ზუგდიდის მუნიციპალიტეტის ქალაქის ადმინისტრაციულ ერთეულში უსახელო ქუჩების სახელდების შესახებ

ზუგდიდის მუნიციპალიტეტის საკრებულოს

განკარგულება №113

2018 წლის 2 ნოემბერი

ქ. ზუგდიდი

ზუგდიდის მუნიციპალიტეტის ქალაქის ადმინისტრაციულ ერთეულში უსახელო ქუჩების სახელდების შესახებ

საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „პ“ ქვეპუნქტის, 24-ე მუხლის 1-ლი პუნქტის „ა.ე“ ქვეპუნქტის და 61-ე მუხლის პირველი და მე-2 პუნქტების, აგრეთვე „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ საქართველოს მთავრობის 2015 წლის 1 ივნისის №239 დადგენილების მე-3 მუხლის პირველი პუნქტის “ბ“ პუნქტის, ზუგდიდის მუნიციპალიტეტის საკრებულოს წევრის დავით გახარიას 2018 წლის 25 ივნისის №541/03 მომართვის და გეოგრაფიული ობიექტების სახელწოდებათა  დადგენის, ნორმალიზების, გამოყენების,  აღრიცხვისა და დაცვის  მიზნით გეოგრაფიული ობიექტების სახელწოდებათა სფეროში მოქმედი სამთავრობო კომისიის 2018 წლის 16 ოქტომბრის №12 სხდომის ოქმით მიღებული თანხმობის შესაბამისად, ზუგდიდის მუნიციპალიტეტის საკრებულომ მიიღო განკარგულება:

1. ზუგდიდის მუნიციპალიტეტის ქალაქის ადმინისტრაციულ ერთეულში მდებარე (ფაიფურის დასახლება) უსახელო ქუჩების სახელდება განისაზღვროს შემდეგნაირად (ორთოფოტო თან ერთვის):

ა) ქალაქ ზუგდიდის ქუჩას და ამ ქუჩის ჩიხს (ყოფილი ქალაქ ზუგდიდის ი. ჭავჭავაძის III შესახვევი და IV შესახვევის ნაწილი), რომლის სათავედ განისაზღვროს ქალაქ ზუგდიდის ი. ჭავჭავაძის ქუჩის გადაკვეთა (ყოფილი ქალაქ ზუგდიდის III შესახვევის დასაწყისი) და გაგრძელდეს ქალაქ ზუგდიდის ი. ჭავჭავაძის ქუჩის გადაკვეთამდე, ეწოდოს სოხუმის ყოფილი მერის და საქართველოს ეროვნული გმირის გურამ გაბესკირიას სახელი (დანართი №1);

ბ) ქალაქ ზუგდიდის ქუჩა ს და ამ ქუჩის ჩიხს (ქალაქ ზუგდიდი, ტ. გრანელის ქუჩის II შესახვევი და ქალაქი ზუგდიდი, მ. ხერგიანის ქუჩის II შესახვევის ნაწილი), რომლის სათავედ განისაზღვროს ქალაქ ზუგდიდის თ. ყუფუნიას ქუჩის გადაკვეთა და გაგრძელდეს ქალაქ ზუგდიდის ტ. გრანელის ქუჩის გადაკვეთამდე, ეწოდოს ცნობილი ავსტრიელი მწერლის, მშვიდობის განმტკიცების საქმეში პირველი ქალი ნობელის პრემიის ლაურეატის ბერტა ფონ ზუტნერის სახელი (დანართი №2);

გ) ქალაქ ზუდიდის ქუჩა და ამ ქუჩის შესახვევებსა და ჩიხს (ქალაქ ზუგდიდის ტ.გრანელის ქუჩის I შესახვევი და ქალაქ ზუგდიდი ე. მანჯგალაძის ქუჩის II შესახვევი), რომლის სათავედ განისაზღვროს ქალაქ ზუგდიდის ტ. გრანელის ქუჩის გადაკვეთა (ქალაქ ზუგდიდის ტ. გრანელის ქუჩის I შესახვევის დასაწყისი) და გაგრძელდეს ქალაქ ზუგდიდის ე. მანჯგალაძის ქუჩის გადაკვეთამდე (ქალაქ ზუგდიდის ე. მანჯგალაძის ქუჩის II შესახვევის დასაწყისამდე), ეწოდოს ცნობილი საზოგადო მოღვაწის, აკადემიკოს დიმიტრი უზნაძის სახელი (დანართი №3).

2. განკარგულება გადაგზავნილ იქნეს ზუგდიდის მუნიციპალიტეტის მერიაში, სსიპ – საჯარო რეესტრის ეროვნული სააგენტოში, სსიპ – სახელმწიფო სერვისების განვითარების სააგენტოში, შინაგან საქმეთა სამინისტროში და საქართველოს ცენტრალურ საარჩევნო კომისიაში.

3. ზუგდიდის მუნიციპალიტეტის მერიამ უზრუნველყოს კონკრეტული ღონისძიებების გატარება (აბრების, ფირნიშების, რუკების (არსებობის შემთხვევაში), ცნობარების და სხვ. დამზადება, კორექტირება, გავრცელება და სხვ.),

4.   განკარგულება ამოქმედდეს ხელმოწერისთანავე.

5. განკარგულება შეიძლება გასაჩივრდეს გაცნობის დღიდან ერთი თვის ვადაში,   ზუგდიდის რაიონულ სასამართლოში (მისამართი: ქ.ზუგდიდი რ. ლაღიძის ქუჩა №12).

საკრებულოს   თავმჯდომარის

მოვალეობის შემსრულებელი:                                                                       ბესიკ ჭეჟია