგბის განვითარების ხელშეწყობა;

3.1.1 სპორტის განვითარების ცენტრი (პროგრამის კოდი 05 01 04  01)

3.1.2 სასპორტო სკოლა (პროგრამული კოდი 05 01 04 02)

3.1.3 საფეხბურთო კლუბი „ბახმარო-2009“ (პროგრამის კოდი 05 01 04 03)

ქვეპროგრამის ფარგლებში ფინანსდება საფეხბურთო კლუბი „ბახმარო-2009” რომელიც მონაწილეობას ღებულობს საქართველოს ჩემპიონატის  რეგიონულ   ლიგაში. დაარსების დღიდან გუნდში იგრძნობოდა სპორტული დონის ამაღლების ტენდეცია, გუნდმა მიაღწია გარკვეულ შედეგებს, კერძოდ 2009-2010 წლების გათამაშებაში მე-5 ადგილი, 2011-2012 წლების გათამაშებაში მე-4 ადგილი. 2013-2014-2015 წლებში მე-6 ადგილი. 2017 წელს, მიმდინარე სეზონის დასრულებამდე რამდენიმე ტურით ადრე ,,ბახმარო-2009’’ თავის ლიგაში პირველ ადგილზე ასრულებს სეზონს და პრაქტიკულად განაღდებული აქვს მომალ წელს ზედა ლიგაში თამაში.

გამომდინარე აქედან გუნდს გააჩნია სათამაშო კლასის ამაღლების პოტენციალი და მიზნად ისახავს გარკვეულ წინსვლას.  მოხდება მწვრთნელთა კვალიფიკაციის ამაღლება და ამხანაგური მატჩების უფრო ხშირად ჩატარება.

ქვეპროგამის ფარგლებში, ასევე ფინანსდება ბავშვთა საფეხბურთო აკადემია სადაც სხვადასხვა ასაკობრივ კატეგორიებში 120 მოზარდია გაერთიანებული.

მოსალოდნელი შედეგი:

საფეხბურთო კლუბ „ბახმარო-2009“-ის სათამაშო ხარისხის კიდევ უფრო გაზრდა;

მოზარდებში ფეხბურთისადი დაინტერესების გაზრდა.

შედეგების შეფასების ინდიკატორი:

საფეხბურთო კლუბ „ბახმარო-2009“-ის კიდევ უფრო მაღალ ლიგაში დაწინაურება;

ბავშვთა საფეხბურთო აკადემიაში ჩართული მოზარდეობის რაოდენობის გაზრდა.

3.1.4. ჩოხატაურის მუნიციპალიტეტის სპორტისა და სპორტულ ღონისძიებათა ორგანიზების ცენტრი (პროგრამის კოდი 05 02 05)

ქვეპროგრამის ფარგლებში ფინანსდება ჩოხატაურის მუნიციპალიტეტის სპორტისა და სპორტულ ღონისძიებათა ორგანიზების ცენტრი, რომელიც ემსახურება მომავალი თაობების პროფესიონალ სპორტსმენებად  ჩამოყალიბებას,მოეწყობა შეჯიბრებები:

• ნარდი – მუნიციპალიტეტის პირველობა.
• ბილიარდი – მუნიციპალიტეტის პირველობა.
• ფუტზალი – ჩოხატაურელი იუნკერების მაკარ ბურჭულაძის, აკაკი და გედეონ ხუნდაზეების სახელობის ტურნირი.
• ჭადრაკი – მუნიციპალიტეტის პირველობა და რეგიონალურ შეჯიბრებებში მონაწილეობის მისაღებად მოჭადრაკეთა მივლინება.
• ბალახის ჰოკეი – 9 აპრილს დაღუპულ ნატო გიორგაძისადმი მიძღვნილი ტურნირი.
• მაგიდის ჩოგბურთი – მუნიციპალიტეტის პირველობა.
• ლელეო – მუნიციპალიტეტის პირველობა.
• საქართველოს დამოუკიდებლობის დღის 26 მაისისადმი მიძღვნილი სპორტული ღონისძიებები ცხენოსნობაში, ლელობურთში, ბაგირის გადაძალვაში და სხვა.
• ფეხბურთი – ვეტერან ფეხბურთელთა შეჯიბრი.
• მუნიციპალიტეტის პირველობა ფრენბურთში – რუსეთის აგრესიის შედეგად სამაჩაბლოში დაღუპული ჩოხატაურელი მებრძოლების ხსოვნისადმი მიძღვნილი ტურნირი.
• ტრადიციული დოღი და სხვა ღონისძიებები,  კურორტ ბახმაროში ფერისცვალების დღესასწაულთან დაკავშირებით.
• აფხაზეთის ომში დაღუპული ჩოხატაურელი მებრძოლების ხსოვნის ტურნირი ფეხბურთში.
• ბაზიერეობა – მუნიციპალიტეტის პირველობა  და სხვა ღონისძიებები.
•  აღნიშნული ცენტრი  აერთიანებს ძიუდოს,  მძლეოსნობის,  ბერძნულ-რომაული, თავისუფალი ჭიდაობის,   ქართული ჭიდაობის, ბალახის ჰოკეის, კალათბურთის, რაგბის, ფრენბურთის ჭადრაკის სპორტულ წრეებს. სასპორტო სკოლაში ფუნქციონისრებს 9  სპორტული სახეობის 18  სექცია,  სადაც გაერთიანებულია 295  მოსწავლე სპორტსმენი.
• მოსალოდნელი შედეგი:
• ჯანსაღი ცხოვრების წესის  დამკვიდრება;
• სპორტული ღონსძიებებისადმი ინტერესის ზრდა.
• შედეგების შეფასების ინდიკატორი:
• ჩატარებული სპორტული ღონისძიებების რაოდენობა;
• სპორტულ ღონისძიებებში ჩართული მოსახლეობის რაოდენობა.

3.2 კულტურის განვითარების ხელშეწყობა (პროგრამული კოდი 05 02)

მუნიციპალიტეტის კულტურული ტრადიციების დაცვის მიზნით პროგრამის ფარგლებში გაგრძელდება სხვადასხვა კულტურული ობიექტების ფინანსური მხარდაჭერა, ასევე განხორციელდება სხვადასხვა კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

 3.2.1 ბიბლიოთეკა (პროგრამული კოდი 05 02 01 01)

3.2.2 კულტურის ცენტრი (პროგრამული კოდი 05 02 01 02)

ქვეპროგრამის ფარგლებში მოეწყობა შემდეგი ღონისძიებები:

• საშობაო ზღაპარი-კარნავალი ზღაპრის გმირებთან ერთად.
• ვაჟა გოგოლაძის ხსოვნის საღამო.
• დედის და ქალის დღისადმი მიძღვნილი ღონისძიება.
• მღერიან და ხუმრობენ ჩოხატაურლები.
• პასქის ფესტივალი.
• დამოუკიდებლობის დღისადმი მიძღვნილი საღამო.
• ნ. დუმბაძის დღეები.
• ფერიცვალების დღესასწაულისადმი მიძღვნილი კონცერტი კურორტ ბახმაროში.

საესტრადო სიმღერების კონკურსი.

• რამინ მიქაბერიძისადმი მიძღვნილი საღამო.
• გიორგობის ბრწყინვალე დღესასწაულისადმი მიძღვნილი საღამო.
• გურული საგალობლების ფესტივალი.

კულტურის ცენტრი აერთიანებს ანსამბლებს: „გურიას“, „ნართის“, „კრიმანჭულს“, „მანდილს“, „ამაღლებას“ საესტრადო ჯგუფებს, მგალობელთა ჯგუფს, ცეკვის ანსამბლებს,  თეატრალურ  დასს. კულტურის ცენტრის თანამშრომელთა ძალებით ხდება ხალხური რეწვის, ფოლკლორის მოძიება და დამუშავება და მაყურებელთათვის მიწოდება.

მოსალოდნელი შედეგი:

კულტურის სფეროს განვითარების ხელშეწყობა;

კულტურული მომკვიდრეობის შენარჩუნება და განვითარება.

შედეგების შეფასების ინდიკატორი:

ჩატარებული კულტურული ღონისძიებების რაოდენობა;

მოსახლეობის დაინტერესების ზრდა კულტურის სფეროს მიმართ.

