დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „კონტრდაზვერვითი საქმიანობის განმახორციელებელ სპეციალურ სამსახურებს, აგრეთვე სახელმწიფო ხელისუფლების სხვა ორგანოებს შორის სახელმწიფო უსაფრთხოების უზრუნველყოფის ინტერესებიდან გამომდინარე ინფორმაციის გაცვლისა და საინფორმაციო ბანკის წარმოების წესის შესახებ“ საქართველოს მთავრობის 2013 წლის 17 დეკემბრის №343 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 491 |
| დოკუმენტის მიმღები | საქართველოს მთავრობა |
| მიღების თარიღი | 23/10/2018 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 25/10/2018 |
| სარეგისტრაციო კოდი | 130050000.10.003.020807 |
|
„კონტრდაზვერვითი საქმიანობის განმახორციელებელ სპეციალურ სამსახურებს, აგრეთვე სახელმწიფო ხელისუფლების სხვა ორგანოებს შორის სახელმწიფო უსაფრთხოების უზრუნველყოფის ინტერესებიდან გამომდინარე ინფორმაციის გაცვლისა და საინფორმაციო ბანკის წარმოების წესის შესახებ“ საქართველოს მთავრობის 2013 წლის 17 დეკემბრის №343 დადგენილებაში ცვლილების შეტანის თაობაზე
|
| მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „კონტრდაზვერვითი საქმიანობის განმახორციელებელ სპეციალურ სამსახურებს, აგრეთვე სახელმწიფო ხელისუფლების სხვა ორგანოებს შორის სახელმწიფო უსაფრთხოების უზრუნველყოფის ინტერესებიდან გამომდინარე ინფორმაციის გაცვლისა და საინფორმაციო ბანკის წარმოების წესის შესახებ“ საქართველოს მთავრობის 2013 წლის 17 დეკემბრის №343 დადგენილებაში (www.matsne.gov.ge, 19/12/2013, 130050000.10.003.017510) შეტანილ იქნეს ცვლილება და დადგენილებით დამტკიცებული წესის:
1. მე-3 პუნქტი ჩამოყალიბდეს შემდეგი რედაქციით: „3. ერთიანი კონტრდაზვერვითი საქმიანობის ორგანიზაციისა და კოორდინაციის განხორციელების მიზნით, სამსახურები და ორგანოები, რომლებისთვისაც თავიანთი უფლებამოსილების განხორციელებისას ცნობილი გახდება კონტრსადაზვერვო ხასიათის მონაცემები, ვალდებულნი არიან, ამ დადგენილების პირველი მუხლის მე‑2 პუნქტით დამტკიცებული „ერთიანი კონტრდაზვერვითი საქმიანობის ინფორმაციული უზრუნველყოფის ცნობათა ნუსხით“ (შემდგომში – ნუსხა) გათვალისწინებული ნებისმიერი ინფორმაცია მიღებისთანავე მიაწოდონ საქართველოს სახელმწიფო უსაფრთხოების სამსახურის კონტრდაზვერვის დეპარტამენტს (შემდგომში – კონტრდაზვერვის დეპარტამენტი).“. 2. მე-7 პუნქტი ჩამოყალიბდეს შემდეგი რედაქციით: „7. კონტრდაზვერვის დეპარტამენტი უზრუნველყოფს მიღებული ინფორმაციის შეფასებას, დამუშავებას, ანალიზსა და საქართველოს სახელმწიფო უსაფრთხოების სამსახურის საინფორმაციო-ანალიტიკური დეპარტამენტისათვის გადაცემას (შემდგომში – საინფორმაციო-ანალიტიკური დეპარტამენტი).“. |
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები