„თვითმმართველი ქალაქის - რუსთავის ადმინისტრაციულ საზღვრებში და რუსთავი-თბილისის მარშრუტზე M2 და M3 კატეგორიის ავტოსატრანსპორტო საშუალებებით ადგილობრივი საქალაქო რეგულარული სამგზავრო გადაყვანის ნებართვის გაცემისთვის კონკურსის ჩატარების წესის,სანებართვო მოწმობისა და უწყებრივი სანებართვო რეესტრის (ჟურნალის) შევსების და მისი ფორმის დამტკიცების შესახებ“ თვითმმართველი ქალაქი რუსთავის საკრებულოს 2014 წლის 10 თებერვლის №218 დადგენილებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის  შესაბამისად, ქალაქ რუსთავის მუნიციპალიტეტის საკრებულო ადგენს:

 ა) მე-14 მუხლის პირველი პუნქტის „დ“ ქვეპუნქტი  ჩამოყალიბდეს შემდეგი რედაქციით:

„დ) ხელშეკრულების გაფორმების დღიდან, მაგრამ არაუგვიანეს 2019 წლის 1 დეკემბრისა, მომსახურების განხორციელება დაიწყოს და ნებართვის მოქმედების მთელი ვადის განმავლობაში განაგრძოს მხოლოდ მისი საკონკურსო განცხადებით განსაზღვრული ტექნიკური მონაცემების ავტობუსებით; საკონკურსო განცხადებით განსაზღვრულ ტექნიკურ პირობებთან შესაბამისობის შენარჩუნების მიზნით, აუცილებლობის შემთხვევაში შეცვალოს ავტობუსი, მისი კატეგორიის, სახეობის, სტანდარტების, ამ წესის და მოქმედი კანონმდებლობის შესაბამისად, საკონკურსო განცხადებით განსაზღვრული ტექნიკური მონაცემების შეუცვლელად და ეს ცვლილებები დაუყოვნებლივ  აცნობოს  ნებართვის  გამცემს.“;

ბ) მე-14 მუხლის მე-3 პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) კონკურსში გამარჯვებულთან ხელშეკრულების გაფორმების დღიდან, მაგრამ არაუგვიანეს 2019 წლის 1 დეკემბრისა, ნებართვის მფლობელს დართოს უფლება მომსახურების განხორციელება დაიწყოს და ნებართვის მოქმედების მთელი ვადის განმავლობაში განაგრძოს მხოლოდ მისი საკონკურსო განცხადებით განსაზღვრული ტექნიკური მონაცემების ავტობუსებით; საკონკურსო განცხადებით განსაზღვრულ ტექნიკურ პირობებთან შესაბამისობის შენარჩუნების მიზნით, აუცილებლობის შემთხვევაში შეცვალოს ავტობუსი, მისი კატეგორიის, სახეობის, სტანდარტების, ამ წესის და მოქმედი კანონმდებლობის შესაბამისად, საკონკურსო განცხადებით განსაზღვრული ტექნიკური მონაცემების შეუცვლელად, თუ განსახორციელებელ ცვლილებებთან დაკავშირებით დაუყოვნებლივ აცნობებს ნებართვის გამცემს.“.

ა) ქალაქ რუსთავის მუნიციპალიტეტის მერიამ ამ დადგენილებით განსაზღვრული წესის შესაბამისად, 10 დღის ვადაში, უზრუნველყოს ადგილობრივ საქალაქო რეგულარულ სამგზავრო გადაყვანაზე (რუსთავი-თბილისის მარშრუტზე) ნებართვის მფლობელთან გაფორმებულ დოკუმენტაციაში ცვლილებების შეტანა;

ბ) ნებართვის მფლობელმა ამ დადგენილების ძალაში შესვლიდან 1 თვის ვადაში განსაზღვროს და ნებართვის გამცემს წარუდგინოს ყოველდღიურად მარშრუტებზე მომუშავე და სარეზერვო ავტობუსების რაოდენობა, რომლის შემადგენლობაშიც გათვალისწინებული უნდა იქნეს, კონკურსში გამარჯვებულის გამოვლენამდე, შესაბამის მარშრუტებზე მომუშავე 2001 წლიდან გამოშვებული ავტობუსები, რომლებიც აკმაყოფილებენ საკონკურსო  პირობებით განსაზღვრულ ტექნიკურ მოთხოვნებს.