3.2.3 სამუსიკო სკოლა (პროგრამული კოდი 05 02 01 03)

3.2.4 მუზეუმები (პროგრამული კოდი (05 02 01 04)

3.2.5 სახელოვნებო სკოლები (პროგრამული კოდი 05 02 01 05)

3.2.6 სამხატვრო გალერეა (პროგრამული კოდი 05 02 01 06)

მოსალოდნელი შედეგი:

სამხატვრო ხელოვნების განვითარება და პოპულარიზაცია;

შედეგების შეფასების ინდიკატორი:

ჩატარებული გამოფენებისა და სხვა ღონისძიებების რაოდენობა.

3.2.7. ჩოხატაურის მუნიციპალიტეტის სახელოვნებო სკოლების გაერთიანება (პროგრამის კოდი 05 02 09)

ქვეპროგრამის ფარგლებში ფინანსდება ჩოხატაურის მუნიციპალიტეტის სახელოვნებო სკოლების გაერთიანება, მოსწავლეები მუსიკალურ ცოდნას გააღრმავებე სხვადასხვა ჟანრებში: კლასიკურ, ვოკალურ, საფორტეპიანო და საორკესტრო ჯგუფებში.

მოეწყობა:

• კაფე-საღამო, მიძღვნილი „დედის დღისადმი“.
• მონაწილეობის მიღება ქ. თბილისში საქართველოს ხელოვანთა კავშირის „ხელოვნება მომავლისთვის“ „მომავლის ვარსკვლავები“ მე-9 რესპუბლიკური ფესტივალის შესარჩევ ტურში.
• პეტრე ჩაიკოვსკის შემოქმედებითი საღამო. საფორტეპიანო კლასებისა და მუსიკის ლიტერატურის ინტეგრირებული ღონისძიება.
• კლასიკური მუსიკის საღამო.
• საანგარიშო კონცერტი ქ. ქუთაისის ორკესტრთან ერთად ახალ საკონცერტო დარბაზში.
• დამამთავრებელი კლასის გამოსაშვები „კაფე-საღამო“.
• გიორგობის დღისადმი მიძღვნილი ღია კონცერტი.
• წმ. ბარბარეს დღესასწაულისადმი მიძღვნილი კლასიკური მუსიკის კონცერტი.
• ღია და დახურული სოლო საფორტეპიანო კონცერტები.
• მოხდება მონაწილეობის მიღება გამოფენა-კონკურსში „ზამთრის ვერნისაჟი“ რომელიც გაიმართება ქალაქ ოზურგეთის თანამედროვე სახვითი ხელივნების გალერეასი, რომელსიც მონაწილეობას იღებს ჩოხატაურის, ლანჩხუთის და ოზურგეთის სამხატვრო სკოლის მოსწავლეები.
• მოეწყობა დედის დღისადმი მიძღვნილი შიდა საკლასო გამოფენა.
• პლენერი ბუნებაში.
• პასკის ფესტივალზე მონაწილეობის მიღება.
• ბავშვთა დაცვის დღისადმი მიზღვნილი ერთობლივი გამოფენა, მონაწილეობას იღებს ჩოხატაურისა და რუსთავის სამხატვრო სკოლის მოსწავლეები, რომელიც გაიმართება ქალაქ თბილისში სამების საკათედრო თაძართან არსებულ ახალგაზრდული და ინტელექტუალური განვითარების ცენტრში.
• მასტერკლასი გგამოყენებით ხელოვნებაში.
• საშემოდგომო პლენერი ბუნებასი ხატვასა და ფერწერაში.
• გიორგობის დღისადმი მიძღვნილი საშემოდგომო გამოფენა ქ. თბილისში.
• ნიკოლოზობის დღესასწაულისადმი მიძღვნილი ერთობლივი გამოფენა თანამედროვე სახვითი ხელოვნების გალერეაში.
• მოსალოდნელი შედეგი:
•  მუნიციპალიტეტში ხელოვნების   განვითარების ხელშეწყობა;
• შედეგების შეფასების ინდიკატორი:
• ხელოვნების  განათლების მიღებით დაკავებულ მოზარდთა რაოდენობის

3.2.8 ჩოხატაურის მუნიციპალიტეტის არაფორმალური განათლების და კულტურული მემკვიდრეობის დაცვის ცენტრი (პროგრამის კოდი 05 02 10)

