„სამხედრო ფორმის ტანსაცმელი და მისი ტარების წესის დამტკიცების შესახებ“ საქართველოს თავდაცვის მინისტრის 2017 წლის 5 აპრილის №22 ბრძანებაში ცვლილების შეტანის თაობაზე

1. მე-7 მუხლის პირველი პუნქტი ჩამოყალიბდეს შემდეგი რედაქციით:

„1. საველე სამხედრო ფორმის შემადგენლობაში შედის (სურათი №7): კომუფლირებული ქურთუკი, ხაკისფერი/მწვანე პულოვერი (დახურული ყელით), კომუფლირებული შარვალი, პიჯაკი, ქუდი (კეპი, დამკვირვებელ-მაკონტროლებლის და ინსტრუქტორის კეპი,  პანამა, ბერეტი), მწვანე/კომუფლირებული მაისური, მუქი მწვანე/შავი/ხაკისფერი შარვლის ქამარი, მაღალყელიანი ფეხსაცმელი, მუქი მწვანე/შავი/თეთრი ფერის წინდა, წოდების შესაბამისი ატრიბუტიკა და ფურნიტურა.“.

2. მე-7 მუხლს დაემატოს მე-5 პუნქტი შემდეგი რედაქციით:

„5. სწავლებების/წვრთნების და შეფასების პერიოდში, დამკვირვებელ-მაკონტროლებელს და ინსტრუქტორს საველე სამხედრო ფორმის ტარებისას შესაბამისი ქვედანაყოფის ხელმძღვანელის გადაწყვეტილებით შეიძალება ეხუროს შავი ფერის დამკვირვებელ-მაკონტროლებლის და ინსტრუქტორის კეპი ან დათბილული ქუდი და მარცხენა მკლავზე ეკეთოს მწვანე ფერის, ფოსფორის შემცველი სამკლავური, რომელზეც დატანილი უნდა იყოს დამკვირვებელ-მაკონტროლებლის და ინსტრუქტორის განმასხვავებელი ნიშანი („OCT“ (Observer, Coach, Trainer – დამკვირვებელი, მაკონტროლებელი, ინსტრუქტორი)).“.

3. მე-9 მუხლის მე-2 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) შეიარაღებული ძალების გენერალური შტაბის უფროსი – შეიარაღებული ძალების ქვედანაყოფებში;

ბ) სარდალი, ეროვნული გვარდიის უფროსი, სპეციალური ოპერაციების ძალების მეთაური, სამხედრო პოლიციის დეპარტამენტის უფროსი, კავშირგაბმულობის ცენტრის უფროსი  – დაქვემდებარებულ ქვედანაყოფებში;“.

4. მე-10 მუხლის მე-2 პუნქტის „ა“ და „ბ“ ქვეპუნქტები ჩამოყალიბდეს შემდეგი რედაქციით:

„ა) შეიარაღებული ძალების გენერალური შტაბის უფროსი – შეიარაღებული ძალების ქვედანაყოფებში;

ბ) სარდალი, ეროვნული გვარდიის უფროსი, სპეციალური ოპერაციების ძალების მეთაური, სამხედრო პოლიციის დეპარტამენტის უფროსი, კავშირგაბმულობის ცენტრის უფროსი  – დაქვემდებარებულ ქვედანაყოფებში;“.

5. №1 დანართს დაემატოს პლანშეტი №12¹:

„პლანშეტი №12¹

დამკვირვებელ-მაკონტროლებლის და ინსტრუქტორის კეპზე განმასხვავებელი ნიშნის განლაგების წესი

1. ნიმუში: 

დამკვირვებელ-მაკონტროლებლის და ინსტრუქტორის კეპი   

2. აღწერილობა:

ა) დამკვირვებელ-მაკონტროლებლის და ინსტრუქტორის განმასხვავებელი ნიშანი მაგრდება დამკვირვებელ-მაკონტროლებლის და ინსტრუქტორის  კეპის წინა მხარეს, ცენტრში.“.