,,მესტიის მუნიციპალიტეტის 2018 წლის ბიუჯეტიდან სოციალური დახმარების პროგრამების გაცემის წესის დამტკიცების შესახებ“ მესტიის მუნიციპალიტეტის საკრებულოს 2017 წლის 20 დეკემბრის №40 დადგენილებაში ცვლილებების შეტანის შესახებ

„17. სტიქიით (მათ შორის ხანძრით) დაზარალებული ოჯახების დახმარების პროგრამა.“

„მუხლი 19. სტიქიით (მათ შორის ხანძრით) დაზარალებული ოჯახების ერთჯერადი მატერიალური (ფულადი) დახმარების პროგრამა“

1. ხანძრის შედეგად მუნიციპალიტეტის ტერიტორიაზე საკუთრებაში არსებულ საცხოვრებელზე მიყენებული ზარალისათვის, დაზარალებულმა მოქალაქემ ან მისი ოჯახის სრულწლოვანმა წევრმა, ერთჯერადი დახმარების მოთხოვნის მიზნით, მუნიციპალიტეტის მერიაში უნდა წარმოადგინოს:

ა) განცხადება მუნიციპალიტეტის მერის სახელზე;

ბ) განმცხადებლის (და მესაკუთრის) პირადობის მოწმობის ასლი;

გ) საკუთრების დამადასტურებელი მოწმობა/ამონაწერი საჯარო რეესტრიდან, ხოლო აღნიშნული დოკუმენტის არქონის შემთხვევაში, მუნიციპალიტეტის ადმინისტრაციული ერთეულის წარმომადგენლის მიერ  გაცემული ცნობა, სამი მომიჯნავე ტერიტორიის მფლობელის/მესაკუთრის  ხელმოწერით, საკუთრების ფაქტის დადასტურების  შესახებ;

დ) სახანძრო-სამაშველო სამსახურიდან  შესაბამისი აქტი (დედანი);

ე) მუნიციპალიტეტის ადმინისტრაციული ერთეულის წარმომადგენლისგან გაცემული ცნობა(რეკომენდაცია);

ვ)  დაზიანებული/დამწვარი შენობა-ნაგებობის  ფოტოსურათი;

ზ) განმცხადებლის საბანკო პირადი ანგარიშის რეკვიზიტები.

2. სხვა სტიქიური მოვლენების შედეგად დაზარალებული პირები:

სტიქიის (დიდთოვლობის, ქარბუქის, მიწისძვრის, წყალდიდობის, მეწყერის და სხვა)  შედეგად მუნიციპალიტეტის ტერიტორიაზე არსებულ საცხოვრებელზე მიყენებული ზარალისათვის  დაზარალებულმა მოქალაქემ მერიაში უნდა წარმოადგინოს:

ა) განცხადება მუნიციპალიტეტის მერის სახელზე;

ბ) განმცხადებლის (მესაკუთრის) პირადობის მოწმობის ასლი;

გ) საკუთრების დამადასტურებელი მოწმობა/ამონაწერი საჯარო რეესტრიდან, ხოლო აღნიშნული დოკუმენტის არქონის შემთხვევაში, მუნიციპალიტეტის ადმინისტრაციული ერთეულის წარმომადგენლის მიერ  გაცემული ცნობა, სამი მომიჯნავე ტერიტორიის მფლობელის/მესაკუთრის  ხელმოწერით საკუთრების ფაქტის დადასტურების  შესახებ;

დ)  მუნიციპალიტეტის ადმინისტრაციული ერთეულის წარმომადგენლისგან გაცემული ცნობა (რეკომენდაცია);

ე) მესტიის მუნიციპალიტეტის მერიის შესაბამისი კომისიის მიერ შედგენილი (სტიქიური მოვლენის   დამადასტურებელი)  აქტი;

ვ)  დაზიანებული შენობა-ნაგებობის  ფოტოსურათი;

ზ) განმცხადებლის საბანკო პირადი ანგარიშის რეკვიზიტები.

3. ანგარიშსწორება განხორციელდება უნაღდო ანგარიშსწორების ფორმით, შესაბამის  საბანკო ანგარიშზე.

4. პროგრამის ფარგლებში დაფინანსებული ოჯახი, მესტიის მუნიციპალიტეტის მერიის მხრიდან ჩაითვლება დაკმაყოფილებულად და განმეორებით ვეღარ ისარგებლებს აღნიშნული კატეგორიით გათვალისწინებული დახმარებით.“.

„5.  სტიქიით (დიდთოვლობა, ქარბუქი, მიწისძვრს, წყალდიდობს, მეწყერი და სხვა), მათ შორის  ხანძრით      დაზარალებული ოჯახების დახმარების პროგრამის ფარგლებში  ერთჯერადი ფულადი დახმარება:

ა) ხანძრის შედეგად დაზარალებული ოჯახები: ერთჯერადი ფულადი დახმარებების ოდენობა დამდგარი  ზიანის  მიხედვით  განისაზღვროს  არანაკლებ – 500 (ხუთასი) ლარის და  არაუმეტეს 5000 (ხუთი ათასი) ლარის ოდენობით;

ბ)  სხვა სტიქიური მოვლენების (დიდთოვლობა, ქარბუქი, მიწისძვრა, წყალდიდობა, მეწყერი და სხვა)  შედეგად დაზარალებული ოჯახები: ერთჯერადი ფულადი დახმარებების ოდენობა დამდგარი  ზიანის  მიხედვით  განისაზღვროს არანაკლებ  500 (ხუთასი) ლარის და  არაუმეტეს 2000 (ორი ათასი) ლარის ოდენობით.“.