ქვეპროგრამის ფარგლებში მუნიციპალიტეტის ბიუჯეტიდან მთლიანად      ფინანსდება ჩოხატაურის მუნიციპალიტეტის განათლების და კულტურული მემკვიდრეობის დაცვის ცენტრი განხორციელდება ღონისძიებები:

• საქართველოს ოკუპაციის დღე – იმტეგრირებული ღონისძიება
• შემეცნებითი ღონისძიება ნ. დუმბაძის სახლ-მუზეუმში
• ნ. ბერძენიშვილის სახელობის ჩოხატაურის მხარეთმცოდნეობის მუზეუმში მიმდინარე მუშაობის ანგარიში, პრეზენტაცია.
• საგანმანათლებლო ღონისძიება „წიგნიერება და სამუზეუმო სივრცე“
• ფაშიზმზე გამარჯვების თარიღთან დაკავშირებული ღონისძიება.
• აქცია-ღონისძიების ციკლი მუზეუმების საერთაშორისო დღესთან დაკავშირებით.

ცოტა რამ იური მარზე – ღონისძიება ნიკო მარის სახლ-მუზეუმში.

•    გალერეის მუდმივი ექსპოზიციისათვის ნამუშევრების შევსება.
•  სახელოვნებო ბიბლიოთეკის შექმნისათვის წიგნების შეძენა.
•  რესპუბლიკურ და საერთასორისო გამოფენებში და კონკურსებში მონაწილეობის მიღება.
•  სახელოვნებო გრანტებზე მომუშავე ორგანიზაციების მოძიება და პროექტების განხორციელება.
•  პერსონალური გამოფენების მოწყობა.
• რაიონული ცენტრიდან დაშორებულ სოფლებსი გამოფენების ორგანიზება.
•  მუნიციპალიტეტის საჯარო და კერზო ხელოვნების პედაგოგთათვის და დაინტერესებული   ადამიანებისათვის ტრენინგებისა და მასტერ კლასების ჩატარება მოწვეული ტრენერების დახმარებით.
•  საშობაო გამოფენების ორგანიზება მუნიციპალიტეტის ა(ა)იპ-ების მონაწილეობით.
• დედისა და ქალთა დღისადმი მიძღვნილი ღონისძიება.
• საშობაო ღონისძიება, შეხვედრა ხანდაზმულ ადამიანებთან.
• წიგნის განხილვა სტუმრად ზღაპრის სამყაროში.
• დედის დღისადმი მიძღვნილი ღონისძიება.
• სარვამარტო ღონისძიება.
• პოეზიის საღამოები. ერკეთის ბიბლიოთეკაში, ლიტერატურული საღამო სოფელ ქვენობანში, პოეზიის საღამო ამაღლების ბიბლიოთეკაში, დედაენის დღისადმი მიძღვნილი ღონისძიება სოფელ დაბლაციხეში.

მოხდება საცნობარო და სპეც. ლიტერატურის, ჟურნალ-გაზეთების, წიგნების   შეძენა, რაც უზრუნველყოფს მკითხველთა მოთხოვნის დაკმაყოფილებას.

• მოსალოდნელი შედეგი:
• კულტურული მემკვიდრეობის  და პოპულარიზაცია;
• შედეგების შეფასების ინდიკატორი:
• სხვადასხვა  ღონისძიებების რაოდენობა.

3.3 ახალგაზრდული პროგრამების  და ტურიზმის  დაფინანსება (პროგრამული კოდი 05 03)

