„საკონტრაქტო (პროფესიული) სამხედრო სამსახურიდან კადრის სამხედრო სამსახურში ჩარიცხვისათვის საკვალიფიკაციო გამოცდების ჩატარების წესის შესახებ” საქართველოს თავდაცვის მინისტრის 2017 წლის 18 სექტემბრის №72 ბრძანებაში ცვლილების შეტანის თაობაზე

1. ბრძანების პრეამბულა ჩამოყალიბდეს შემდეგი რედაქციით:

„სამხედრო ვალდებულებისა და სამხედრო სამსახურის შესახებ“ საქართველოს კანონის მე-2 მუხლის პირველი პუნქტის და „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ” ქვეპუნქტის საფუძველზე,  ვბრძანებ:”.

2. ბრძანებით დამტკიცებულ წესის:

ა) პირველი მუხლის მე-3 პუნქტი ჩამოყალიბდეს შემდეგი რედაქციით:

„3. სამინისტროს თავდაცვის ძალების  სამხედრო დაზვერვის დეპარტამენტის და სამხედრო პოლიციის დეპარტამენტის შესაბამისი სამხედრო მოსამსახურეებისათვის (სადაზვერვო, ოპერატიული, ოპერატიულ-სამძებრო) საქმიანობის მიზნებიდან გამომდინარე, საკონტრაქტო (პროფესიული) სამხედრო სამსახურიდან კადრის სამხედრო სამსახურში ჩარიცხვისათვის საკვალიფიკაციო გამოცდების ჩატარების წესს/პირობებს და გამოცდებზე წარსადგენ კანდიდატებს (შემდგომ – კანდიდატი), ინდივიდუალური ადმინისტრაციულ-სამართლებრივი აქტით განსაზღვრავს  საქართველოს თავდაცვის ძალების მეთაური, შესაბამისი დეპარტამენტის უფროსის წარდგინებით.“;

ბ) მე-3 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. საკონტრაქტო (პროფესიული) სამხედრო სამსახურიდან კადრის სამხედრო სამსახურში ჩარიცხვისათვის, საკვალიფიკაციო გამოცდების ჩატარება და ვადები განისაზღვრება საქართველოს თავდაცვის ძალების მეთაურის ან მისი ერთ-ერთი მოადგილის ინდივიდუალური ადმინისტრაციულ-სამართლებრივი აქტის საფუძველზე.

2. სამინისტროს თავდაცვის ძალებში შემავალი ქვედანაყოფების ხელმძღვანელებმა გაითვალისწინონ კანდიდატების მომზადება გზამკვლევების მიხედვით.“;

გ) მე-6 მუხლის მე-6 პუნქტი ჩამოყალიბდეს შემდეგი რედაქციით:

„6. კანდიდატები, რომლებიც საპატიო მიზეზით ვერ გამოცხადდნენ გამოცდაზე,  გამოცდა დაენიშნებათ  საქართველოს თავდაცვის ძალების მეთაურის ან მისი ერთ-ერთი მოადგილის გადაწყვეტილებით.“.