„საქართველოს შინაგან საქმეთა სამინისტროს ქ. თბილისის პოლიციის დეპარტამენტის დებულების დამტკიცების თაობაზე“ საქართველოს შინაგან საქმეთა მინისტრის 2015 წლის 30 სექტემბრის №747 ბრძანებაში ცვლილების შეტანის შესახებ

1.   მე-8 მუხლის პირველი პუნქტის „ე“ ქვეპუნქტის შემდეგ დაემატოს შემდეგი შინაარსის „ვ“ ქვეპუნქტი:

„ვ) საინფორმაციო-ანალიტიკური სამმართველო.“.

2.   მე-9 მუხლის:

ა) „ზ“ ქვეპუნქტი ჩამოყალიბდეს შემდეგი რედაქციით:

„ზ) კომპეტენციის ფარგლებში საქართველოს და საზღვარგარეთის ქვეყნების უმაღლესი რანგის პირთა გადაადგილების პერიოდში ორგანიზების და კონტროლის უზრუნველყოფა;“;

ბ) „თ“-„ლ“ ქვეპუნქტები ამოღებულ იქნეს.

3.   მე-13  მუხლის შემდეგ დაემატოს შემდეგი შინაარსის 13¹  მუხლი:

„მუხლი 13¹

დეპარტამენტის  საინფორმაციო-ანალიტიკური სამმართველოს კომპეტენციაა:

ა) კომპეტენციის ფარგლებში დეპარტამენტის ადმინისტრაციასთან (სამმართველო) კოორდინაციით, მასობრივი სპორტული, სანახაობრივი და სხვა სახის ღონისძიებების, ასევე მნიშვნელოვანი მოვლენების განხორციელების პერიოდში ორგანიზების და კონტროლის უზრუნველყოფა;

ბ) პირადი შემადგენლობის მიერ დისციპლინური და სხვა გადაცდომების პრევენციის კოორდინაცია, გამოვლენა და საჭიროების შემთხვევაში დანიშნული სამსახურებრივი შემოწმება;

გ) საგანგებო შემთხვევათა დროს მობილიზაციის მიზნით დეპარტამენტის დანაყოფების ინფორმირება; დანაყოფებში სამოქმედო ოპერატიულ გეგმებთან დაკავშირებული საორგანიზაციო საკითხების სწორი წარმართვის კონტროლი;

დ) დანაშაულებთან და სხვა სამართალდარღვევებთან დაკავშირებით საჭირო ინფორმაციის დროული დამუშავების და შესაბამის მონაცემთა ბაზაში შეტანის კონტროლი; სააღრიცხვო-ანალიტიკურ საქმიანობაზე ზედამხედველობა;

ე) საზოგადოებრივი წესრიგის უზრუნველსაყოფად, დაზარალებულთა დასახმარებლად, დამნაშავეთა დასაკავებლად, საავარიო-სამაშველო სამუშაოთა საწარმოებლად საგამოძიებო-ოპერატიული ჯგუფების განწესება;

ვ) კანონმდებლობით გათვალისწინებულ სხვა უფლებამოსილებათა განხორციელება.“.