პროგრამის ფარგლებში დაფინანსდება სხვადასხვა ღონისძიებები, რომლებიც ხელს შეუწყობს ახალგაზრდა თაობის მეტ ჩართულობას მუნიციპალიტეტის ყოველდღიურ საქმიანობასა და მის განვითარებაში. პროგრამის ფარგლებში დაფინანსდება   ინტელექტუალურ-შემოქმედებითი ღონისძიებები, დასვენება გამაჯანსაღებელ ბანაკებში, სპორტსმენთა დაჯილდოვება, წარმატებული ახალგაზრდების დაფინანსება, საქართველოს კუთხეების ღირსშესანიშნაობების დათვალიერება, დამსახურებული პედაგოგების დაჯილდოება და სვა ღონისძიებები. განხორციელდება ისეთი  ღონისძიებები, რომლებიც ხელს შეუწყობს საჯარო სკოლებში მოსწავლეების უფრო გააქტიურებას, სატრანსპორტო საშუალებებით გადადგილებას და სხვა ღონისძიებების მოწყობას, მუსიკოსის ელისო ბოლქვაძის ფესტივალის ფარგლებში მუნიციპალიტეტში გაიმართება სხვადასხვა ღონისძიებები, გაიმართება ნოდარ დუმბაძის საერთაშორისო ფესტივალის ორგანიზება,  ასევე განხორციელდება ტურიზმის განვითარების მიმართულებით სხვადასხვა ღონისძიებები. ჩატარდება ღონისძიება ევროკავშირის პროექტის ,,მონაწილეობითი CARRETE გურიის ტურიზმის განვითარების სტრატეგიისათვის“.

მოსალოდნელი შედეგი:

ახალგაზრდების  საზოგადოებრივ ღონისძიებებში ჩართულობის ხელშეწყობა;

ტურიზმის განვითარების ხელშეწყობა.

შედეგების შეფასების ინდიკატორი:

ჩატარებული საზოგადოებრივი ღონისძიებების რაოდენობა;

მუნიციპალიტეტის ტურისტული პოტენციალით დაინტერესებული ადამიანების რაოდენობა.

3. რელიგია (პროგრამული კოდი 05 04)

პროგრამის ფარგლებში განხორციელდება მუნიციპალიტეტის ტერიტორიაზე არსებული ეკლესია მონასტრების ფინანსური მხარდაჭერა;

4. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი 06 00)

მოსახლეობის ჯანმრთელობის დაცვა და  სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით  უზრუნველყოფას. ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს არა მხოლოდ მუნიციპალიტეტის, არამედ მთელი ქვეყნის მოსახლეობის ჯანმრთელობის დაცვას სხვადასხვა გადამდები და ინფექციური დაავადებებისაგან.

 4.1 საზოგადოებრივი ჯანმრთელობის დაცვა (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, აღნიშნულ ფარგლებში დაფინანსდება.

საზოგადოებრივი ჯანდაცვის სამსახური, კერძოდ:

• არსებობის შემთხვევაში ცოფის კერის ლიკვიდაცია და დაკბენილი მოსახლეობის ზუსტი აღრიცხავა, სასწრაფო შეტყობინების სისტემის დახვეწა და გაუმჯობესება;
• დაავადებათა გავრცელების ეტაპობრივი შემცირება მისი კონტროლის გზით. ეპიდსიტუაციის გამწვავების დროული გამოვლენის ხელშეწყობა და მათზე სწრაფი რეაგირება, პროფილაქტიკურ ღონისძიებათა გატარება;
• მუნიციპალიტეტის მოსახლეობაში არაგადამდებ დაავადებათა პრევენციის და ჯანმრთელობაზე მავნე ფაქტორების ზემოქმედებაზე მოსახლეობის ინფორმირების გზით ჯანმრთელობის დაცვის ხელშეწყობა;
• სადერატიზაციო სამუშაოების ჩატარება საცხოვრებელი სახლების სარდაფებსა და ბუნკერებში (კერძო სექტორის გარდა) და ამის საფუძველზე ქალაქში ეპიდსიტუაციის გაუმჯობესება;
• ჯანმრთელობისათვის მნიშვნელოვანი ინფექციური და არაგადამდები დაავადებებისა და მასობრივი მოშხამვების, აგრეთვე პროფესიული დაავადებების თავიდან აცილება;
• მუნიციპალიტეტში არსებული სანიტარულ-ჰიგიენური მგომარეობის მონიტორინგი, მოსახლეობისათვის ჯანსაღი გარემოს შექმნის ხელშეწყობის მიზნით მუნიციპალიტეტის დასახლებულ ტერიტორიებზე ადამიანისათვის საშიში და შხამიანი ცხოველების ცხოველმყოფელობის დადგენისა და გაუვნებელყოფის ღონისძიებები.

მოსალოდნელი შედეგი:

მუნიციპალიტეტის ტერიტორიაზე გადამდები დაავადებების პრევენციის უზრუნველყოფა;

მუნიციპალიტეტის ტერიტორიაზე განთავსებული საზოგადოებრივი მნიშვნელობის დაწესებულებებში სანიტარული ნორმების დაცვა.

შედეგების შეფასების ინდიკატორი:

დაავადებების პრევენციის მიზნით განხორციელებული ღონისძიებების რაოდენობა;

დაცული სანიტარიული ღონისძიებების მქონე ობიექტების რაოდენობა.

4.2 სოციალური პროგრამები (პროგრამული კოდი 06 02)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენებისათვის სოციალური დახმარებებით უზრუნველყოფას. როგორც სახელმწიფო ბიუჯეტიდან გამოყოფილ ასევე მუნიციპალიტეტის ბიუჯეტით   გათვალისწინებული  თანხებით. პროგრამა ითვალისწინებს სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველპირთა  მდგომარეობის გაუმჯობესების, მრავალშვილიანი ოჯახების დახმარებას, დევნილთა და ტერიტორიული მთლიანობისათვის დაღუპულთა ოჯახების დახმარებას, სტიქიის შედეგად დაზარალებულთა დახმარებას, სამედიცინო მომსახურების თანადაფინანსებას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

მუნიციპალიტეტის ბიუჯეტიდან ფინანსდება შემდეგი სოციალური პროგრამები:

1. მეორე მსოფლიო ომის ვეტერანებისა და ომში დაღუპულთა მარჩენალდაკარგული პირების, საქართველოს თავისუფლებისა და ტერიტორიული მთლიანობისათვის ბრძოლის მონაწილე პირების დაკრძალვის (სარიტუალო) ხარჯი   (პროგრამული კოდი 06 02 01) (2,0 ათასი ლარი)

ქვეპროგრამის ფარგლებში დაფინანსდება მეორე მსოფლიო ომში მონაწილე 8 ვეტერანები ერთჯერადი ფულადი დახმარებით 350 ოდენობით.

4.2.2 მძიმე საცხოვრებელ პირობებში მყოფი, უბედური  შემთხვევისა და სტიქიური მოვლენების შედეგად უსახლკაროდ დარჩენილი ოჯახების დახმარება (პროგრამული კოდი 06 02 03)

ქვეპროგრამით გათვალიწინებულია დახმარება გაეწიოს სტიქიური მოვლენების შედეგად დაზარალებულ ოჯახებს 5000 ლარამდე ერთჯერადად, დროებით თავშესაფრის უზრუნველყოფისათვის მოხდება 20  ოჯახის ბინის ქირით უზრუნველყოფა 110.0  ლარის ოდენობით.

4.2.3 ლტოლვილთა დახმარება (პროგრამული კოდი 06 02 04)

ქვეპროგრამით დახმარება ეძლევა სამაჩაბლოდან და აფხაზეთიდან დევნილ ოჯახებს ზამთრისათვის სათბობის შეძენაზე 200  ლარის ოდენობით, სხვა გადაუდებელი საჭიროებებიდან გამომდინარე არაუმეტეს 100 (ასი) ლარი, დაკრძალვის ხარჯი ერთჯერადად არაუმეტეს 250  ლარისა (10,0 ათასი ლარი).

4.2.4 საქართველოს თავისუფლებისა და ტერიტორიული მთლიანობისათვის დაღუპულთა  ოჯახების დახმარება (პროგრამული კოდი 06 02 05)

ქვეპროგრამის ფარგლებში დახმარება ეძლევა 1989 წლის 9 აპრილს მოწამლულ ორ პიროვნებას და ერთი დაღუპულის ოჯახს ერთჯერადად 500 ლარი, მოწამლულს ყოველთვიურად 150 ლარი, სულ 5100 ლარი. 2008 წლის აგვისტოს ომის დროს დაღუპულთა 3 ოჯახს ერთჯერადად 500 ლარი, სულ 1 500 ლარი. აფხაზეთის დაცემის დღესათან დაკავშირებით ომში დაღუპულთა 8 ოჯახს ერთჯერადად 500 ლარი, სულ 4 000 ლარი.  ყოველთვიურად ერთ ოჯახს 300 ლარი, სულ 3 600 ლარი. ზამთრის სეზონთან დაკავშირებით სათბობის შესაძენად თითოეულ ოჯახს 200 ლარი, სულ 2800 ლარი.

4.2.5 სამედიცინო მომსახურების თანადაფინანსების ხარჯი (პროგრამული კოდი 06 02 06)

ქვეპროგრამის ფარგლებში დაფინანსდება: 

ფენილკეტონურიით დაავადებული ბავშვები (12,0 ათასი ლარი);

18 წელს ზევით ასაკის პირები რომელთა სარეიტინგო ქულა 65001 დან 150 000 – მდეა სტაციონალური სამედიცინო მომსახურება და მედიკამენტების შეძენა;

18 წელს ზევით ასაკის შ.შ.მ პირების სტაციონალური სამედიცინო მომსახურება და მედიკამენტების შეძენა;

ონკოლოგიური დაავადებით დაავადებულთა სტაციონალურ სამედიცინო მომსახურების, მედიკამენტების შეძენის და ოპერაციის შემდგომი გამოკვლევების ხარჯი;

მეორე მსოფლიო ომის ვეტერანების და ომში დაღუპულ ქვრივებისადმი სტაციონალურ სამედიცინო მომსახურების და მედიკამენტების შეძენის ხარჯი;

0-დან 18-წლამდე ასაკის პირების სტაციონალურ სამედიცინო მომსახურების ხარჯი;

თირკმლის უკმარისობით დაავადებული პირებისადმი დახმარება, რომლებიც გადიან დიალეზის კურსს;

ა(ა)იპ – განათლების ცენტრის (6-დან 18-წლამდე პირების დღის ცენტრი, კომუნალური და კვების პროდუქტების ხარჯი) თანადაფინანსება;

გულის თანდაყოლილი პათოლოგიით (გულის მანკი) დაავადებული, ეპილეფსიითა და ცერემბრლური დამბლით დაავადებულ  0-დან 18-წლამდე ასაკის პირთა სამედიცინო სტაციონალური მომსახურების თანადაფინანსება;

საინვესტიციო პროგრამების თანადაფინანსება;

ჰემოფილიით დაავადებულ ბავშვთა და მოზრდილთა დახმარება;

 დამქირავებლის სოციალური ფულადი დახმარება (საავადმყოფო ფურცლის ანაზღაურება);

,,C’ ჰეპატიტით დაავადებული პირების მკურნალობის ტაქტიკის განსაზღვრისათვის საჭირო კვლევების დაფინანსება (ბენეფიციარზე  არაუმეტეს 200  ლარი).

0-დან 18 წლამდე ასაკის პირთა ლოგოპედური სამედიცინო მომსახურება.

4.2.6 ოჯახებისა და ბავშვების სოციალური დაცვა  (პროგრამული კოდი 06 02 07)

ქვეპროგრამის ფარგლებში დაფინანსდება შემდეგი პროგრამები:

მრავალშვილიანი (4 და მეტი 18 წლამდე ასაკის ბავშვები) ოჯახების დახმარება;

ახალშობილთა ოჯახებზე დახმარება;

დედ-მამით ობოლი ბავშვების დახმარება;

მარტოხელა (უპატრონო) პირთა სარიტუალო მომსახურება;

ხანდაზმულ პირთა დახმარება;

მეორე მსოფლიო ომის ვეტერანების და ომში დაღუპულთა ქვრივებისადმი მატერიალური მხარდაჭერა , სადღესასწაულოდ ფაშიზმზე გამარჯვების 72-ე წლისთავთან დაკავშირებით ზამთრის სეზონისათვის სათბობის შეძენაზე დახმარება;

0-დან 18-წლამდე ასაკის შ.შ.მ პირების ოჯახების დახმარება (კომუნალური გადასახადი);

განსაკუთრებით მძიმე ჯანმრთელობის მდგომარეობის მქონე პირთა პატრონაჟისა და მონიტორინგისათვის ფინანსური დახმარება თანადაფინანსების სახით.

სახელმწიფო ზრუნვის სისტემიდან გასული სრულწლოვანი ახალგაზრდების დამოუკიდებელი ცხოვრების ხელშეწყობისათვის დახმარება.

ოჯახში ძალადობის მსხვერპლთათვის ფინანსური დახმარება.